Видео: Земјотрес во Шпанија – луѓе бегаат од хотел, по улиците паѓаа урнатини, има повредни - Канал 5

Европа

Видео: Земјотрес во Шпанија – луѓе бегаат од хотел, по улиците паѓаа урнатини, има повредни

Земјотрес во Шпанија – луѓе бегаат од хотел, по улиците паѓаа урнатини! Наредена беше итна евакуација, а меѓу повредените имаше и девојче!

Видео: Земјотрес во Шпанија – луѓе бегаат од хотел, по улиците паѓаа урнатини, има повредни

Земјотрес со јачина од 4,6 степени ја погодија Гранада, по што уследиле уште два последователни потреса. Повредени се три лица, а извршена е евакуација на хотели и делови од Алхамбра.

Втор силен земјотрес во рок од само неколку дена погоди популарна туристичка област во Шпанија, принудувајќи евакуација на хотели и делови од една од најпознатите туристички атракции во земјата.

Најмалку три лица се повредени откако земјотрес со јачина од 4,6 степени утрово ја погоди областа околу Гранада, а службите за итни случаи примија десетици повици од граѓани. Овој потрес уследи по земјотрес со јачина од 5,2 степени, кој во претходните денови предизвика делумно уривање на објекти и ги принуди исплашените жители и туристи да ги напуштат своите домови.

Епицентарот на утринскиот земјотрес бил во близина на Гохар, мало гратче и општина лоцирани на околу осум километри јужно од центарот на Гранада.

По земјотресот биле евакуирани хотелите и зградите на локалната самоуправа што се отворени за граѓаните. Вработените во хотелот со четири ѕвездички „Барсело Кармен Гранада“ се фотографирани на улицата веднаш по првиот потрес. Следуваа уште два силни земјотреса.

По земјотресот со јачина од 4,6 степени, следуваа уште два земјотреса со јачина од 4 и 4,2 степени во близина на Чуријана де ла Вега и Алјенде. Локалните власти потврдија дека три лица се повредени, но наведоа дека повредите не се сериозни.

Евакуирани биле и делови од познатата Алхамбра, еден од најпознатите туристички комплекси во Шпанија.

Портпарол на центарот за итни случаи, управуван од регионалната влада на Андалузија, изјави дека биле примени повеќе од 50 повици од граѓани во врска со одрони од карпи и пукнатини.

„Добивме повеќе од педесет повици со пријави за одрони од карпи и пукнатини, а засега нема извештаи за повредени лица“, првично соопштија од центарот. Подоцна, на социјалните мрежи беше објавено предупредување до населението.

„Пријавени се неколку земјотреси во пошироката област на Гранада. Ако сте почувствувале земјотрес, а сте безбедни и вашиот дом не е оштетен, останете смирени и избегнувајте непотребно влегување и излегување од зградите. Не користете лифт.“

На снимките направени од локални жители се гледаат парчиња градежен материјал расфрлани по улицата, која е оградена од полицијата. На една од снимките се слуша како припадник на службите за итни случаи вели: „Изгледа дека во тој момент никој не поминувал. За среќа.“ Засега не е познато колкава е вкупната материјална штета предизвикана од земјотресот. На друго видео објавено на интернет се гледа како силно се тресе внатрешноста на празна просторија за време на земјотресот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Биковиќ направи хаос на свадба во улога на матичар, едвај стои на нозе: Каде бевте кога бев трезен (ВИДЕО)

Милош Биковиќ уште еднаш покажа дека покрај актерскиот талент, поседува и неверојатна харизма, но и чувство за хумор на кое е тешко да се одолее. 

Биковиќ направи хаос на свадба во улога на матичар, едвај стои на нозе: Каде бевте кога бев трезен (ВИДЕО)

Овој пат, ги насмеа сите гости на свадба каде што беше кум, а неговата изведба набрзо привлече внимание на социјалните мрежи, објави Телеграф.

Актерот, всушност, во еден момент направи вистинска мала претстава и глумеше пијан матичар кој доцни на свадбата.

Биковиќ целосно се впушти во улогата, а со својот импровизиран говор успеа да ги насмее сите присутни.

- Ааа, ете ти, каде беше кога јас сè уште бев трезен? Немав ништо за појадок... Те чекав, а сега веќе не сум трезен. Ооо, здраво, и ти си тука, прекрасно е што те гледам... - рече Биковиќ, на големо задоволство на гостите.

Неговата импровизација предизвика изливи на смеа, додека присутните со ентузијазам го следеа секој негов потег. Снимки од свадбата набрзо се појавија на интернет, а коментарите за актерскиот талент на Биковиќ само продолжуваа да доаѓаат.

Многумина беа воодушевени од начинот на кој актерот создаде цела сцена за само неколку моменти и целосно се потопи во улогата, уште еднаш заклучувајќи дека неговиот актерски талент е очигледен дури и кога нема сценарио, камера или филмски сет.

Биковиќ со тоа уште еднаш покажа дека е вистински мајстор на импровизацијата, а неговата харизма и способност да ги забавува луѓето очигледно не познаваат граници.

Тагови: Милош Биковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мајка на четири деца е пронајдена обесена во САД- полицијата смета дека сѐ е инсценирано

Мајката на жена пронајдена обесена на дрво во Мисисипи во август изјави дека е шокирана од новите информации од истрагата.

Мајка на четири деца е пронајдена обесена во САД- полицијата смета дека сѐ е инсценирано

Властите изјавија дека веруваат оти нејзината ќерка, 29-годишната Тасија Форчун, веќе била мртва пред телото да биде поставено на местото на злосторството, за кое велат дека било наместено.

Откривањето на телото на мајка на четири деца во Џексон предизвика страв во претежно црнечкиот град поради историјата на расно насилство и линч во државата. Сепак, полицијата изјави дека Форчун не умрела со бесење. „Сега имам повеќе прашања отколку одговори“, изјави нејзината мајка Кристи Спајви за Би-Би-Си.

Нови детали од истрагата

Полициската управа во Џексон објави дека по обдукцијата, мртовечникот заклучил дека станува збор за убиство и дека „местото на настанот и бесењето биле наместени“. Службениците не ја објавија точната причина за смртта или евентуалниот мотив за злосторството. Како дел од истрагата, уапсени се три лица.

„Се надевав дека ова ќе ми донесе олеснување“, рече Спајви. Таа додаде дека полицијата не ѝ објаснила како тројцата осомничени биле поврзани со нејзината ќерка, ниту зошто нејзината смрт би била наместена. „Сè уште не ја знаеме причината за смртта, не го знаеме датумот на смртта - ништо. Од што всушност починала?“

Сомничен конфликт околу дрога

Смртта на Тасија Форчун ја вознемири локалната заедница, а законодавците побараа федерална истрага. Спајви рече дека веста дека нејзината ќерка не починала со бесење на почетокот ѝ донела мир. „Кога ме повикаа од полицијата, почнав да плачам и им се заблагодарив. Се чувствував поолеснето отколку порано“, рече таа. „Се надевам само дека ги уапсиле вистинските луѓе“. Но, како што се појавија нови детали оваа недела, таа вели дека „почнала да се распаѓа“.

Во петокот, полицијата изрази сомневање на суд дека смртта е резултат на конфликт околу дрога. Еден детектив изјави дека Форчун можеби била убиена затоа што била обвинета за кражба на дрога.

Спајви ги негираше обвинувањата, но потврди дека нејзината ќерка се борела со зависност. „Тасија имала проблем со зависност. Се обидувала да се излекува“, рече таа. „Дури и ако сè уште била на дрога, а веројатно била, не заслужувала да ѝ се случи тоа. Никој не го заслужува тоа“.

Таа рекла дека нејзината ќерка била бездомник во времето на нејзината смрт и дека престојувала кај разни познаници. Нејзините четири сина, на возраст од една до седум години, сега живеат кај роднини и пријатели, а две деца се во процес на посвојување.

Тагови: мајка полицијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Есента веќе стигна, летото не попушта- во Шпанија измерени над 41 степен

Календарот вели дека е есен, со само четири дена преостанати до октомври, но во еден дел од Европа вчера беше потопло отколку во многу од најжешките летни денови. 

Есента веќе стигна, летото не попушта- во Шпанија измерени над 41 степен

Севиља забележа неверојатни 41,2 степени Целзиусови на 26 септември, додека Шпанија се приближува кон крајот на месецот што речиси сигурно ќе биде најжешкиот септември откако се направени споредливи мерења, според државната метеоролошка агенција AEMET.

Официјалните податоци на AEMET од метеоролошката станица Севиља-Таблада покажуваат колку екстремна била саботата.

Во 14 часот, температурата била 38,8 степени, до 15 часот веќе достигнала 40,6, а еден час подоцна термометарот покажал 41,2 степени.

Дури и во 17 часот, температурата не паднала под четириесет - била 40,7 степени. Паднала само на 38,5 околу 18 часот.

Сето ова се случило на 26 септември, неколку дена по официјалниот почеток на астрономската есен, како што објави шпанскиот Infobae.

AEMET претходно предупреди дека првиот викенд од есента ќе се чувствува како летото да не завршило во поголемиот дел од земјата.

За долината Гвадалквивир беа прогнозирани температури помеѓу 38 и 40 степени, а предупредувањата за топлина беа активирани во делови од Севиља, Кордоба, Хаен и Касерес. Сепак, во Севиља температурата се искачи над таа граница.

Шпанските метеоролози го опишаа времето како целосно летно, со температури кои се екстремно високи за ова време од годината.

Особено е интересно што само неколку дена претходно, на 23 септември - на самиот почеток на астрономската есен - повеќе од 100 метеоролошки станици на AEMET веќе измериле најмалку 35 степени.

Во долините Гвадијана и Гвадалквивир, температурата потоа се приближи до четириесеттите степени.

Ова е септември различен од кој било друг во Шпанија, но вчерашните 41,2 степени Целзиусови не се национален рекорд за септември. Шпанија веќе доживеа уште поекстремен топлотен бран претходно овој месец.

Ел Гранада во покраината Уелва забележа 45,7 степени Целзиусови на 3 септември, што е изедначување на националниот рекорд за највисока температура за септември. Во истиот период, Севиља забележа 45,1 степени Целзиусови, додека Андухар и Монторо забележаа 44,5.

Но, токму датумот на вчерашните 41,2 степени Целзиусови ги прави новите податоци толку впечатливи.

Септември завршува, астрономската есен веќе започна, а температурите карактеристични за врвот на летото сè уште не исчезнале.

AEMET проценува дека септември 2026 година речиси сигурно ќе заврши како најжешкиот септември во Шпанија откако започнаа современите мерења во 1961 година.

Според сегашните податоци и прогнози за крајот на месецот, просечната температура би можела да достигне околу 22,4 степени. Тоа е приближно 3,3 степени над вообичаената вредност за септември.

Споредбата што можеби најдобро покажува колку е необичен месецот е просечната температура на шпанското лето. Таа е околу 22,1 степени. Доколку се потврдат сегашните проценки, септември 2026 година ќе биде потопол во просек од просекот за целото лето во Шпанија.

Екстремната топлина не се одрази само на дневните максимуми.

На Канарските Острови, во последните денови се забележани температури кои не паднаа под 30 степени во текот на ноќта. Во Агаете на Гран Канарија, една станица регистрираше минимална температура од дури 31,2 степени, додека друга на истото место измери 30,9. Во Пахара на Фуертевентура, минималната беше 30,1 степен.

Метеоролозите затоа предупредуваат дека овој септември не е невообичаен само поради поединечните екстремни максимуми, туку и поради долгото траење на топлината и многу високите температури во текот на денот и ноќта. Олеснувањето сè уште треба да доаѓа.

AEMET очекува постепено опаѓање на температурите, така што во текот на следната недела вредностите треба да се приближат до оние што се повообичаени за ова време од годината. Но, податоците со кои Шпанија влегува во последните денови од септември се веќе забележани: 41,2 степени во средината на календарската есен.

Тагови: есен Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер