Власта и опозицијата со меѓусебни обвинувања за македонските евроинтеграции - Канал 5

Македонија

Власта и опозицијата со меѓусебни обвинувања за македонските евроинтеграции

Опозицискиот лидер Венко Филипче е на став дека историските спорови со Бугарија и работата на мешовитата комисија не се дел од условите за продолжување на преговорите, туку билатерално прашање меѓу двете земји. 

Власта и опозицијата со меѓусебни обвинувања за македонските евроинтеграции

Според него тоа го потврдила и претседателката Сиљановска Давкова во нејзиното последено интервју во кое меѓу другото вели дека „Македонија го губи времето на решавање историски прашања бидејќи тие се исклучени од конститутивните акти на ЕУ и дека треба се концентрира на европеизација, преку Копенхашките критеруми“.

Филипче ваквата изјава на Сиљановска Давкова ја толкува како признание и потврда на она што СДСМ го говори подолг период и прашуваат дали претседателката сака да се приклучи на “Фронтот за вистина и правда“.

„По прв пат некој од ВМРО јавно го кажува она што ние во СДСМ, а сега и во големиот граѓански фронт, го повторуваме веќе долго време. Историските спорови со Бугарија и работата на Историската комисија не се дел од условите за продолжување на преговорите со Европската унија. Тоа е билатерално прашање меѓу Македонија и Бугарија, а не европски услов. Упорно објаснуваме дека реформите и Копенхашките критериуми се европски барања a не бугарско прашање и дека се клучни за продолжување на преговорите. Гордана, ви благодарам за вистината. Како професорка по право, се надевам дека наскоро ќе бидете и на страната на правдата“, наведува Филипче во објава на социјалната мрежа „Икс“

Од кабинетот на Сиљановска не го коментираат ставот на Филипче, додека од владеачката ВМРО-ДПМНЕ обвинуваат дека опозицискиот лидер Филипче слугува на бугарските, наместо на македонските интереси. Од таму се на став дека внесувањето на Бугарите во Уставот нема да биде последно барање од Софија. Сметаат дека граѓаните ги поддржуваат надворешните политики на власта и се против уставни измени под бугарски диктат.

„ Актуелното државно раководство на прво место ја става сопствената држава Македонија, сопствениот јазик, идентитет и се што е македонско. Дека политиката која се води е во вистинска насока неделава покажаа и истражувања на јавното мислење. Високи 80 проценти се против вклучување на Бугарите во Уставот под диктат на официјална Софија. СДС мора да разбере дека со промовирање на идејата за Бугари во Устав не се става крај, туку само се отвораат низа на прашања и проблеми за Македонија“- Бране Петрушевски, пратеник на ВМРО-ДПМНЕ

Дека уставните измени ќе бидат само почеток, а не крај на барањата од официјална Софија порача и премиерот Мицкоски по средбата на престедателката Сиљановска Давкова со нејзината бугарска колешка Илијана Јотова. Според Мицкоски на таков начин ќе се отвори Пандорината кутија од која ќе произлезат низа други барања, а дека работата на Историската комисија е само едно нив.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од утре парно – ниските температури порано ја почнаа грејната сезона

Два дена пред официјалниот почеток на грејната сезона, односно утре, корисниците приклучени на системите за греење со кои управува ЕСМ, ќе добијат парно греење. 

Од утре парно – ниските температури порано ја почнаа грејната сезона

Причината, велат од ЕСМ, е најавената средна надворешна температура од 12 целзиусови степени, со што се исполнуваат условите за испорака на топлинска енергија.

- Според податоците од Управата за хидрометеоролошки работи (УХМР), за 13 октомври е прогнозирана средна надворешна температура од 12 °c, со што се исполнети условите за производство, испорака и снабдување со топлинска енергија, согласно одлуката на РКЕ. До 15 октомври, на веб-страницата на ЕСМ снабдување секојдневно ќе се објавуваат информации за тоа дали се исполнети условите за испорака на топлинска енергија за наредниот ден – информира денеска АД ЕСМ.

Оттаму посочуваат дека според правилата, во месец октомври и првата половина од ноември, кога временските услови често се менуваат, снабдувањето со топлинска енергија ќе зависи од температурата на воздухот и атмосферските услови во различни периоди од денот, односно кога температурите се пониски, испораката на топлинска енергија се зголемува, а кога се повисоки, се намалува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Арамијата Мицкоски повторно зборува бајки за платите а не даде поддршка за минимална плата од 600 евра

  Нова бројка. Нова бајка на арамијата Мицкоски. 

СДСМ: Арамијата Мицкоски повторно зборува бајки за платите а не даде поддршка за минимална плата од 600 евра

Најавува 1.000 евра плата.

Во Собрание не прифаќа 600 евра минимална плата ама надвор сака да раскажува бајки.

Додека работниците едвај врзвуваат крај со крај има ново прзно ветување ама нема решение.

Просечната плата не се зголемува со говор.

Животниот стандард не се подобрува со бајки. На работникот му треба повисока плата на сметка денеска. Му требаат пари за храна, за сметки, за своите деца.

СДСМ поднесе предлог за минимална плата од 600 евра.

ВМРО-ОКГ не го поддржа. Руската Левица не беше во салата. ЗНАМ не даде глас.

Кога требаше да се застане зад работникот, поддршката изостана од Мицкоски, ВМРО, и нивните сателити како ЗНАМ и Левица.

Толку од бајките на Мицкоски и неговите сателити на далечинско.

Граѓаните живеат тешко. Работниците едвај го поминуваат месецот.

Две минимални плати не ја покриваат ниту скратената владината кошница. Синдикалната кошничка со кирија надминува 90.000 денари.

Храната е прескапа. Горивата до плафон. Платите не стигнуваат ниту до средина на месецот.

Ребалансот е потврда за целиот дебакл на економските политики на Мицкоски. Втор ребаланс за само две месеци како признание за промашувањата.

Нема пари за плати, нема за пензии, нема за работниците, дупката е 900 милиони евра, за пензиите фалат 1 милијарда евра. Целосен дебакл.

Затоа се трупаат нов и долгови врз грбот на народот.

За само 2 години Мицкоски го зголеми долгот за 4 милијарди евра.

Не за поголеми плати и пензии, туку за криминални тендери.

На бајките на арамијата нема крај. Сметката ја плаќа народот.

Прес конференција на СДСМ, Маја Серафимовска -Борозан

YouTube video

Скопје, 12.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Ива Михаилова е на Стоп-листата, нема евидентиран излез од Македонија

Министерството за внатрешни работи изврши проверки во системот за гранична контрола, при што е утврдено дека за лицето Ива Михајлова, за кое е во сила активна судска забрана, нема евидентиран излез од територијата на Македонија.

МВР: Ива Михаилова е на Стоп-листата, нема евидентиран излез од Македонија

Дополнително, преку Заедничкиот контакт-центар со Република Бугарија, извршени се проверки и од страна на бугарската гранична полиција, од каде што е добиена информација дека за наведеното лице нема евидентиран легален влез на територијата на Република Бугарија.

Според податоците од граничните евиденции, лицето последен пат остварило влез во Република Бугарија во септември 2025 година, додека во октомври 2025 година е евидентиран негов излез од Република Бугарија, односно влез во Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер