Забава

Во Мариово се одржува „Mariovo off road experience“, се истражува Мелничката пештера

Денеска и утре во Мариово по 6-ти пат ќе се одржува аутдор фестивалот „Mariovo off road experience“. Организатори на фестивалот се здружението „Вело Европа“ од Скопје и општина Прилеп. Фестивалот освен турите со планински велосипедизам годинава ќе понуди и други новитети, меѓу кои влегување во пештери, искачување на неколку планински врвови и концерт на чалгискиот оркестар при МРТ.

Според Слободан Трајковски од Здружението „Вело Европа“ денеска во манастирот „Свети Илија“ во Мелница пристигнуаат околу 300 учесници.

- Имаме учесници од цела Македонија. Веќе по 6-ти пат се одржува Фестивалот. За да поттикнеме уште повеќе љубопитност да се доживее Мариово, освен велосипедските тури и планинарењето, годинава за прв пат од Спелеолошкиот клуб „Златоврв“ од Прилеп спелеолозите водат ентузијасти од цела Македонија да им ја покажат и да ја доживеат мелничката Пештера, рече Трајкоски кај кампот поставен околу манастирот „Свети Илија“ кај Мелница, Мариово.

Денеска две групи со 20-ина ентузијасти ја посетија Мелничката пештера. Според Марјан Темовски од СК „Златоврв“ Мелничката пештера 1 е најголема хоризонтална пештера во регионот.

- Мелничката пештера ја откривме пред десеттина години и се уште се истражува. Долга е околу 700 метри. не може прецизно да се каже од кога датира, но е многу стара. Постара е од блиската пештера во Мариово која веќе е датирана од пред еден и пол милиони години. Необична е за другите пештери во карстните мариовски карпи. Таа е термална, нема класични сталактити и сталагнити, освен на влезот и се наоѓа на надморска височина од околу 850 метри. Ваквите термални пештери се ретки. На мало место се формирани неколку пештери од термални води. Има карактеристична морфологија, украсите се посебни, невообичаени и ова е лавиринтска пештера. Имаме сознанија за околу 500 пештери во Македонија, од кои триесеттина има во Мариово хоризонтални и пештери-пропаст. Најдлабоко во македонска пештера е влезено 650 метри во Словачка Јама на Караџица, вели Темовски.

Дарко Неданоски од СК „Златоврв“ од Прилеп единствениот македонски спелеолог кој се спуштил на длабочина од 866 метри веќе 20-ина пати бил во Мелничка пештера.

- Се чувствуваме овде како дома. Еве сакаме и другите да го доживеат она што ние го доживуваме истражувајќи и влегувајќи подлабоко, вели Неданоски.

Единствената жена обучена за спасување во пештери Александра Славкоска од СК „Златоврв“ препорачува секогаш да се следат инструкциите на водичите.

- Мора да се следат водичите, да се внимава каде се гази и да не се уништуваат пештерските украси, вели Славкоска.

Ентузијасти-спелеолози при денешното истражување на Мелничка пештера имаше од повеќе краишта на Македонија.

Инаку, во рамките на Фестивалот, вечер во 20 часот е концертот на чалгискиот оркестар при МРТ.

Според организаторот, здружението „Вело Европа“ од Скопје главни активности, како и претходните години ќе бидат планинските велосипедски тури. Утре ќе има две тури, едната долга 50, а другата 30 км. Учесниците на подолгата тура ќе стартуваат во 10 часот од манастирот „Свети Илија“ во Мелница, а ќе продолжат кон Бешиште, Сатока, Градешница и преку Зовиќ и селото Манастир повторно завршуваат во манастирот Свети Илија во Мелница. Малата тура ги посетува селата Витолиште, Полчиште, Бешиште и повторно се враќа во Мелница. Предвидени се и мали предавања за истражувањата кои во изминатиов период се правеле во Мариово. /МИА

Регион

Првите пресуди за масакрот во училиштето во Белград се можни до крајот на годинава

Адвокатот Огњен Божовиќ, претставник на семејствата на убиените ученици во ОУ „Владислав Рибникар“ вечерва изјави дека судската постапка во врска со масовното убиство во тоа училиште се одвива многу ефикасно .

Адвокатот Огњен Божовиќ, претставник на семејствата на убиените ученици во ОУ „Владислав Рибникар“ вечерва изјави дека судската постапка во врска со масовното убиство во тоа училиште се одвива многу ефикасно и дека се надева дека можеби дури и до до крајот на годината ќе имаме пресуди, особено во парничната постапка.

Сепак, тој истакна дека пресудите, какви и да се тие, нема да претставуваат задоволување на правдата, објави Телеграф.

На одбележувањето на првата годишнина од масовното убиство во основното училиште „Владислав Рибникар“, во рамки на специјалната програма „Будење“, Божовиќ рече дека не е сигурен дека ќе добиеме одговори на прашањата што нѐ мачат за трагедијата.

„Се надевам дека ќе го направиме тоа, ќе се потрудиме да разбереме зошто, но на крајот на денот мислам дека нема да заврши со фер задоволство, за жал. Едноставно загубата е толку огромна, а неправдата е толку голема што не сум сигурен дека нешто може да ја исправи“, рече Божовиќ.

Свет

Жена запали Куран во Малме, на ден пред почетокот на Евросонгот (ВИДЕО)

Маж и жена запалија копија од Куранот во шведскиот град Малме, ден пред почетокот на Евровизија.

Денеска во живо на TikTok беше емитувана видео снимка на која се гледа како две лица ја палат муслиманската света книга. Жената носеше крст.

За време на инцидентот недалеку од двете сали каде што ќе се одржува Евровизија, беше запалено и палестинско знаме. Шведската полиција е критикувана поради тоа што дозволила да се запали Куранот толку блиску до големиот настан.

Палењето на Куранот во Данска и Шведска минатата година предизвика лути реакции, а понекогаш и насилни протести во земјите со мнозинско муслиманско население, но во Шведска тој чин потпаѓа под законот за слобода на говор и е легален.

Почнувајќи од утре, во овој јужен шведски град ќе се одржуваат една недела со бројни концерти и забави, кои ќе кулминираат со големото финале на Евровизија на 11 мај. Се очекува 100.000 луѓе да го посетат Малме за време на неделата на Евровизија.

Покрај музичките настани, најавени се и неколку протестни акции поради војната во Газа, меѓу кои и пропалестински и произраелски протести. Вчера Советот за национална безбедност на Израел ги заостри предупредувањата за патување во овој шведски град. На Израелците кои планираат да го посетат Малме им се советува да ја преиспитаат својата одлука, се вели во извештајот.

Шведските уметници повикаа Израел да биде исклучен од Евровизија поради војната во Газа, но организаторите одбија. Иако Израел не е европска земја, му е дозволено да учествува на Евровизија бидејќи јавната телевизија на Израел е членка на Европската радиодифузна унија (ЕБУ).

Евровизија е најголемото музичко натпреварување во светот. Откако минатата година на натпреварот победи шведската пејачка Лорин, овогодинешниот домаќин на настанот е Шведска. Полуфиналните натпревари ќе се одржат на 7 и 9 мај, при што ќе бидат елиминирани 11 од 37 учесници, додека во финалето ќе учествуваат 26 земји.

Свет

Ужас во Германија: Си ја застрелал мајка си во лице за да „ја спаси од себеси“

Несреќна жена (55) од Германија загинала кога сопствениот син ја застрелал во лице затоа што „само сакал да ја спаси од него“.

32-годишниот маж призна пред поротата во Салцбург дека ја застрелал мајка си на 23 ноември 2023 година.

„Признавам дека сум 100 отсто виновен“, изјави обвинетиот во регионалниот суд.

Злосторството се случило во дневната соба на семејната куќа во населбата Зел ам Си каде мајката и синот живееле заедно.

Претходно беспрекорниот син како свој мотив ја навел желбата да ја ослободи мајка си од стресните ситуации предизвикани од неговата долгорочна зависност од алкохол и дрога.

"Мамо, извини, не можам да ти помогнам. Потоа го вперив пиштолот во неа и го повлеков чкрапалото", и рекол на судијката Мартина Кохер дека истрелот бил испукан од непосредна близина и ја погодил жената во лицето, по што таа починала на лице место.

Синот лично повикал полиција и дал признание. Инспекторите ја пронашле жртвата како лежи на каучот во дневната соба, а во позадина работи телевизорот. Како оружје за убиството била запленета пушка во легална сопственост на 32-годишникот. Немало сведоци на злосторството.

Според пријавата, обвинетиот за време на делото имал 2,3 промили алкохол во крвта. Според експертизата на експертот по невропсихијатрија Габриела Ворготер, тој имал ограничени ментални способности.

Меѓутоа, со текот на годините, луѓето се дрогираат, понекогаш без никаква потреба и во комбинација со алкохол. Тој се опишал себеси како „четвртина пијан“.

На 23.11.2023 година, пријавениот конзумирал силен алкохол и разни психоактивни дроги, но сепак знаел што прави, велат од јавниот обвинител.

„Клучниот дел од овој судски процес ќе биде прашањето зошто сакал на ваков начин да ѝ „помогне“ на мајка си“, рече обвинителот.

Адвокатот на одбраната Питер Махајнер рече дека нема оправдување за кривичното дело. Тој побарал судот да ја земе предвид моменталната состојба на обвинетиот и побарал полесна казна. Поради синдром на немирни нозе (РЛС), од кој обвинетиот боледува од својата 20-та година, земал лекови препишани од лекар во кои имало опијати, објасни тој. Со овој синдром, заболените чувствуваат непријатен нагон да ги движат нозете.

Лекот делувал, но неговиот клиент станал зависен.

Самиот обвинет зборувал за заштитено детство.

"Сè помина добро во однос на училиштето и обуката. Ми беше дијагностицирана зависност од опијати во 2019 година. Веќе не беше возможен нормален секојдневен работен век. Јас сум виновен и никој друг. Жал ми е", рече тој пред судот.

Наскоро треба да се донесе пресудата.

притисни ентер