Владата ги утврди законите за имплементација на четвртиот пакет мерки

Следната недела пратениците ќе треба да дадат „амин“ да се овозможи реализацијата на 4тиот пакет економски мерки.

Бизнисот стравува дека помошта би можела да доцни. Претседателката на ССК Данела Арсовска апелира што поскоро да се изгласа законот со кој треба да се овозможи помош за субвенционирање на плати за последните три месеци од годинава, кој Владата го усови вчера. Работодавачите веќе алармираа дека ако мерките не се донесат навреме на уште 15 илјади граѓани им се заканува отказ.

„Сите засегнати страни треба секако во овој момент да придонесат за тоа што е можно поскоро тој да се донесе, меѓутоа она што е поважно е да се знае дека роковите за аплицирање се до 7ми следниот месец што значи дека треба паралелно на овие сите функционални системи за аплицирање по однос на платата, и останатите институции да го усогласат своето работење со она кое треба за да можат компаниите да ги извадат навремено сите документи што им се неопходни за да може да аплицираат.“ / „ Доколку не се случи тоа да се имплементираат овие мерки навремено, веруваме дека ќе има реперкусии секако, затоа што тој оптимизам којшто траеше кај сите компании дека ќе има помош верувам дека ќе се намали.“ истакна Данела Арсовска, претседател на ССК

Законот е дел од четвртиот сет мерки кои ги чекаат и граѓаните. Заменик министерот за финансии Димитар Ковачевски уверува дека помошта и за фирмите и за граѓаните ќе биде навремена. Прекројувањето на буџетот на 27ми месецов ќе се најде на пленарка. Токму од него зависи и реализацијата на голем дел од мерките.

„ Ликвидноста на буџетот е во состојба да ги исплати сите обврски кои ги има владата кон сите буџетски корисници, на сите фондови на коишто се прават трансвери.“ изјави Димитар Ковачевски, заменик министер за финансии

Четвртиот пакет предвидува грантови, безкаматни кредити, низа даночни олеснувања за фирмите. Помош ќе добијат и самохрани родители, пасивните баратели на работа, студенти, пензионери, самостојни уметници.. Пакетот тежи 470 милиони евра.

Во Австрија почна масовно тестирање,целта е да се прекине синџирот на зараза

Во Австрија постои голем интерес за масовното тестирање за коронавирус, кое започнало денеска, а според јавниот сервис ОРФ, пред станиците за тестирање се формирале долги редици.

Во Виена, граѓаните можат да бидат тестирани на три полигони до 13 декември. Освен во Виена, тестирањето започна и во сојузните држави Тирол и Ворарлберг. Во другите сојузни држави, тестирањето ќе започне наредните денови.

Целта на масовното тестирање на коронавирус, како што објасни министерот за здравство Рудолф Аншобер, е откривање на лицата заразени со коронавирус, но кои немаат забележителни симптоми. Ова е да се спречи ширењето на вирусот за време на Божиќните празници.

„Досега над 100.000 граѓани аплицираа за тестирање преку Интернет“, рече Аншобер.

Министерот за внатрешни работи Карл Нехамер рече дека целта на овие масовни тестови е да се разбијат синџирите на инфекција.

„Секој што е подложен на тестирање сега може да придонесе сите наскоро да се вратиме во нормала“, рече Нехамер.

Тестовите се изведуваат со брзи тестови на антигени. Во случај на позитивен резултат поради зголемена сигурност, се врши PCR тестирање.

Во Австрија, денеска се регистрирани околу 4.000 нови инфекции во рок од 24 часа. Според популацијата, ова е меѓу највисоките вредности во Европа.

Повеќето Шпанци не сакаат веднаш да ја примат вакцината против корона

Повеќе од половината Шпанци не сакаат да ја примат вакцината против коронавирус веднаш кога ќе биде достапна, покажала анкета, додека владата очекува да се вакцинираат помеѓу 15 и 20 милиони луѓе до средината на следната година, од вкупно 47 милиони.

Откако тестовите покажале ефикасност на вакцината и се нарачани првите дози, владите сега се соочуваат со проблем да убедат голем дел од населението доброволно да се вакцинираат.

Тоа ќе биде предизвик и во Шпанија, земја во која жителите често се вакцинираат против разни други болести, покажува студијата на Центарот за социолошки истражувања (ЗНД) со седиште во Мадрид.

Третина од популацијата би била подготвена веднаш да се вакцинира против ковид, но 55,2 проценти од испитаниците рекле дека повеќе сакаат да почекаат и да ги видат ефектите на вакцината врз другите луѓе. Анкетата е спроведена меѓу 2.130 жители во периодот од 23 до 26 ноември.

Од оние 55,2 проценти што би почекале со вакцинацијата, скоро 60 проценти би се предомислиле доколку доктор им ја предложи вакцинацијата затоа што постои ризик за нивното здравје или за здравјето на нивните семејства. Само 8,4 проценти од Шпанците би одбиле секаков вид вакцини.

Шпанската влада минатата недела го објави планот за вакцинација што треба да започне за еден месец. Во јануари, прво ќе бидат вакцинирани најранливите луѓе, како што се жителите на домовите за пензионери, вработените кои се грижат за нив и здравствените работници. Вакцинацијата ќе биде доброволна и бесплатна.

Премиерот Педро Санчез денеска изјави дека очекува да бидат вакцинирани од 15 до 20 милиони луѓе до мај или јуни 2021 година.

Во претходната анкета на Центарот за социолошки истражувања спроведена од 3-12 ноември, 36,8 проценти од испитаниците изјавиле дека веднаш ќе ја примат вакцината. Но, 47,8 проценти рекле дека нема да се вакцинираат.

Од почетокот на пандемијата, 1,6 милиони луѓе во Шпанија се заразени со коронавирус, од кои 46.038 починале. Вчера се разболе нови 10.127 лица, а починале 254 пациенти.

Во последните неколку недели, сепак, инфекцијата се намалува, со дијагностицирани 240 случаи на 100.000 жители во последните 14 дена.

Јанушев: Време е да си ја вратиме државата во рацете на народот

Пратеникот Игор Јанушев од протестот пред македонската Влада под мотото „Оставка на Заев, слобода на народот!“ порача дека веќе неколку недели македонскиот народ е на улици во одбрана на Македонија, соопштуваат од ВМРО - ДПМНЕ.

Јанушев од протестот пред македонската Влада под мотото „Оставка на Заев, слобода на народот!“ порача дека веќе неколку недели македонскиот народ е на улици во одбрана на Македонија од неправдите и зулумите кои му ги прави криминалецот и патолошки лажго на власт Зоран Заев, кој наголемо ја распродава Македонија и македонските национални обележја.

„Човекот кој што ја има окупирано фунцијата Премиер е докажан криминаалец со судски постапки, аболициран, помилуван. Истиот тој човек распродава се, преговараат за Гоце, за државата, за се што е македонско. Ние, треба да се срамиме единствено од нив, од Заев, од Бучковски и тие околу него. Имаме двајца докажани криминалци, двајца осудени криминалци кои преговараат за се што е македонско, на кои што овде не им е местото“, истакна Јанушев.

Од пред влада пратеникот Јанушев им порача дека правдата знае да биде бавна, но не и слепа и дека за сетоа ова зло што им го прават на Македонија и на македонскиот народ, ќе се најдат онаму каде што заслужуваат, пред лицето на правдата.

„Единствениот стандард кој што го воспоставие во овие неколку години нивно владеење е само крадење и лажење. Единствената вредност за која што знаат да зборуваат е како да прифатиме нечии други вредности, заборавајќи на нашите традиционални македонски вредности, за оние вредности кои што генерации и генерации се бореле.“, рече тој.

Да, сакаме во Европа, сакаме во Европската унија, но европските вредности, вели Јанушев, се демократија, владеење на правото, борба со корупцијата, а за сите овие работи овие во Влада преставуваат антипод на тие вредности.

Тој ги повика сите граѓани да се придружат на секојдневните протести, затоа што еден единствен човек е непријател на Македонија и македонскиот народ и и на сите оние кои што живеат во Република Македонија, тој човек има име и презиме и се вика Зоран Заев.

Време е, порача Јанушев, да си ја вратиме државата во рацете на народот.

Центар за комуникации на ВМРО-ДПМНЕ

притисни ентер