ВМРО-ДПМНЕ останува на ставот да нема уставни измени - Канал 5

Македонија

ВМРО-ДПМНЕ останува на ставот да нема уставни измени

Мицкоски очекува 14ти или 21ви мај како краен рок да се случат предвремени избори.

ВМРО-ДПМНЕ останува на ставот да нема уставни измени

Иако министерот за надворешни работи Бујар Османи најави дека од следната недeла ќе се интензивираат консултациите за двотретинско мнозинство за уставни измени, лидерот на опозициската ВМРО ДПМНЕ Христијан Мицкоски останува на ставот- овој парламентарен состав нема да ги вметне Бугарите во Уставот, какви и гаранции да постојат.

На брифинг со новинарите тој рече дека поединечно преговарање од власта со негови сопартијци нема, а за следните парламентарни избори во партиската програма ќе имаат понудено решение за проблемите со Бугарија и деблокада на евроинтеграциите.

Мицкоски очекува 14ти или 21ви мај како краен рок да се случат предвремени избори, а истите би се распишале во втората половина на јануари. За протести засега ВМРО-ДПМНЕ не размислува бидејќи од членството немало голем интерес.

-Состојбата во државата е неподнослива, но и внатре во владејачките партии пред се СДСМ- ДУИ и Алтернатива. Потребно е ресетирање на системот. Нереално е она што говори Ковачевски за избори во 2024 година и тоа прво претседателските, а потоа парламентарните. Во таков случај претседателските избори ќе бидат неуспешни и функцијата ќе ја извршува претседателот на Собранието, а ДУИ покрај функцијата претседател ќе има и технички премиер сосгласно договорот што го имаат со СДСМ, што значи монопол.- Христијан Мицкоски претседател на ВМРО-ДПМНЕ.

Според последната анкета на ВМРО-ДПМНЕ спроведена овој месец, излезноста на следните избори би била 53 отсто, или над 900 илјади гласачи. За опозициската партија се изјасниле 19,4 отсто, наспроти СДСМ 11,7 отсто. Анкетата на ВМРО-ДПМНЕ покажала и дека за мнозинството од граѓаните најголеми проблеми се нискиот стандард, високите цени и невработеноста, а најмалку доверба имаат во судството, владата, собранието...

YouTube video

Свет

САД распоредуваат трет носач на авиони поблиску до конфликтот на Блискиот Исток

„Ју-Ес-Ес Џералд Р. Форд“ ќе замине за Европа следната недела, изјави официјален претставник на морнарицата, тоа ќе биде трет американски носач на авиони во близина на Блискиот Исток.

САД распоредуваат трет носач на авиони поблиску до конфликтот на Блискиот Исток

„Ударната група на носачот на авиони Џералд Форд ќе замине од Норфолк (Вирџинија) утрото на 24 јуни за редовно распоредување во зоната на одговорност на Европската команда на САД“, изјави официјален претставник на морнарицата.

Американскиот носач Карл Винсон е на Блискиот Исток од почетокот на оваа година, учествува во воздушна кампања против јеменските бунтовници Хути, поддржани од Иран.

И официјален претставник на американската одбрана потврди дека шефот на Пентагон, Пит Хегсет, наредил ударната група на носачот Нимиц да се испрати на Блискиот Исток, нагласувајќи дека тоа е „за да се одржи нашата одбранбена позиција и да се заштити американскиот персонал“.

Трамп изјави вчера изјави дека ќе одлучи дали да се придружи на нападите на Израел врз Иран во следните две недели, наведувајќи ја можноста за преговори за прекин на конфликтот.

Тагови: блискиот исток САД

Свет

Велика Британија го повлекува персоналот од Амбасадата во Иран

Велика Британија го повлекува персоналот од Амбасадата во Техеран поради моменталната безбедносна ситуација, соопшти Канцеларијата за надворешни работи, Комонвелт и развој.

Велика Британија го повлекува персоналот од Амбасадата во Иран

Претходно, Велика Британија најави привремено повлекување на членовите на семејствата на вработените во Амбасадата и во Конзулатот во Израел поради безбедносни причини.

Додека претходно привремено беа затворени Амбасадата на Словачка и Амбасадата на Австралија во Техеран.

Тагови: Велика Британија Иран

Македонија

СДСМ нема да кандидира градоначалници во Сарај, Чаир, Тетово, Гостивар, Дебар, Струга и Желино

Со одлука на Извршниот одбор, СДСМ нема да има кандидати за градоначалници во неколку општини:  Сарај, Чаир, Тетово, Гостивар, Дебар, Струга и Желино, само листи за советници, брифираат од партијата.

СДСМ нема да кандидира градоначалници во Сарај, Чаир, Тетово, Гостивар, Дебар, Струга и Желино

Претходно на прес-конференција, лидерот на СДСМ, Венко Филипче ги објави имињата на првите 19 кандидати за градоначалници од партијата.

За Општина Центар, актуелниот градоначалник Горан Герасимовски.

За Општина Аеродром, д-р Александар Трајановски.

За Општина Ѓорче Петров – претседателот на општинската организација, Костадин Ацески.

За Општина Чучер Сандево, актуелниот градоначалник Сашо Комненовиќ.

За Општина Берово, актуелниот претседател на општинската организација Илија Рунтевски.

За Општина Крива Паланка, актуелниот градоначалник Сашо Митовски.

За Општина Лозово, Ацо Велковски.

За Општина Чешиново-Облешево, Горанчо Крстев.

Општина Богданци, Блаже Шопов.

Општина Дојран, Ристо Џинев.

Општина Могила - Зоран Ристевски.

Општина Неготино, Петар Мантев.

Општина Новаци, Љубе Кузманоски.

Општина Росоман, Стојанче Николов, актуелниот градоначалник.

Општина Вевчани, претседателот на општинската организација Стефан Радиноски.

Во Крушево, актуелниот градоначалник Томе Христовски.

Во Ресен, претседателот на општинската организација Александар Бузлевски.

Во Штип, исто така, претседателот на општинската организација Павел Иванов.

И претседателот на општинската организација во Општина Гази Баба, Влатко Митовски.

притисни ентер