Видео: Полицајците во Пакистан добија ролерки!

Припадниците на полицијата во Пакистан добија ролерки.

Пред да застанат на ролерките пакистанските полицајци морале да завршат специфична обука во која акцентот бил ставен на посебната тактика на пукање од службеното оружје додека возиш на ролерки.

Колку ролерките ќе им помогнат ќе покаже времето. Пакистанските полицајци објавија видео во кое демонстрираат како со новите ролерки можат да ја обавуваат должноста и да спречуваат кражби.

Протести во Стокхолм против мерките, повреден еден полицаец (ВИДЕО)

Шведската полиција растури стотици противници на мерките воведени за спречување на ширењето на коронавирусот, а протестите во главниот град Стокхолм се организирани и покрај забраната за големи собири.

Полицијата го блокира мостот во центарот на градот и на својата веб-страница објави дека преговара со организаторите на митингот, обидувајќи се да издејствува демонстрантите да се растурат без интервенција.

На ТВ-снимките се гледа како полицијата ги растерува и оттурнува некои од демонстрантите, а според полицискиот извештај, еден од нивните членови е полесно повреден и пренесен во болница.

„Полицијата донесе одлука да го запре неовластениот собир што е во тек“, е објавено денеска на веб-страницата на полицијата во Стокхолм.

Претходно оваа недела, организаторот на протестите Филип Сјострем за локалните медиуми изјави дека очекува околу 2.000 луѓе да се приклучат на демонстрациите, објави на Фејсбук.

Според ТВ-снимките, се собрале неколку стотини жители на главниот град, а според шведскиот дневен весник Dagens Nyheter, демонстрантите пристигнале од различни делови на Шведска, земја во која е на сила забраната за јавни собири на повеќе од осум лица.

Нордиската држава, која има 10 милиони жители, вчера регистрира 4.831 нови случаи на инфекција со коронавирус и 26 нови смртни случаи. Досега, вкупно 13.003 лица починале како резултат на ковид во Шведска.

Владата минатиот месец објави дека ќе го скрати работното време на рестораните, баровите и кафулињата и ќе ги заостри мерките поврзани со бројот на купувачи, обидувајќи се да спречи трет бран на пандемијата.

Шведската влада на левиот центар постепено ги заостри ограничувачките мерки од крајот на минатата година, но дотогаш им дозволи на повеќето училишта, ресторани и деловни активности да останат отворени. Почитувањето на предложените мерки во оваа земја е доброволно од самиот почеток.

Херитиџ: Неефикасното судство и надуениот јавен сектор ги ограничуваат економските слободи

Нема зголемување на економските слободи во Македонија.. Според индексот што секоја година го објавува реномираната фондација Херитиџ, главните пречки во земјава и понатаму се неефикасното судство и пренатрупаната јавна администрација..

Македонската економија е делумно слободна, но е подобра во однос на земјите од регионот... во најновиот извештај на фондацијата „Херитиџ“, рангирана на 41то место... Вкупниот резултат е намален за 0,9 поени, во споредба со минатата година, што според фондацијата се должи на „падот на слободата на трговијата.“ детекирани се и слабости во: судството, јавната администрација, но и висок степен на корупција.

За да се сврти курсот кон поголема економска слобода, првиот приоритет на Владата треба да биде реформа во судството, скапиот и надуен јавен сектор и други државни институции. Уставот воспостави независно судство, но тоа страда од непотребна извршна контрола. Потребното финансирање на судовите придонесува за долго и скапо решавање на трговските спорови. Корупцијата останува сериозен проблем. , нотира Херетиџ.

Меѓудругото се вели дека да се започне бизнис сега, чини многу повеќе и вклучува повеќе процедури. Државните субвенции во земјоделството го зголемиле буџетскиот дефицит и го направиле земјоделството помалку ефикасно. Сепак финансискиот систем се развива, а банкарскиот сектор е стабилен.

Херетиџ земјите ги оценува според владеењето на правото, регулаторната ефикасност и отвореност на пазарот. Според фондацијата најголеми економски слободи има во Сингапур, Нов Зеланд, Австралија, а најмали во Куба, Венецуела и Северна Кореја.

Заев со понуда за ВМРО-ДПМНЕ: Сменете го Мицкоски, да ја делиме власта!

Заев и фрли ракавица на опозициската ВМРО-ДПМНЕ – ако го сменат Мицкоски, ги кани да ја делат извршната власт..

Премиерот Зоран Заев е подготвен да ја дели власта со ВМРО-ДПМНЕ, но под еден услов – Мицкоски да не е лидер на партијата.. Оваа радикална промена во политиката ја најави во интервју за Слободен печат, и рече дека е негова идеја која допрва треба да ги помине партиските филтри, но е убеден дека ќе ја добие поддршката..

„ Првпат го кажувам ова, сакам да отворам дебата за заедничка власт и Влада со опозицијата. Ама да има човек со кого може да се разговара, со господинот Мицковски не се разговара. Или, ако кај нив има разумен човек, а кај нас нема, нека го тргнат и Заев, само двете партии да можат да разговараат....

Владата не би била техничка, прецизираше Заев, туку политичка, по примерот на соработката што ја имаат партиите од левицата и десницата во Германија и Швајцарија.. На ваков начин очекува да запрат антагонизмите во општеството и со сите расположливи капацитети да се направат потребните реформи во државата..

„Мораме да го здружиме нашиот народ, зашто тоа ни е потребно, го знаат и тие, а го знам и јас – премногу ни е поделен народот. Второ, да ја департизираме администрацијата, а тоа е можно ако двете страни се внатре.. Во таква околност, ние ќе го забрзаме нашиот од, напред. Исто како во Германија каде 15 години ЦДУ и СПД се заедно на власт. Исто така и во Швајцарија, сите се во Владата, па кој ќе победи, повеќе е застапен и премиерот е на власт, или обратно. На тој начин ќе престанат блокадите во Парлементот, се ќе се решава прво тука во Владата, вели Заев.

Коалицискиот партнер на Заев, Али Ахмети, пак, во првичната реакција за предлогот на премиеротоценува дека во моментов во фокусот треба да биде борбата со корупцијата и ковид пандемијата.

Политичка „бомба“ на премиерот Заев доаѓа во пресрет на конгресот на СДСМ закажан за 21 март, на кој се очекува тој да биде реизбран за партиски лидер, но и во време на превирања во ВМРО-ДПМНЕ и барања на дел од членството за вонреден конгрес на крајот на месецов и смена на Мицкоски.

Пред Владата е Јана Јосифовска..

притисни ентер