Македонија

ВМРО-ДПМНЕ: Владата спроведува темелни реформи во социјалната заштита и обезбедува поквалитетни услуги за граѓаните

Владата предводена од ВМРО-ДПМНЕ останува цврсто посветена на создавање поефикасен, поправеден и социјално поодговорен систем за социјална заштита, преку реализација на конкретни реформи и мерки што директно го подобруваат животот на граѓаните.

По наследените системски слабости, целосно е реформиран начинот на функционирање на системот за социјална заштита преку воведување ново софтверско решение за интегрирано администрирање на паричните права, социјалните услуги и јавните овластувања.

Преку новиот систем на стручните лица во центрите за социјална работа им се овозможува дигитализирано следење на состојбата и ризиците на секое домаќинство, со што се обезбедува поефикасна и попрецизна поддршка за оние на кои им е најпотребна.

Истовремено, се спроведува темелна анализа на условите за остварување на правото на гарантирана минимална помош и правото на социјална сигурност и доколку се утврдат законски пропусти или злоупотреби од претходните решенија, Владата ќе предложи соодветни законски измени во интерес на правичен и одржлив систем.

Во завршна фаза е подготовката на Законот за вработување на лица со попреченост, а паралелно се работи и на воспоставување унифициран систем за проценка на попреченоста, со цел обезбедување еднаков третман и подобра институционална поддршка.

Владата веќе има склучено над 80 управни договори со општини и лиценцирани даватели на социјални услуги за обезбедување услуги во домот и во заедницата, додека мрежата на даватели континуирано се проширува за да се зголемат квалитетот и достапноста на услугите.

По долгогодишен застој, откочен е и процесот за полагање на стручниот испит за негуватели и воспитувачи, со што се решава проблем што со години го попречуваше функционирањето на институциите и професионалниот развој на вработените.

Едно од најзначајните ветувања на Владата е целосно реализирано линеарното зголемување на пензиите за сите пензионери. Со оваа мерка, пензиите се зголемени за 7.000 денари за повеќе од 330.000 пензионери, што претставува директна поддршка за подобрување на животниот стандард.

Воедно, интензивно се инвестира и во зголемување на капацитетите за згрижување и воспитување на децата од предучилишна возраст преку изградба на нови и реконструкција на постојните детски градинки, при што се обезбедуваат услови за прием на дополнителни 3.515 деца низ државата.

ВМРО-ДПМНЕ ќе продолжи да ги реализира реформите и проектите што носат конкретни резултати за граѓаните. Наместо празни ветувања, Владата испорачува мерки, инвестиции и политики кои создаваат посилен систем на социјална заштита, повисок животен стандард и посигурна иднина за сите.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пиперката ајварка од утре ќе се откупува по повисоки цени, постигнат договор меѓу производителите и откупувачите

Постигнат е договор пиперката ајварка од утре да се откупува по повисоки откупни цени..

Информира министерот за земјоделство Борче Серафимовски, по утринската средба со производителите, откупувачите и преработувачите во Струмица, откако производителите од струмичко во изминатите денови протестираа поради ниската откупна цена од 25 денари за прва класа..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Жители на село Длабочица, Старо Негоричане се жалат дека повеќе од 20 дена се без струја

Жители на село Длабочица, се жалат дека повеќе од 20 дена немаат струја.

За Канал 5 појаснуваат дека проблемот настанал по силното невреме што го зафатил регионотм. Иако добиле уверување од евн куманово дека проблемот ќе биде решен, се уште како што велат се во мрак..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Судски совет и Здружение на судии по одлуката на Уставен: Потребни се воздржаност и заштита на судската независност

Одлуките на Уставниот суд се конечни и извршни, но истовремено, значајно е да се почитуваат уставно загарантираната самостојност на судовите и законски уредениот тек на судските постапки.

Одлуките на Уставниот суд се конечни и извршни, но истовремено, значајно е да се почитуваат уставно загарантираната самостојност на судовите и законски уредениот тек на судските постапки – реагираат од Судскиот совет и Здружението на судии за пријавата на Уставниот суд против судија од Основниот граѓански суд Скопје за непочитување на нивна конкретна одлука..Во заедничкото соопштение, се потенцира неправосилноста на решението на судијата, против кое е поднесено и жалба по која сега треба да одлучува Апелација.

-Постапката сè уште е во тек, а оценката на законитоста на првостепената одлука му припаѓа само на надлежниот второстепен суд. Во такви околности, Судскиот совет и Здружението на судиите сметаат дека секое институционално постапување поврзано со конкретната неправосилна судска одлука бара особена внимателност и воздржаност, за да не се создаде впечаток на прејудицирање на исходот од постапката или на притисок врз судиите кои одлучуваат во конкретниот предмет,- -Заедничко соопштение на Судски совет и Здружение на судии.

Како што додаваат, без оглед на уставната положба, ниту еден орган не може да определува или однапред да прејудицира каква одлука треба да биде донесена од судот.

Канал 5 го контактираше Претседателот на Уставниот суд - Дарко Костадиновски, за став по реакциите кои деновиве ја разбрануваа правната фела отворајќи ги дилемите - дали во овој случај, Уставниот суд ги пречекорил неговите надлежности, дополнително создавајќи потенцијален притисок врз судската независност и автономија.

Костадиновски не одговори конкретно на досегашните дилеми но изјави дека ќе го разгледа заедничкото соопштение на Судскиот совет и Здружението на судии и како што рече, доколку има потреба, Уставниот суд ќе излезе со свој став. Претходно, при активација на механизмот за заштита на сопствените одлуки што се случи прв пат во 63 години уставно судство во државава, Костадиновски за Канал 5 посочи дека со конкретната одлука, се оди кон поголема уставна дисциплина, бидејќи како што рече, доколку не се почитуваат и извршуваат одлуките на Уставниот суд, се губи и смислата на постоењето на уставното судство.

Предметот по кој Уставниот суд одлучуваше се однесува на повреда на слободата на јавно изразување на новинарка во настаните во Собранието од 2017та година, а судијата од Основниот граѓански суд Скопје, повикувајќи се на Законот за парнична постапка, навел дека Одлука на Уставниот суд не може да биде основ за повторување на постапката како нов факт или доказ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.