Живот

Велигден во услови на Ковид-19: И властите и Црквата апелираат да се почитуваат превентивните мерки

Премиерот Спасовски во порака на Фејсбук нагласи дека Владата не отстапува ниту педа од одлуките и мерките кои се однесуваат на забраната за движење и за време на Велиденските празници,

Во пресрет на Христовото воскресение – Велигден, премиерот Оливер Спасовски апелираше да се почитуваат мерките на Владата, да нема собири и најголемиот христијански празник верниците да го минат во кругот на семејството, а црковните лица најавуваат литургии со ограничен број на луѓе во црквите, а останатите да стојат надвор од храмовите на дефинираната раздалеченост едни од други и заштитени со маски и ракавици.

Премиерот Спасовски во порака на Фејсбук нагласи дека Владата не отстапува ниту педа од одлуките и мерките кои се однесуваат на забраната за движење и за време на Велиденските празници, а кои се во интерес за заштитата на јавното здравје и во интерес на здравјето на секој граѓанин и дека тие важат за секого.

– Сите граѓани и сите чинители во општеството мора да ги почитуваат мерките на Владата, а тие се јасни и недвосмислени. Забрането е движење на сите граѓани во назначените часови во работните денови, а таа забрана е целосна за периодот од петок 16 часот до вторник 05 часот. Потсетувам дека е активна и забраната за групирање на граѓаните во групи поголеми од две лица, на јавни простори. Ова се активните ограничувања, одлуки и мерки и тие остануваат на сила и за време на велигденските празници.Владата не отстапува ниту педа од одлуките и мерките кои се во интерес за заштитата на јавното здравје и во интерес на здравјето на секој граѓанин. Тие важат за секого!, пишува Спасовски.

Тој посочува дека, навистина, денес поминуваме низ тешки искушенија и во однос на личните вредности и потреби и оти прв пат православните верници, наместо во храмовите, ќе треба да ги поминат Велигденските празници во своите домови.

– Четерисетдневниот велигденски пост ќе го завршиме со личен подвиг во кругот на нашето семејство и во нашите домови. Велигденските пораки за победата над смртта ќе ги упатиме од дома. Преку телефон, преку интернет, секој од своето семејство, од својот сопствен дом, а не собрани по роднини и гости. Тоа нема да не направи послаби верници – напротив, тоа ќе ни го зајакне духот, зашто сите знаеме дека со тоа спасуваме ЖИВОТ. Нашите животи зависат од однесувањето на сите нас – никој од нас нема право да загрози туѓ живот – а живот нема да загрозиме ако останеме дома. Да се здружиме сите и да го запреме вирусот кој му се закани на целото човештво. Народот и државата можат заедно да го спречат ширењето на вирусот, порача премиерот Спаосвски.

Тој нагласи дека секоја од одлуките која се носат во овие услови е со цел да се помогне во заштита на здравјето и животот на граѓаните и колку и да се тие одлуки тешки одлуки, сепак се носат за да би дале најбрз можен ефект.

– Јас знам дека сега се моменти кога за ваков христијански празник луѓето имаат и духовна потреба да отидат во храмовите, но сега овој момент на зачувувањето на здравјето и животот на граѓаните и на спречувањето на ширењето на вирусот е исто така една голема одговорност што ја имаме сите пред нас, рече Спаспвски, додавајќи дека сите анализи покажале дека доколку не се донесеше ваква одлука, многукратно ќе се зголемеше ризикот за ширење на вирусот.

Затоа, тој апелираше да се почитуваат мерките, да нема никакви собири и големиот христијански празник Велигден, да го поминеме во кругот на семејството.

– Честитките да си ги упатиме до нашите блиски преку телефоните. Секој од нас може своите молитви да си ги направи дома во кругот на семејството. Ова е моментот кога треба да покажеме и патриотизам и храброст, а храброст и патриотизам во овие услови е да се остане дома и да се почитуваат мерките на Владата, напиша премиерот на својот Фејсбук профил.

Со слични пораки излегоа и црковните лица, кои подготвија и посебна програма за празнувањето на Велигден во услови на вонредната состојба, која предвидува секојдневни литургии, но со ограничен број на верници, а останатите да стојат надвор од храмовите на дефинираната раздалеченост едни од други и заштитени со маски и ракавици.

Црковните лица велат дека се свесни за состојбата со пандемијата која го измачува целиот свет, како и нашата држава, па затоа оваа година празнувањето на спомен денот на Христовата крсна откупителна жртва и Неговото Воскресение ќе биде прилагодено во однос на реалноста со која се соочуваме.

Презвитер Бобан Митевски од црквата „Св. Николај Чудотворец" во Аеродром вели не би можел да предвиди дали е можно да се собре многу народ во црквите и да се создаде турканица.

– Не би можел да предвидам. Но, луѓето како што имаат потреба да бидат во редовите пред маркетите и друго, тие се и духовно жедни и имаат потреба од Бога, од присуството во храмот. Да веруваме дисциплираноста и во имањето чувство кај нашиот народ за состојбата. Всушност, апелираме на тоа, вели тој.

Поради избегнување на масовно собирање, на богослужбите в недела и в понеделник ќе учествуваат само свештенослужителите. По богослужбите храмовите ќе бидат отворени за посета, поклонение, индивидуална молитва, принос.

При тоа црковните лица апелираат да се почитуваат мерките за ред и пристапување, да не се прави групирање на повеќе луѓе, да се задржува потребното растојание и верниците да носат средства за заштита.

Со слични предизвици се среќаваат и верниците и црквите што го чествуваат Велигден по Јулијанскиот календар во соседството.

Така, Црна Гора најави дека има намера да воведе забрана за јавни собири за време на велигденските празници.

Директорот на црногорската полиција Веселин Веловиќ најави дека полициските службеници ќе го контролираат почитувањето на мерките за заштита од коронавирусот.

– Верските служби ќе бидат служени без присуство на верници, соопшти црногорската полициска управа на Твитер, додавајќи дека полицијата ќе санкционира какво било загрозување на здравјето на луѓето.

Српската православна црква бараше 60-часовен прекин на полицискиот час в недела за да им се овозможи на верниците да присуствуваат на неделната богослужба за Велигден, но Владата на Србија го отфрли ваквото барање.

Водечкиот српски епидемиолог Предраг Кон на вчерашната редовна конференција рече дека барањето на СПЦ претставува „негирање на се што Србија се обидува да направи за да ги спаси животите на луѓето"./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

По 28 години патување околу светот, Британец се врати дома- го преплива Ламанш (ВИДЕО)

Британскиот авантурист Карл Базби (57) се врати во Англија 28 години откако ја напушти земјата, препливајќи го Ламанш, завршувајќи го своето патување околу светот без користење на никакво превозно средство, кое започна во 1998 година.

Поранешниот падобранец на британската армија помина повеќе од 50.000 километри и помина низ 29 земји, движејќи се исклучиво пеш или со пливање, со цел да стигне до Хал во североисточна Англија и да го заврши кругот, објави Би-Би-Си.

„Убаво е да се почувствува британска почва“

Британецот рече дека препливал од Франција до Велика Британија, што била последната голема пречка на неговото патување назад кон родниот Хал.

„Убаво е да се почувствува британската почва под нозете по сите овие години. Не беше лесно и делумно тоа е сè - да докажам дека сум поспособен отколку што мислам дека сум“, рече тој.

Тој рече дека пливал 20 часа во текот на три дена пред да стигне до плажата Шекспир, јужно од Довер, во 15:30 часот. во понеделник, каде што го пречекаа пријатели и семејство, како и режисерот Вернер Херцог, кој снима документарец за неговото патување.

Патувањето прекинато неколку пати

Башби го напушти Чиле на 1 ноември 1998 година, следејќи две самонаметнати правила - да не користи јавен превоз и да не се враќа дома додека патувањето не биде завршено.

Неговото патување беше прекинато неколку пати, вклучувајќи ги проблемите со визите во Русија, финансиската криза од 2008 година и пандемијата на коронавирус, која му одзеде 14 од 28 години патување.

Откако го премина Беринговиот теснец помеѓу Алјаска и Русија пеш, Москва со години му одбиваше виза.

Тајно преминување на каналот

Преминувањето на каналот, координирано со француската и британската крајбрежна стража, беше чувано во тајност до неговото завршување од безбедносни причини.

Башби сега има околу 400 километри да помине до Хал.

Откако ќе заврши патувањето, тој планира да се посвети на снимање документарци и држење предавања.

Тагови: Британец Ламанш

Фудбал

Аргентинска ѕвезда се расплака среде прошталниот говор на Меси (ВИДЕО)

Енцо Фернандез беше видливо потресен за време на прошталниот говор на Лионел Меси на стадионот „Монументал“.

Играчот од средниот ред на Манчестер Сити се расплака на теренот, а подоцна објави емотивно писмо во кое го опишува своето патување од момче кое му се восхитуваше на Меси до освојувањето на Светското првенство заедно со него.

Емоции по збогувањето на капитенот

Додека Лионел Меси го држеше својот проштален говор по победата на Аргентина од 3-0 над Бенин, Енцо Фернандез не ги криеше солзите на теренот. Видеото од 25-годишниот фудбалер и неговата реакција брзо се проширија на социјалните мрежи. „Искрено, беше многу емотивен ден, со многу измешани чувства“, им рече Фернандез на новинарите по натпреварот. „Се надевам дека Лео уживаше, многу ќе ни недостига.“

Enzo Fernandez has no idea what he has just done for football twitter https://t.co/jmT7zivUKv
— Janty (@CFC_Janty) October 7, 2026

Писмо до идолот од детството

Фернандез потоа објави писмо во кое се сеќава како го идолизирал Меси како момче. Тој опиша дека му пишал како 15-годишник, кога напаѓачот накратко се пензионираше од репрезентацијата во 2016 година. „Кога рече дека си заминуваш, бев многу тажен. Бев само дете и постојано броев, споредувајќи ги твоите години со моите, за да видам дали некогаш ќе добијам шанса да играм со тебе“, напиша Фернандез.

„Размислував колку години ти остануваат и колку време ќе ми треба за да стигнам до првата лига. Сонував дека барем еднаш ќе играме заедно за Аргентина.“ Тој сон му се оствари, а најважниот момент беше освојувањето на Светското првенство во Катар заедно со својот херој.

Благодарам за поддршката

Покрај заедничките успеси, Фернандез ја истакна поддршката и менторството на Меси од неговото доаѓање во сениорскиот тим. „Дојдов со надеж дека ќе го споделам теренот со мојот идол, но наместо тоа најдов некој што ме натера да се чувствувам како дел од тимот од првиот момент“, изјави тој.

„Секогаш имаше љубезен збор, совет, прегратка или едноставно знаеше како да ме опуштиш кога беше потребно. Никогаш нема да го заборавам тоа“, додаде Фернандез. „Ти благодарам што се однесуваше вака со мене, ти благодарам за сè што ме научи и што ми дозволи да бидам дел од твојата приказна.“

Иднина без капитен

Фернандез призна дека му е тешко да ја замисли репрезентацијата без Меси во претстојните натпревари. „Денес ми е тешко да ја замислам следната средба без тебе. Да излезам на теренот и да не те видам пред мене со бројот 10“, напиша тој.

„Колку бев среќен, Лео. Тоа дете имаше толку среќа кога броеше, дури и не знаеше дали некогаш ќе стигне на време. Многу ќе ни недостигаш, Капитене.“

Тагови: Лионел Меси

Европа

Унгарија воведува данок на богатство- сѐ ќе се оданочува, па дути и имотот во странство

Најбогатите граѓани на Унгарија ќе мора да плаќаат нов данок на богатство почнувајќи од следната година, а државата има намера да погледне многу подалеку од само парите на нивните банкарски сметки при неговото пресметување.

Новиот данок ќе ги опфати недвижностите, инвестициите, акциите на компаниите, па дури и средствата што ги поседуваат унгарските даночни обврзници во странство.

Владата на премиерот Петер Маѓар предложи годишен данок од 1 процент на делот од нето-имотот што надминува 1 милијарда форинти, или околу 3,1 милиони долари.

За најбогатите, стапката ќе биде уште поголема. Граѓаните со средства што надминуваат 100 милијарди форинти, или околу 308 милиони долари, ќе плаќаат стапка од 1,5 проценти на делот од богатството над тој праг, според Ројтерс.

Недвижностите и средствата во странство исто така се земаат предвид

Се очекува даночната основа да биде многу широка. При утврдувањето на богатството, ќе се земат предвид недвижностите, инвестициите, акциите на компаниите и другите средства, вклучително и оние што се наоѓаат надвор од Унгарија.

Од друга страна, долговите и кредитите ќе можат да се одземат од даночната основа. Ова би значело дека државата не само што ќе гледа колку одредено лице поседува средства, туку и неговата нето вредност по одбивањето на обврските.

Данокот би се плаќал еднаш годишно, врз основа на даночна пријава поднесена од самиот даночен обврзник. Првата обврска треба да се утврди според состојбата на средствата на крајот на 2026 година, додека рокот за поднесување и плаќање би бил 31 август 2027 година.

Најбогатиот Унгарец има 5,5 милијарди долари

Новата мерка особено ќе го погоди самиот врв на листата на најбогати луѓе во земјата. Според листата на унгарското издание на Форбс, 28 лица имаат богатство од повеќе од 100 милијарди форинти, што ги става во категоријата за која е предвидена повисока даночна стапка.

На врвот на листата е Лоринц Месарош, бизнисмен чија бизнис империја вклучува банкарство, енергетика, туризам, градежништво и земјоделство. Неговото семејно богатство се проценува на околу 1,786 трилиони форинти, или приближно 5,5 милијарди долари.

Вториот најбогат човек во земјата е претседателот на ОТП банка, Шандор Чањи, чиј имот се проценува на приближно 2 милијарди долари.

Петер Маѓар рече дека за време на подготовката на данокот, имало обиди за лобирање против новиот данок.

- Предлагам чесно да ги плаќаат даноците - е пораката што ја испрати премиерот.

Зошто Унгарија го воведува новиот данок?

Данокот на богатство беше едно од изборните ветувања на партијата Тиса, која ја победи Фидес на априлските избори и го заврши 16-годишното владеење на Виктор Орбан.

Новата влада сега се соочува со сериозен проблем со јавните финансии. Буџетскиот дефицит на Унгарија за оваа година е проектиран на дури 7,5 проценти од БДП, додека Унгарците ветија дека ќе го намалат на три проценти до 2030 година.

Ова треба да ѝ помогне на земјата да ги исполни фискалните критериуми потребни за евентуалното воведување на еврото.

Сè уште не е познато колку пари владата очекува да собере од новиот данок. Се очекува да биде вклучен во буџетот за 2027 година, кој се очекува да биде презентиран во октомври.

Нацрт-законот веќе е објавен за јавна консултација, која ќе трае до 14 октомври, по што треба да биде доставен до парламентот.

Доколку се усвои според сегашниот план, најбогатите Унгарци ќе мора да пресметаат не само колку заработуваат, туку и колку вредат вкупно, почнувајќи од следната година.

Тагови: данок Унгарија