Може да се претпостави дека зад тоа се крие значењето дека тие двајца се на врвот на светот и слично, но овие две „спортски души“ решија да ја направат венчавката нешто поинтересна од „класична романса“.
„Планина или море“ е прашање кое често се поставува, но кога станува збор за венчавка, планинските врвови не изгледаат како најпрактична работа за ваква церемонија - на повеќето, но не и на оваа двојка.
Хали и Овен се запознале во 2018 година на одбојкарски натпревар. Таа работи како муралист, додека Овен е професионален скијач. Сѐ започнало со пријателство кое подоцна се претворило во љубов, а Хали не само што се заљубила во него, туку и во спортот со кој се занимава нејзиниот сегашен сопруг.
Пред свршувачката и двајцата се преселиле во Аспен, Колорадо, а кога Хали за прв пат ги видела познатите планини Аспен, веднаш помислила дека би било совршено да ѝ ја исполни старата желба и да организира планинска свадба.
Се разбира, тоа не било проблем за нејзиниот вереник, долгогодишен скијач, и заедно почнале да планираат во април 2021 година како би можеле да направат такво нешто без да биде премногу непрактично.
Веќе во 2022 година, Хали и Овен ги кажале своите завети на врвот на планините Аспен, со околу 75 поканети гости. Овен рече дека имал две сценарија, бидејќи „никогаш не се знае со планината“ - или можело да биде совршено или ветрот и снегот можеле да уништат сè. Од сликите се гледа дека времето им ги остварило желбите. Но, со оглед на тоа што на врвот морале да се искачат со ски-лифт, единствено логично решение за враќање им било скијањето.
По судбоносното „да“, Овен и Хали ги ставија скиите и почнаа да се спуштаат по скијачката патека, а истото го направија и повеќето гости. Хали откри дека ја избрала својата венчаница специјално за да и овозможи доволно мобилност кога се спуштале по планината по венчавката. Не знаеме дали им се придружил свештеникот, но нејзиниот сопруг го снимил ова интересно враќање од нивниот љубовен врв. На видеото се гледа како невестата брза по снежната скијачка патека со бидермаер во рацете, додека другите побрзи гости чекаат во подножјето за да го снимаат враќањето на младенците.
За одбележување на втората годишнина, тие ги потсетија своите следбеници на социјалните мрежи каква била нивната интересна венчавка.