Виткоф: Постигнат значителен напредок во преговорите за безбедноста и обновата на Украина - Канал 5

Европа

Виткоф: Постигнат значителен напредок во преговорите за безбедноста и обновата на Украина

„Постигнат е значителен напредок во неколку критични насоки“, наведе Виткоф, вклучително и во однос на рамката за билатерални безбедносни гаранции, како и таканаречениот „план за просперитет“ за Украина. 

Виткоф: Постигнат значителен напредок во преговорите за безбедноста и обновата на Украина

Американскиот специјален пратеник Стив Виткоф изјави дека САД и сојузниците на Украина од таканаречената „Коалиција на подготвените“ постигнале значителен напредок во преговорите за клучни прашања поврзани со безбедноста и економското закрепнување на Украина.

„Постигнат е значителен напредок во неколку критични насоки“, наведе Виткоф, вклучително и во однос на рамката за билатерални безбедносни гаранции, како и таканаречениот „план за просперитет“ за Украина. Тој тоа го соопшти во објава на социјалната мрежа „Икс“ по средбата на сојузниците во Париз.

„Со Коалицијата сме согласни дека трајните безбедносни гаранции и стабилните обврски за просперитет се од суштинско значење за одржлив мир во Украина и ќе продолжиме да работиме заедно во таа насока“, напиша Виткоф.

Претходно, тој најави дека американската делегација ќе ги продолжи разговорите со украинската страна во вторник и среда во Париз. „Вечерва и утре ќе продолжиме со разговорите со украинската делегација и се надеваме дека во блиска иднина ќе постигнеме дополнителен позитивен импулс“, изјави Виткоф, пренесува ТАСС..

Во одделна изјава, Виткоф оцени дека страните се „многу блиску до финализирање на исклучително стабилен договор за просперитет – каков што ретко се постигнува по воени конфликти“. Тој додаде дека САД се охрабрени од „соработката и партнерскиот пристап“ меѓу учесниците на состанокот на Коалицијата на подготвените.

Украинскиот претседател Володимир Зеленски изјави дека сојузниците на Киев веќе утврдиле како ќе функционираат европските сили за одвраќање во Украина по евентуален прекин на огнот, како и кои држави ќе учествуваат во неа. Зеленски тоа го соопшти пред новинарите во Париз по завршувањето на состанокот.

Тој додаде дека Украина водела „конкретни разговори со САД“ во врска со мониторингот на можен прекин на огнот и изрази очекување дека безбедносните гаранции ќе бидат потпишани во најскоро време. Според него, гаранциите договорени во рамки на „Коалицијата на подготвените“ треба да дејствуваат паралелно и во тесна координација со гаранциите од САД.

Францускиот претседател Емануел Макрон нагласи дека поддршката од САД за безбедносните гаранции е од клучно значење за многу држави, оценувајќи дека во последните недели дошло до „промена во позицијата на Вашингтон“. Според Макрон, САД веќе го разјасниле форматот на своето учество, вклучително и во делот на надзорот на линијата на фронтот во Украина.

Поддршка за постигнатите договори изрази и високата претставничка на ЕУ за надворешна политика и безбедност Каја Калас, која изјави дека средбата на лидерите во Париз овозможила „зацврстување на безбедносните гаранции“, вклучително и преку посилна украинска армија, поддржана од мултинационални сили и со учество на САД.

Британскиот премиер Кир Стармер оцени дека земјите се „поблиску до мир во Украина отколку кога било досега“, но предупреди дека „најтешките чекори сè уште претстојат“.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: Скандалот со водата во Гостивар е последица на децениска негрижа на локалната власт која ја предводи СДС, заедно со ДУИ и Таравари

Денес Венко Филипче има став за секоја тема и секојдневно дели лекции за тоа како треба да функционира здравствениот систем. 

Манасиевски: Скандалот со водата во Гостивар е последица на децениска негрижа на локалната власт која ја предводи СДС, заедно со ДУИ и Таравари

Но, каде беше истиот тој Филипче кога со години раководеше со Министерството за здравство, а СДС со власта?

Филипче денес критикува за секој проблем, а молчеше кога имаше обврска да зборува и да постапува. Тука е суштинската разлика.

Во интерес на граѓаните, да прикажеме документи кои време кога СДС кога тие беа власт, а станува збор за загадена вода токму во Гостивар и со децении не било реагирано.

На 11.11.2020 година има извештај од микробиолошка анализа, во кој се вели дека поради зголемен број на колиформни бактерии водата не треба да се користи за пиење.

Понатаму, на 01.03.2021 исто така водата не ги задоволува критериумите согласно правилникот за безбедност и квалитет за пиење на вода.

Понатаму, на 15.02.2021, еден месец пред тоа, исто така водата не ги задоволува критериумите според правилникот за посебните барања за безбедност на конзумирање на вода.

Но ова е само во времето кога Филипче е министер, но има и понатаму кога СДС е на власт.

11.07.2022, вода за пиење Гостивар доставена од ЈП Комуналец Гостивар не одговара заради зголемен број на аеробни мезофилни бактерии.

Не било постапено и се продолжувало со труење на граѓаните, а тие самите не знаеле. 04.08.2023 исто така вода за пиење Гостивар доставена од ЈП Комуналец не одговара заради зголемен број на аеробни мезофилни бактерии. Ова се документи кои биле испраќани до Министерството за здравство, а никој не реагирал. Ова е за 2023та година. Исто тука има дел за ЈП Комуналец 29.06.2023 неисправно поради бактериски колонии.

Овие се проблеми кои требало да бидат решени, а не да се ставаат под тепих, а граѓаните да се трујат. Ова што денес се случи во Гостивар е последица на децениска негрижа на локалната власт, а таа власт сега ја предводи СДС, ДУИ и Таравари. Затоа е потребна одговорност. Следен пат, пред да се држи

лекции и да се обидува да се собираат политички поени, Филипче треба да знае дека граѓаните паметат како се водеше здравствениот систем во неговото време и затоа последен има право да дели лекции за јавното здравје.

Валентин Манасиевски, портпарол на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Поради тендер патриотите Клековски и Мицкоски отруена е цела Македонија

Во над 50 населени места во Македонија водата не е безбедна за пиење а листата расте секој ден.

СДСМ: Поради тендер патриотите Клековски и Мицкоски отруена е цела Македонија

Гостивар, Крушево, Валандово, Булачани, Пласница, Лешок, Преглово, Маврово, Рич, Белотино, Башино Село, Елшани, Велестово, Ново Село, Сушица, Зубово, Државо, Гарани, Шутово и уште многу други места.

Во Гостивар има ризик од епидемија на жолтица.

И власта повторно задоцни со реакција. Иако претседателот Филипче уште пред 2 недели алармираше за ризикот од жолтица, власта дури вчера излезе со препораки за превенција и откривање симптоми.

Се уште не се објавува извештај за водата во Гостивар, кој одобри, потпиша и кој гарантира дека „техничката вода“ е безбедна.

А Мицкоски и Клековски даваат спротивни изјави. Клековски вели до крај на неделата водата во Гостивар ќе може да се пие а Мицкоски вели има нова бактерија.

Ова е тотален институционален колапс.

Резултат на неспособност, небрежност и целосно игнорирање на основните потреби на граѓаните од страна на тендер-патриотитe.

Додека Мицкоски отвора базени и оди на „екскурзии“, а Клековски држи прес-конференции, илјадници луѓе се разболуваат, а цела држава се претвора во зона на ризик.

Пола Македонија е без безбедна вода за пиење. А одговорен сè уште нема. Ниту еден.

СДСМ бара:

• Итна и целосна одговорност - политичка и кривична

• Јавно објавување на сите анализи и причини за загадувањето на водата

• Итна интервенција и обезбедување чиста вода за сите засегнати населени места

Македонија не смее да биде држава во која основното човеково право - чиста вода за пиење е луксуз.

Прес конференција на Маја Серафимовска Борозан, СДСМ

YouTube video

Скопје, 01.08.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Њукасл остана без менаџер Еди Хау, поднесе оставка

Њукасл остана без менаџер Менаџерот на Њукасл, Еди Хау, поднесе оставка.

Њукасл остана без менаџер Еди Хау, поднесе оставка

48-годишниот стратег си замина по речиси пет години на чело на Њукасл, по разочарувачката сезона во која тимот заврши на 12-тото место во Премиер-лигата.

Хау успеа двапати да обезбеди пласман во Лигата на шампионите и да го освои Лига-купот во сезоната 2024/25. „По период на размислување, одлучив дека сега е вистинското време да се повлечам“, изјави Хау.

Њукасл е во потрага по нов тренер, а главен кандидат е Германецот Матијас Јајсле.

„Иако беше исклучително тешко да се донесе оваа одлука, длабоко во себе знам дека таа е исправна. Беше привилегија да се биде менаџер на Њукасл“, додаде Хау.

Пред Њукасл, Хау работеше во Борнмут (во два наврати) и во Барнли.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер