Македонија

Вечерва „Само Вистина“ интервју со Тито Петковски

Почитувани гледачи, сонувачи за подобро утре и реалисти... На жешкиот икс вечерва послендото  интервју во оваа сезона со претседателот на НСДП, Тито Петковски.

Беше оптимист за ратификација на Преспанскиот договор, помина еуфоријата, но политиканството не го отстапи пиедесталот, може ли од оваа перспектива да ни каже „каде оди Македонија“?

Кога ќе се оствари 27-годишниот сон за евро-интеграициите, кому повеќе а кому помалку ќе му прости македонскиот народ за политичките манипулации, а ќе може ли мачката да го пушти глушецот на слобода?

Што е со меѓусебните разединувања на политичка основа, кога ќе се помират левите и десните?

Амнестија или владеење на правото, што е лекот за помирна иднина?

Како претседател на Собранието и политичар со најголем стаж, може ли да ни каже што мисли, кој и како можеше да ги мобилизира „заведените“ граѓани за 27-априлското сецарио?

Кој не читаше меѓу редови, а кому му одговараше да замижи со „отворени“ очи?

До кога двојните политички аршини ќе играат со реалните потреби, а гладните стомаци на граѓаните ќе „бистрат“ политика на празно?

Македонија или Унгарија, кој доби „шамар“ со бегството на премиерот и како политичкиот азил стана алиби за криминални дејствија...

За македонските црнила и светла иднина, за патриотизмот и визионерството, вечерва во Само Вистина, со Тито Петковски, ексклузивно на Канал 5 Телевизија?

Македонија

Двајца загинати во тешка сообраќајна несреќа на патот Радовиш-Штип

Во сообраќајната несреќа што се случи на магистралниот пат Радовиш-Штип загинаа двајца возачи, а сопатничка од едното возило е пренесена во штипската Болница.

Веста за МИА ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.

- На местото на несреќата починале возачите на двете возила, а сопатничка од патничкото возило „опел" е пренесена во Медицински центар Штип, изјави Трајанова.

Увид на местото на несреќата врши јавен обвинител, а сообраќајот се пренасочува по стариот пат.

Од полицијата повеќе детали за несреќата најавуваат за утре.

Свет

Во ЕУ 7,1 отсто од вработените работат 49 или повеќе часа неделно, најмногу во Грција

Во Европската унија во 2023 година, 7,1 отсто од вработените работеле 49 или повеќе часа неделно, што спаѓа во долго работно време, покажуваат податоците објавени од Евростат.

Од земјите на Европската унија најголем удел на работници со долго работно време има Грција, поточно 11,6 отсто, потоа Кипар со 10,4 отсто и Франција со 10,1 отсто.

Најмал удел на вакви работници е забележан во Бугарија, 0,4 отсто, како и во Литванија и Летонија, по 1,1 отсто.

Речиси една третина од самовработените или поточно 29,3 отсто од оваа категорија работат 49 или повеќе часа неделно, додека кај вработените овој процент е значително помал и изнесува 3,6 отсто.

Долгите работни часови најчесто се застапени кај квалификуваните работници во земјоделството, шумарството и рибарството, како и кај менаџерите.

Како што пренесува порталот Статиста, вработените со полно работно време во Европската унија во првиот квартал од 2023 година работеле во просек по 40,4 часа неделно.

Македонија

Истражителка на ОЈО Скопје за компјутерски криминал со меѓународно признание од ИЛЕА

Меѓународната академија за спроведување на законот (ИЛЕА) во Будумпешта додели признание за работата и постигнувањата на Марина Пешовска, истражителка за компјутерски криминал од Истражниот центар на Основното јавно обвинителство Скопје.

Пешовска беше избрана како финалист во категоријата “оперативен успех” поради успешна примена на вештините за дигитална форензика во борбата против локалниот и транснационалниот сајбер-криминал.

Успехот на Истражниот центар го истакна и Амбасадата на САД во Скопје. “Американската амбасада е горд партнер на Основното јавно обвинителство Скопје во неговата борба против компјутерскиот криминал и промоцијата на одговорноста”, објави Амбасадата на САД во Скопје за признанието од ИЛЕА.

Пешовска е еден од 17-те истражители во Истражниот центар на ОЈО Скопје.

Истражниот центар е своевидно јадро на обвинителството и бројот на предмети во кои постапувале истражителите за една година е практично речиси удвоен – од 150 предмети во 2022 на над 280 предмети во текот на 2023 година. Истражителите самостојно преземаат голем број различни дејствија – прибирање документација, барања до институции, учествуваат при претреси и лишување од слобода на лица, а се ангажирани и во дејствија на меѓународна соработка со истражни органи од други земји.

Најголем дел од опремата за Истражниот центар на ОЈО Скопје е донација од Амбасадата на САД, соопштија од Обвинителството.

притисни ентер