ВМРО-ДПМНЕ: Според анкета на МЦМС, предност од 6,1% пред СДСМ

ВМРО-ДПМНЕ води со голема предност пред СДСМ од 6,1%, истражувањето на МЦМС покажува дека во оваа власт веруваат рекордно најмалку граѓани.

Последното истражување на МЦМС за 100 дена влада се уште една потврда на катастрофалната реалност во која живеат македонските граѓани. Оваа анкета, речиси како и сите претходно посочува дека граѓаните не се задоволни од власта на Ковачевски, СДСМ и ДУИ.

Дури 65,1% од граѓаните сметаат дека оваа власт не ги исполнила очекувањата на народот, а најголемо е разочарувањето од економијата и правдата. Речиси една третина од испитаниците посочуваат дека не се задоволни од ниту еден министер, што само потврдува дека оваа влада ништо не направи за подобар живот на граѓаните. Напротив според истражувањето 58,7% од граѓаните сметаат дека квалитетот на животот им е влошен во последната година.

Затоа во оваа влада на Ковачевски немаат доверба речиси 64%, што е рекордно најмала доверба на било која влада во Македонија. Само 16,8% од граѓаните сметаат дека државата се движи во правилна насока, а речиси 52% сметаат дека Македонија се води во погрешна насока со власта на СДСМ и ДУИ.

На крајот како резултат на влошениот животен стандард, криминалот и корупцијата на власта, нивната неспособност и неодговорност, граѓаните даваат далеку поголема поддршка на ВМРО-ДПМНЕ наспроти СДСМ. Според истражувањето на МЦМС поддршка на ВМРО-ДПМНЕ даваат 20,7% од испитаниците наспроти 14,6% на СДСМ. Тоа се 6,1% разлика од лицата кои би излегле на избори. Тоа е показател дека на СДСМ му следи катастрофа и голема народна казна.

Сега е јасно зошто СДСМ бега од избори како ѓавол од темјан. Ја губат поддршката од граѓаните, довербата им е на најниско ниво и се крајно незадоволни од работата на нивната влада. Но СДСМ не може да избега од неизбежното. Избори ќе има, затоа што народот не може веќе да го трпи ова тонење и понижување. Народот масовно на 18-ти јуни ќе каже премногу е! Ова мора да престане. Предвремени избори се решение за кризата која оваа влада на СДСМ и ДУИ ја создава и разгорува.

Центар за комуникации на ВМРО-ДПМНЕ

АМСМ:На граничните премини од македонска страна, нема подолги задржувања

Интензитетот на сообраќај на патните правци надвор од градските средини е зголемен. На граничните премини од македонска страна, нема подолги задржувања за влез и излез од државата.

Сообраќајот на државните патишта се одвива непречено, по суви коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Нимиц: Луѓето кои се на власт треба да ги почитуваат договорите, не можеме да живееме во светот

Луѓето кои се на власт треба да ги почитуваат договорите, не можеме да живееме во светот на фантазијата.

Во Атина почна дводневна меѓународна конференција по повод шест годишнината од Договорот од Преспа, со кој земјава го смени уставното име во Северна Македонија, и така се реши долгогодишниот спор меѓу двете земји.

Конферецнијата е организирана од институтот Алексис Ципрас и фондацијата Зоран Заев, а присутни се актуелни и поранашни политичари и дипломати.

-До компромис е тешко да се дојде, но кога ќе дојдете до компромис, лесно е на другите луѓе од двете страни да кажат „ако бев јас таму ќе завршев подобра работа“ или „овој компромис повеќе и служи на другата страна“. Живееме во опасен период, живееме во реалниот свет, и во реалниот свет имаме договори, па луѓето кои се на власт треба да ги почитуваат тие договори. Не можеме да живееме во светот на фантазијата, не можеме да живееме во виртуелен свет, изјави Нимиц.

На Судан му се заканува најголемата глад во светот во последните 40 години

Хуманитарниот апел на Обединетите нации за земјата доби само 16 отсто од средствата кои и се потребни.

Судан се соочува со глад којa би можелa да биде најголема по таа која светот ја видел во Етиопија пред 40 години, предупредуваат американски официјални претставници, додека испораките на помош и натаму ги блокираат завојуваните армии, но снабдувањето со оружје за двете страни продолжува да се одвива.

Хуманитарниот апел на Обединетите нации за земјата доби само 16 отсто од средствата кои и се потребни.

„Потребно ни е светот да се разбуди за катастрофата што се случува пред нашите очи“, изјави за новинарите Линда Томас-Гринфилд, амбасадор на САД во ОН, пишува „Гардијан“.

притисни ентер