ВМРО-ДПМНЕ: Над 2 милијарди денари исплатени субвенции на тутунарите за реколтата 2025 - Канал 5

Македонија

ВМРО-ДПМНЕ: Над 2 милијарди денари исплатени субвенции на тутунарите за реколтата 2025

Над 2 милијарди денари исплатени субвенции на тутунарите за реколтата 2025, Владата на ВМРО-ДПМНЕ продолжува со силна поддршка за земјоделството.

ВМРО-ДПМНЕ: Над 2 милијарди денари исплатени субвенции на тутунарите за реколтата 2025

Владата предводена од ВМРО-ДПМНЕ продолжува со конкретна и силна поддршка за македонското земјоделство. Исплатени се над 2 милијарди денари кон 15.144 тутунопроизводители.

Реализирана е рекордна исплата во износ од 2.028.714.243 денари кон 15.144 тутунопроизводители за произведен и продаден тутун од реколтата 2025 година.

Оваа исплата не е само финансиска поддршка, туку и потврда дека трудот, посветеноста и макотрпната работа на македонските тутунари се вреднуваат и се почитуваат. Станува збор за една од најголемите исплати досега, која директно придонесува за подобрување на ликвидноста на земјоделските стопанства и зајакнување на руралната економија.

За разлика од Владата предводена од СДС, Владата на ВМРО-ДПМНЕ за само две години со исплаќањето на 2 милијарди денари за тутунарите, вкупно има за само две години исплатено околу 15 милијарди денари субвенции. Тоа е една милијарда денари повеќе за две години, отколку што СДС и ДУИ исплатиле за 3 години.

Тутунопроизводството е една од најзначајните и најстратешки земјоделски гранки во државата.

Илјадници семејства егзистираат од ова производство, а македонскиот тутун со децении е препознатлив по својот квалитет и претставува важен извозен производ кој придонесува за развојот на националната економија.

За разлика од времињата кога на власт беа СДС и ДУИ и кога земјоделците со месеци чекаа на исплата на заслужените средства, денес субвенциите се исплаќаат навремено и одговорно. Тоа е доказ дека институциите работат во интерес на земјоделците и дека поддршката не останува само ветување, туку се претвора во конкретна реализација.

Владата на ВМРО-ДПМНЕ е цврсто посветена на креирање политики кои ќе обезбедат стабилно и конкурентно земјоделство, повисоки приходи за производителите и сигурна иднина за земјоделците.

Владата предводена од ВМРО-ДПМНЕ ќе продолжи со инвестиции, мерки и програми кои го поттикнуваат развојот на земјоделството и ја зајакнуваат позицијата на македонскиот земјоделец.

Со дела, а не со зборови, покажуваме дека земјоделството е еден највисоки приоритети на Владата предводена од ВМРО-ДПМНЕ.

Поддршката за тутунарите продолжува, Владата предводена од ВМРО-ДПМНЕ ја враќа довербата кај земјоделците и заеднички со земјоделците гради стратегија за развој на земјоделието.

Македонија забрзува!

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешниот претседател на Јужна Кореја е осуден за лажење во изборната кампања

Јужнокорејскиот суд денеска го осуди поранешниот претседател Јун Сук Јеол на 18 месеци затвор,условно на три години, откако го прогласи за виновен за кршење на изборниот закон со давање лажни изјави за време на претседателската кампања во 2022 година.

Поранешниот претседател на Јужна Кореја е осуден за лажење во изборната кампања

Доколку пресудата биде потврдена по жалба, може да ја принуди партијата на Јун да врати околу 27 милиони долари, или 39,7 милијарди јужнокорејски вони, што ги доби од Националната изборна комисија по неговата претседателска победа.

Лажни изјави во кампањата

Централниот окружен суд во Сеул утврди дека Јун дал лажни информации двапати за време на кампањата, помеѓу декември 2021 и јануари 2022 година.

„Кога кандидатот лично објавува лажни информации на јавни настани со големо влијание, како што се дебати и интервјуа, влијанието врз донесувањето одлуки на гласачите е многу значајно“, рече судот во својата пресуда.

Обвинителите побараа двегодишна затворска казна, додека Јун, кој негираше какво било кривично дело, планира да поднесе жалба на пресудата, рече неговиот правен советник.

Партијата би можела да изгуби милиони

Според изборниот закон на Јужна Кореја, политичките партии добиваат државна компензација за трошоците за кампањата ако нивниот претседателски кандидат победи или добие најмалку 15 проценти од гласовите.

Доколку кандидатот последователно добие затворска казна или парична казна од најмалку еден милион јужнокорејски вони, партијата мора да ги врати примените средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, попладнево, од дворот на црквата „Св. Петар и Павле“ во Горно Лисиче, тргнаа кон Крушево.

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, од дворот на црквата „Св. Петар и Павле“ во Горно Лисиче, тргнаа кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Коментарот на Халанд на сопствената статуа е хит на мрежите (ВИДЕО)

Уметник познат како Џеј Клејот создаде глинена скулптура на Ерлинг Халанд, а видеото брзо стана вирално на социјалните мрежи. 

Коментарот на Халанд на сопствената статуа е хит на мрежите (ВИДЕО)

Видеото го забележа самиот норвешки фудбалер и тој реагираше со коментар од еден збор.

Коментар на Халанд од еден збор

Откако видеото се прошири на социјалните мрежи, Халанд го забележа и остави кратка порака во коментарите: „Убаво“. Тој краток одговор го воодушеви и авторот на скулптурата и илјадниците фудбалски фанови. Се чини дека уметникот очекувал токму тоа, шегувајќи се напиша покрај видеото: „Поминуваш часови правејќи фигура, а потоа еден човек по име Ерлинг само коментира „убаво“. На крајот, токму тоа се случи.

Интернет феномен на коментарите на Халанд

Реакцијата на Халанд е дел од самосоздаден интернет феномен во последниве години. Напаѓачот на Манчестер Сити е познат по тоа што остава многу кратки коментари на социјалните мрежи, обично само „Убаво“ и повремено „Не е убаво“. Неговите одговори се појавуваат на сè, од фудбалски резимеа до вирални видеа кои немаат никаква врска со спортот.

Овој начин на коментирање стана многу популарен на Инстаграм и ТикТок, па корисниците сега намерно го тагираат Халанд во своите објави со надеж дека ќе го привлечат неговото внимание. Она што започна како серија обични коментари на крајот се претвори во интернет шега што самиот Халанд ја прифати.

Неговото „Убаво“ можеше да се види под преработки на навивачки песни, спортски мемиња, но и на објавата за роденденот на неговата девојка. Така, тој збор стана негов препознатлив интернет потпис.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер