Важна одлука на УНЕСКО за враќање на скулуптурите на Партенон

Координираната грчка дипломатска акција доведе до првата важна одлука на УНЕСКО за враќање на скулптурите на Партенон.

Благодарение на координираната дипломатска акција на Грција, Меѓувладиниот комитет на УНЕСКО за промовирање на враќање на културните добра во земјите од кои потекнуваат (ICPRCP) за првпат донесе одлука, не само препорака, во врска со прашањето за враќање на скулптурите на Партенон во Грција.

Оваа одлука (22.COM 17), која беше донесена едногласно минатиот септември на 22 -та седница на Комитетот, го признава праведното барање на нашата земја.

Затоа, Обединетото Кралство е покането да влезе во дијалог со Грција.

Ваквиот развој на настаните е најважен затоа што и дава значење на меѓувладината природа на ова прашање и врши притисок врз британската влада да се вклучи во ова, со оглед на тоа што до сега враќањето на скулптурите на Партенон беше омаловажувано од британската страна како спор што е во ексклузивна јурисдикција на Британскиот музеј.

Одлуката ги препознава историските, културните, правните и моралните димензии на обединувањето на скулптурите на Партенон.

Повеќето држави го поддржаа грчкото барање за враќање на скулптурите, изразувајќи го истовремено своето разочарување поради доцнењето во решавањето на прашањето.

Министерството за надворешни работи, по долгогодишни напори на своите дипломати и правни застапници, во соработка со Министерството за култура и музејот Акропол, успеа решително да го постави прашањето преку својата Специјална правна служба и да побара од членовите на Комитетот да донесе силна одлука. Прашањето за враќање на скулптурите на Партенон постојано се дискутира во Комитетот од 1984 година, кога за првпат беше поставено од тогашната министерка за култура, Мелина Меркури, но без конкретен резултат поради повторените одбивања на Обединетото Кралство да започне дијалог со Грција.

Вреди да се напомене дека галеријата во Британскиот музеј, каде што досега се наоѓаат скулптурите од Партенон, е затворена од почетокот на 2020 година поради оштетувања предизвикани од вода, се наведува во соопштението од грчката амбасада во Скопје.

Папазов: Ќе изградиме целосна инфраструктура за водоснабдување и одводнување на Пониква

Ќе подготвиме урбанистичка документација за изградба на нови хотелски комплекси, вели Папазов.

Почитувани,

Пониква е гордоста на Кочани, на истата ќе изградиме целосна инфраструктура за водоснабдување и одведување на отпадните води. Ќе подготвиме урбанистичка документација за изградба на нови хотелски комплекси.

Опремата која ја оставивме а сега е во очајна состојба, ќе ја подигнеме и ќе ја ставиме во функција на посетителите на Пониква.

Ќе изградиме нов ски-лифт и нова ски-патека.

Ќе ги асфалтираме сите пристапни патишта до викенд куќите.

Љупчо Папазов, кандидат за градоначалник на општина Кочани

Колумбиец уапсен на Јамајка под сомнение дека го убил претседателот на Хаити

Уапсен е осомничениот за атентатот врз претседателот на Хаити, Жовнел Моиз.

Жованел Моиз беше убиен на 7 јули годинава во главниот град на Хаити, Порт-о-Пренс.

Властите на Хаити објавија дека во истрагата за убиствиото, на Јамајка бил упасен колумбиски државјанин, кој се смета за осомничен за убиството на претседателот на Хаити.

Успешно завршен проектот „Поддршка за развој на земјоделски задруги“

Имаме реализација на највисоко ниво на се што беше потребно за да се добие соодветна законска рамка за работењето на задругите, вели Хоџа.

Денеска, министерот за земјоделство, шумарство и водостопанство, Арјанит Хоџа, присуствуваше на завршен настан по повод затворање на проектот „Поддршка за развој на земјоделски задруги“. Завршниот настан се реализираше во присуство на претставници од релевантни национални и меѓународни организации, институции, ѓраѓански организации, задруги, земјоделци и групи на земјоделци.

Проектот „Поддршка за развој на земјоделски задруги“ е од исклучителна важност за развој на задругарството во Република Македонија. Финансиски е поддржан од Европската Унија, имплементиран од страна на CARE International и Македонската развојна фондација за претпријатија. Краен корисник е МЗШВ и сите земјоделци.

На настанот поздравни обраќања имаа министерот Арјанит Хоџа, г -дин Константинос Супилас – Програмски менаџер Делегација на ЕУ, г -ѓа Сумка Бучан – Регионална директорка на CARE, г -дин Лазар Неданоски – Извршен директор на МРФП и г-ѓа Сузана Димитриевска – Претседателка на Македонската асоцијација на земјоделски задруги.

„Во изминатиот период Министерството направи сериозен исчекор во развојот и поддршката на задругарството. Земјоделците ја препознаа поддршката од државата и реалниот бенефит кој го имаат од членството во задруги. Тие имаат можност да купуваат државно земјоделско земјиште, поволности при бодувањето за финансиска поддршка и можности за субвенционирана набавка на опрема и механизација која ќе им го олесни производството и ќе придонесе за поголеми резулати во нивното работење. Исто така, достапни се европските фондови, наскоро ќе стартува и ИПАРД 3 програмата, со што се отвораат нови можности и нови средства на располагање“ изјави Хоџа. Тој се заблагодари на поддршката која континуирано ја добиваме од Делегацијата на Европската Унија, како и на сите учесници во проектот.

Г -дин Константинос Супилас – Програмски менаџер Делегација на ЕУ, изјави дека е многу задоволен што денеска одбележуваме завршување на уште еден проект, реализиран со поддршка од Европската Унија. Тој се заблагодари на сите учесници кои беа директно вклучени во процесот и кои заеднички ги постигнаа проектираните цели на проектот.

Претставниците на CARE International и Македонската развојна фондација за претпријатија, ги претставија конечните достигнувања на проектот. Меѓу друго резултатите вклучуваат: подобрување на правната рамка која го регулира формирањето и функционирањето на земјоделските задруги; зајакнување на улогата на чадор –организацијата на земјоделските задруги; подобрување на улогата на МЗШВ за следење на перформансите на земјоделските задруги преку креирање на посебен софтвер; подготовка на Стратегија за МЗШВ за развој на земјоделските задруги (2022-2028) и последно, но не и најмалку важно, презентирање на инвестициите од проектот во рамките на грантовата шема за 18 земјоделски задруги низ целата земја.

Вкупниот износ на проектот е 1,98 милиони евра и има за цел да се зголеми конкурентноста на пазарот и соработката меѓу земјоделците во земјата, преку создавање поволни услови за развој на постојните и создавање нови земјоделски задруги.

притисни ентер