Викендов саем на мед во центарот на Скопје - Канал 5

Живот

Викендов саем на мед во центарот на Скопје

Пчеларството во Македонија оди во нагорна линија.

Викендов саем на мед во центарот на Скопје

Повеќе од 20 изложувачи од сите краеви на земјава изложуваат мед и пчелни производи на штандовите што се поставени на плоштадот „Македонија“ во Скопје во рамките на четвртиот „Пчеларски саем на Македонија“ во организација на Пчеларската федерација на Македонија, под покровителство на Министерството за земјоделство, шумарство и водостопанство.

За време на тридневното траење на манифестацијата, чиј домаќин е Градот Скопје, посетителите ќе можат да дегустираат мед и пчелни производи, а на одреден дел од штандовите ќе се нуди и пчеларска опрема за потребите на пчеларите.

– Пчеларството во Македонија оди во нагорна линија. Имаме пчелари од сите бранши, од сите старосни структури и од спротивниот пол. Постанува фамилијарен бизнис со традиција и голем број на млади се определуваат за пчеларството како основен бизнис, рече Јане Марков, претседател на Пчеларската федерација на Македонија на официјалното отворање на саемот.

Тој нагласи дека годинава има малку подобри приноси на мед во некои краеви во земјава за разлика од минатите години иако, како што рече, има потфрлување кај шумскиот мед.

– Нашите пчеларници се оддалечени повеќе од стотина километри и се сместени во чиста средина. Енергетската криза си го прави своето. Ако до сега за една посета на пчеларникот се трошело одредена количина пари во гориво, сега потрошувачката е зголемена на повеќе од сто отсто. Се планира да се смени и правилото за субвенции за пчеларите. За тоа треба сериозно да се размисли, бидејќи претставува опасност голем број на пчелари да се откажат од пчеларењето, а со тоа да биде згрозена нашата животна средина, посочи Марков.

Во голем број светски метрополи, како што рече, се чуваат пчели во градските паркови и зеленила како биолошка контрола на здрава животна средина, а кај нас тоа е оневозможено, бидејќи над градовите се прска со инсектициди за убивање на комарците од кои најмногу страдаат пчелите.

Познатиот хуманист и ликовен уметник Живко Поповски – Цветин на отворањето на манифестацијата на Федерацијата и подари негов цртеж со матица и цвеќиња насликана во дрвена рамка за саќе што се поставува во сандаците за мед.

– Како агроном мислам дека пчелите се животот на планетава. Ако не се тие нема оплодување на овошните градини и сите цветови кои треба да донесат плод, рече Цветин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма на германски аеродром: Откриена дупка во оградата – некои летови откажани

Безбедносната ограда е пробиена на аеродромот во Лајпциг преку ноќ, а полицијата верува дека непознат автомобил влегол на аеродромскиот терен покрај руските товарни авиони „Антонов“ паркирани таму.

Драма на германски аеродром: Откриена дупка во оградата – некои летови откажани

Дупката во оградата е откриена околу 23 часот во саботата, соопшти полицијата, а портпаролката на полицијата Тереза ​​Леверенц изјави дека летовите на северната страна од аеродромот се откажани по инцидентот, објави „Билд“, забележувајќи дека бројни товарни авиони на „Амазон“ морале да слетаат на јужната писта на аеродромот во Лајпциг.

„Многу е веројатно дека возило ја пробило оградата. Сепак, за време на пребарувањето на областа преку ноќ, ниту возилото ниту неовластени лица не се пронајдени во аеродромскиот простор. Пребарувањето ќе продолжи денес, а северната писта останува затворена за воздушен сообраќај“, рече Леверенц.

Во август, истражителите открија дрон натоварен со експлозив во близина на аеродромската писта, настан за кој германските власти подоцна ја обвинија Русија, објави „Ројтерс“.

Русија ги негираше обвинувањата.

Фото: ВИ

Тагови: аеродром Германија драма

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода 18 годишен кумановец, при претрес во дом пронајдено оружје, следува пријава

На 17.10.2026 во 19:15 часот полициски службеници од СВР Куманово го лишија од слобода Р.Д. (18) од Куманово. 

Лишен од слобода 18 годишен кумановец, при претрес во дом пронајдено оружје, следува пријава

При претрес во неговиот дом извршен по судска наредба биле пронајдени автоматска пушка, рамки од автоматска пушка со 44 куршуми, испукана чаура, рачно изработена направа поврзана со тајмер и батерија. По целосно документирање на случајот против него ќе следува соодветна пријава.

Тагови: оружје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем пожар во канадска воена база: Има загинати (ВИДЕО)

Голем пожар во воена база во канадскиот град Вејнрајт уби непознат број луѓе, објави денес локалната општинска власт во тој град.

Голем пожар во канадска воена база: Има загинати (ВИДЕО)

Беше објавено дека пожарот е предизвикан од „сериозен инцидент“, а надлежните служби сè уште работат на локализирање на пожарот, објавува „CNN“.

Пожарот започнал во базата во Вејнрајт, град во источниот дел на покраината Алберта, и брзо се проширил поради силните ветрови, соопшти општината во објава на Фејсбук.

Повикот за помош дошол околу 16:00 часот, соопшти Кралската канадска коњичка полиција во Вејнрајт, а канадскиот министер за одбрана Дејвид Мекгинти потврди дека има и смртни случаи и повредени, без да даде детали.

„Пожарот на терен сè уште не е изгаснат и наскоро ќе биде покрената истрага“, додаде тој.

Канадската воена база Вејнрајт, која се наоѓа околу 210 километри југоисточно од главниот град на покраината Едмонтон, е една од најпрометните воени бази во земјата, наведено е на веб-страницата на владата.

Болниците преполни

Лекар во болница во градот Едмонтон, кој се наоѓа 180 километри северозападно од Вејнрајт, изјави за канадскиот национален јавен сервис дека пациентите се носат во болниците низ градот бидејќи здравствените установи во градот се „целосно преоптоварени“ со бројот на луѓе на кои им е потребна нега, објави Скај њуз.

„Овој број на пациенти би го преоптоварил градот Едмонтон“, изјави за „CBC News“ д-р Ворен Тирск, лекар од итна помош во болницата Ројал Александра.

„Ова е повеќе пациенти отколку што би сакал да изброи кој било од нас во овој момент. Тоа е катастрофа. Ова е катастрофа што се случува еднаш на секои 15 до 25 години.“

Тагови: канада пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер