Видео: Летечки автомобили полетаа од Словачка - Канал 5

Автомобилизам

Видео: Летечки автомобили полетаа од Словачка

Летечките автомобили со години постоеа само во научно-фантастичните филмови. 

Видео: Летечки автомобили полетаа од Словачка

Полека, но сигурно, тие сега стануваат реалност, со неколку фирми кои се борат да бидат првите што ќе лансираат комерцијално летечко возило.

Една од овие компании е словачката компанија „KleinVision“, со својот „AirCar“. Футуристичкото возило е опишано како „првиот светски сертифициран летечки автомобил“ и веќе е сертифициран за летање во Словачка откако заврши повеќе од 200 полетувања и слетувања за време на 70 часа ригорозни тестирања на летови според стандардите на Европската агенција за воздухопловна безбедност (EASA).

Ова возило може да се трансформира од патно во авион за помалку од три минути, овозможувајќи им на корисниците да уживаат во флексибилноста на патувањето на копно и во воздух.

Технологијата зад „AirCar“ сега е продадена за необјавена сума на кинеската компанија „Hebei Jianxin Flying Car Technology Company“, за која „KleinVision“ тврди дека „ќе го забрза напредокот кон масовното производство на летечки автомобили на пазарот“.

Овој договор за лиценца и дава на кинеската компанија ексклузивни права за производство и дистрибуција на летечки автомобили користејќи ја технологијата на „KleinVision“ во „специфичен“ - сè уште неоткриен - географски регион.

Спецификациите на летечкиот AirCar вклучуваат:

Мотор: Прототип 1 има мотор со фиксен пропелер од 160 коњски сили, но Прототип 2 ќе биде опремен со мотор од 300 коњски сили.

Максимална брзина: од 160 до 300 километри на час

Досег: 1.000 километри

Максимална висина на летот: 2,5 километри

Инаку, се очекува AirCar да биде достапен за продажба веќе во 2025 година, со цена од околу 235.000 фунти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Бројот на загинати во земјотресите во Венецуела се искачи на 3.342

Бројот на загинати во двата земјотреси во Венецуела се искачи на 3.342, објави венецуелското министерство за информирање.

Бројот на загинати во земјотресите во Венецуела се искачи на 3.342

Бројот на повредени достигна 16.470, додека бројот на луѓе кои останаа без своите домови скокна на над 17.300.

Првиот земјотрес во Венецуела со магнитуда од 7,2 степени според Рихтеровата скала се случи на 24 јуни, на околу двесте километри западно од Каракас. По него следуваше втор земјотрес со магнитуда од 7,5 степени, на оддалеченост од 45 километри, а потоа и низа последователни потреси. Земјотресот со магнитуда од 7,5 степени беше најсилниот во последните повеќе од сто години, велат податоците на американскиот геолошки институт.

Тагови: Венецуела

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Милиони луѓе на погребната поворка на ајатолахот Али Хамнеи во Техеран (ВИДЕО)

Милиони луѓе се придружија на погребната поворка во Техеран за да го испратат телото на починатиот врховен верски лидер, ајатолахот Али Хамнеи на пат кон светиот град Ком.

Милиони луѓе на погребната поворка на ајатолахот Али Хамнеи во Техеран (ВИДЕО)

Според иранските медиуми, денешниот настан е најголемиот јавен собир во модерната историја на земјата. Поворката почна утрината од верскиот комплекс „Голема мосала“ во Техеран, каде што што изминатите два дена беше изложено телото на Хамнеи.

Организаторите очекуваат поворката, која се движи по траса долга околу 10 километри, да трае помеѓу 10 и 12 часа. Хамнеи кој беше убиен на 28-ми февруари од американските сили, ќе биде погребан во четврток. По атентатот, за негов наследник беше назначен неговиот син Моџтаба Хамнеи.

Тагови: Али Хамнеи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

18 загинати во руски воздушни напади врз Киев – Зеленски алармира на недостиг на пресретнувачки ракети

Најмалку 18 луѓе загинаа, а повеќе десетици се ранети во најновите жестоки руски водзушни напади врз Киев, само неколку дена откако во слични напади беа убиени над 30 цивили.

18 загинати во руски воздушни напади врз Киев – Зеленски алармира на недостиг на пресретнувачки ракети

Како што соопштија украинските власти, мета на нападите биле повеќе згради во главниот град, каде што избувнале пожари, а меѓу повредените има и деца. Според информациите, Русија употребила 350 беспилотни летала, 40 крстосувачки ракети, но и речиси 30 балистички и суперсонични проектили, од кои безмалку ниту еден не бил соборен. Киев призна дека украинската одбрана претрпела огромен удар поради сериозниот недостиг на пресретнувачки ракети за системот патриот, кој единствено може да соборува балистички проектили. Украинскиот претседател Зеленски апелираше до сојузниците да донесат силни одлуки на самитот на нато утре и задутре за да и обезбедат на украина воздушна одбрана. Додека ракетите „Патриот“ се во магацините на нашите сојузници, Русија е само охрабрена да продолжи да уништува станбени згради“, напиша Зеленски на социјалните мрежи..

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер