На два дена пред стапување на сила на новите царини кои американскиот претседател Доналд Трмап ги најави а со кој е опфатена и земјава, премиерот Христијан Мицкоски очекува наскоро ваква одлука да биде корегирана бидејќи како што рече, станува збор за грешка или погрешна информација. Вели Македонија е во постојана комуникација со САД, се прават анализи, се споредуваат податоци. Ставот дека се работи за грешка Мицкоски го темели врз податоците за трговската размена со САД во 2024 година, кога земјава е во дефицит од околу 70 милиони евра.
„Ние сме во работиме со нашиот партнер САД и очекувам да се корегира ова што очигледно е резулатат на некаква грешка или погрешна информација. Имајќи предвид дека нашата трговска размена со САД во 2024 година е во негатива односно сме во дефицит, а тие држави што се во дефицит немаат вакво зголемување на давачките.“-изјави Христијан Мицкоски – претседател на Владата.
Детали што за тоа што точно се преговара со САД засега нема бидејќи според премиерот процесот бил сензитивен, а по најавите на дел од соседните земји за преговори на ниво на земјите од блаканот премиерот вели засега таква опција не е на маса. Смета дека од зголемените царини секундарните ефектите врз македонската економија ќе бидат поголеми, отколку диркетните.
„Процесот е сензитивен и затоа не би откривал ништо во јавноста додека не се заврши договорот затоа што пристапот е таков, додека се не се заврши немаме ништо кога се ќе се заврши тогаш ќе излеземе во јавноста со детелни информации... “-изјави Христијан Мицкоски – претседател на Владата.
Инаку новите царини за земјава ќе изнесуваат 33%, што Трамп го претстави како одговор на македонски, кој според нивните калкулации изнесуваат 65%, но не е јасно како е стигнато до оваа пресметка. Според информациите од македонската царина минатата година нема увоз на производи од САД со повисока царинска стапка од 15 %, а според податоците на заводот за статистика извозот на македонски производи во САД изнасувал речиси 110 милиони евра, додека увозот 180, што значи дека земјава имала околу 70 милиони евра дефицит во трговската размена.