Сточарството буквално се распаѓа. Откупот е намален и со понижувачка откупна цена од едвај дваесетина денари за литар млеко.

Во исто време, цените на млекото и млечните производи во маркетите растат. Некој прави огромни профити врз грбот на земјоделците.

Кризата дополнително се продлабочува. Две млекарници во делчевскиот регион најавија прекин на откупот, што значи дека многу сточари остануваат без пласман и без егзистенција.

Дополнително, доцнат субвенциите за добиток и премиите за млеко. Затоа прашуваме: каде се парите за земјоделците? Дали во Буџетот веќе ги нема?

СДСМ бара итна интервенција за обезбедување непречен откуп на млекото и посебна мерка за поддршка на производителите на кравјо млеко преку интервентната програма.

Ова што се случува е недозволиво!

Мицкоски го уништи земјоделството. Субвенциите се намалени за 40 милиони евра, откупот е намален за 46 проценти, а земјоделците се оставени без заштита и без перспектива.

Хаосот е насекаде – кај сточарите, градинарите, оризопроизводителите, овоштарите и пчеларите. Сите се соочуваат со исти проблеми: ниски откупни цени, неисплатени субвенции и несигурен пласман.

Го прашуваме Мицкоски зошто нема мерки за млекото, оризот, доматот и пиперката? Зошто доцнат субвенциите?

Затоа што, како што рековме нема пари во буџетот за земјоделците заради криминални тендери.

Сега снемува пари и за тендери штом му се брза со избори.

Прес-конференција на СДСМ, Александар Димитриевски, Комисија за земјоделство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Платформата е создадена како дел од заложбите на Судот за поголема транспарентност, отвореност и достапност на информациите од јавен интерес. Нејзината цел е да обезбеди проверени факти и појаснувања за работата на Судот, постапките, одлуките и надлежностите, но и да придонесе во борбата против дезинформациите, шпекулациите и лажните вести поврзани со работата на Уставниот суд, кои во изминатиот период се зачестени.

Преку „Дознај ФАКТИ“, Судот ја зајакнува својата проактивна комуникација со јавноста, обезбедувајќи место каде што фактите ќе бидат достапни и лесно разбирливи. Платформата ќе содржи точни и официјални информации, појаснувања на одлуки и постапки, разликување на фактите од шпекулациите, како и едноставни објаснувања за уставно-правни прашања.

Покрај актуелните содржини, платформата ќе објавува и податоци за Судот, организацијата и надлежностите, значајни одлуки од уставно-судската практика, како и интересни факти од историјатот на Уставниот суд и развојот на уставното судство. На овој начин, „Дознај ФАКТИ“ ќе претставува и едукативен простор кој ќе придонесува за унапредување на јавната, правна култура и подобро разбирање на улогата на Судот во заштитата на уставноста, законитоста и човековите права и слободи.

Со воспоставувањето на оваа платформа, Уставниот суд ја потврдува својата определба за навремена, точна и одговорна комуникација со јавноста, како и својата посветеност кон градење на доверба преку факти и официјални информации.

Кога имаш дилеми – провери ги фактите!

Точно. Јасно. Официјално. Дознај ФАКТИ од Уставен суд.

Повеќе информации прочитајте тука: https://ustavensud.mk/%D0%BC%D0%BA/%D0%B4%D0%BE%D0%B7%D0%BD%D0%B0%D1%98-%D1%84%D0%B0%D0%BA%D1%82%D0%B8

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Новиот „BMW iX3“ бележи одлични резултати на европскиот пазар. Електричниот „SUV“ од втората генерација достигна повеќе од 10.000 продадени единици за само два месеци, што го прави еден од најуспешните нови електрични модели во премиум сегментот.

„BMW“ започна со испораки во Европа во март, а до крајот на април беа продадени 10.299 единици. Ова го става „iX3“ пред „Polestar 4“, кој постигна 8.925 регистрации во истиот период, иако е присутен на пазарот подолго време, пишува „CarScoops“.

Моделот се приближи и до „Audi Q6 e-tron“, кој забележа 12.536 продадени единици во првите четири месеци од годината. Сепак, „Audi“ бележи пад на продажбата од 23 проценти во споредба со истиот период минатата година, па затоа „BMW“ наскоро би можел да ја преземе водечката улога.

На почетокот на годината, „BMW“ објави дека собрала повеќе од 50.000 нарачки за новиот „iX3“. Поради големата побарувачка, компанијата дури воведе и дополнителна смена во својата фабрика во Дебрецен, Унгарија.

Интересно е што еден од тројца купувачи на новиот „iX3“ претходно не поседувал „BMW“, што покажува дека електричниот „SUV“ успешно привлекува возачи од други брендови.

Испораките на моделот наскоро ќе започнат на американскиот и азискиот пазар, каде што „BMW“ очекува континуиран силен раст на продажбата.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.