Василевска: Македонија и оваа година ќе биде пример во регионот за исполнување на реформските задачи - Канал 5

Македонија

Василевска: Македонија и оваа година ќе биде пример во регионот за исполнување на реформските задачи

Македонија и оваа година ќе биде пример во регионот за исполнување на реформските задачи, нема да дозволиме опструкциите на СДС да го забават реформскиот процес

Василевска: Македонија и оваа година ќе биде пример во регионот за исполнување на реформските задачи

СДС се однесува во јавноста како да е единствен застапник на европската перспектива на Македонија.

Додека постојано зборуваат за европски вредности и стандарди, кога е потребно тие да се преточат во конкретни чекори, отсуствува нивната поддршка.

Наместо да придонесат кон усвојување на законските решенија што се дел од реформската агенда и европскиот напредок, СДС избира политички блокади и активности со кои ја нарушува сликата за сопствената држава пред меѓународната јавност.

Лицемерно е што СДС седум години имаше можност да ги спроведе клучните реформи, за денес да се однесува како тие обврски да започнале вчера.

Нивното однесување во Собранието јасно ја покажува разликата меѓу реториката која доаѓа од нивните прес-конференции и реалноста. Не ги гласаат реформските закони, бегаат од работните групи, а сега и се обидуваат да го забават реформскиот процес.

Но, за разлика од нивната политика на опструкции, Владата предводена од ВМРО-ДПМНЕ испорачува конкретни резултати. Ги реализираме реформите преку конкретни законски решенија и исполнување на обврските.

Само во текот на 2024 година беше направен значаен исчекор во спроведувањето на Реформската агенда со донесувањето на седум клучни закони кои се дел од процесот на усогласување со европските стандарди и исполнување на обврските од Планот за раст на Европската Унија.

Со овие законски решенија државата направи конкретен напредок во зајакнувањето на институциите, подобрувањето на економското управување и модернизацијата на образовниот систем.

Во текот на 2025 година реформската динамика продолжи со уште посилно темпо. Беа донесени повеќе закони во областите енергетика, јавна администрација, дигитална трансформација, правда и транспорт, со што продолжува модернизацијата на институциите и подобрувањето на јавните услуги.

Европските институции ја потврдуваат посветеноста на Македонија во спроведувањето на реформскиот процес, што резултираше со најзначајна финансиска поддршка од Планот за раст, споредено со сите други земји од регионот.

Тоа е најдобриот одговор на сите обиди за потценување на сработеното.

Но сепак, пратениците на СДС не го поддржаа Законот за енергетика, Законот за Судски совет, Законот за административните службеници, ниту еден закон од областа на образованието, не го гласаа ниту Законот за електронски комуникации, како ни пакетот закони за дигитализација. Не гласаа ништо. Како тогаш зборуваат за европски напредок, а не ги гласаат законите што ќе го овозможат токму тој европски напредок?

Додека европските институции го препознаваат напредокот и реформската динамика на Македонија, СДС останува заробен во политички опструкции. Наместо да ги стави државните интереси пред партиските, одбива да ги поддржи решенијата што носат конкретен напредок за граѓаните и европската интеграција.

Почитувани,

Нема да дозволиме партиските интереси и политичките пресметки на СДС да го забават реформскиот процес. Владата останува посветена на исполнувањето на реформската агенда, а сите потребни законски решенија ќе бидат усвоени во утврдените рокови.

Продолжуваме со одговорна и посветена работа во интерес на граѓаните и европската перспектива на државата. Очекуваме опозицијата да покаже конструктивност, да ги надмине дневнополитичките калкулации и да го стави државниот интерес пред партиските цели.

Македонија и оваа година ќе биде лидер во регионот според динамиката на спроведување на реформите и посветеноста кон изградба на европската иднина, рече Иванка Василевска, пратеник на ВМРО-ДПМНЕ.

YouTube video

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски не планира да запре

Украинскиот претседател Володимир Зеленски разговараше со врховниот командант Михајло Драпатиј за зајакнување на одбраната на Костјантинивка и Славјанск во регионот Донецк, како и за кадровски прашања во рамките на вооружените сили.

Зеленски не планира да запре

„Добив извештај од врховниот командант на вооружените сили на Украина Михајло Драпатиј. Посебен фокус беше ставен на одбраната на Костјантинивка, Славјанск и регионот Донецк како целина. Благодарен сум на сите единици кои целосно ги исполнуваат своите борбени мисии, одбивајќи ги руските напади, елиминирајќи ги обидите за инфилтрација и систематски уништувајќи ги окупаторите. Разбираме како да го зајакнеме овој сектор.“

Зеленски рече дека разговарале и за задачи поврзани со напади со беспилотни летала на долг дострел врз Русија.

„Постигнати се добри резултати во рафинеријата за нафта во Јарослав. Продолжуваме со релевантните операции“, истакна тој.

Драпатиј го информираше и претседателот за работата на капацитетите за антибалистички ракети, вклучително и комуникацијата со американската страна.

„Работиме на сите нивоа за да обезбедиме пакети ракети за воздушна одбрана. Сите наши партнери знаат што е потребно и како тоа влијае не само на спасувањето животи и заштитата на нашите градови, туку и на ставот на Русија кон дипломатијата. Колку повеќе Путин верува во својот облог за балистички ракети, толку повоздржан ќе биде во позитивното одговарање на дипломатските предлози. Затоа, зајакнувањето на одбраната на Украина е директна инвестиција во дипломатијата.“ Меѓу другото, Зеленски и Драпатиј разговараа за кадровските прашања во рамките на вооружените сили што треба да се решат.

Извор: Б92

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Турците го нарушиле грчкиот воздушен простор 17 пати

Турски борбени авиони Ф-16 и беспилотни летала го нарушија грчкиот воздушен простор над Егејското Море 17 пати во четврток.

Турците го нарушиле грчкиот воздушен простор 17 пати

Турски борбени авиони Ф-16 и беспилотни летала го нарушија грчкиот воздушен простор над Егејското Море 17 пати во четврток, а во еден случај кон нив беше испратен грчки борбен авион, кој учествуваше во симулирана воздушна борба со турски пилот, соопштија грчките власти.

Виртуелната воздушна битка се одвиваше помеѓу грчките острови Лезбос и Лемнос, а три вида дронови, Аксунгур, Бајрактар ​​и Анка, беа вклучени во нарушувањето на грчкиот воздушен простор во време кога немаше вежби во областа и немаше изговор за нивното присуство, објави Катимерини.

Нарушувањата на грчкиот воздушен простор се случија само еден ден по потпишувањето на договорот француската инвестициска група Меридијам да стане мнозински акционер во проектот за енергетска интерконекција на Големото Море (GSI) помеѓу Грција и Кипар.

Турски шпионски авион „АТР-72“, исто така, го наруши грчкиот воздушен простор, соопштија властите.

Нарушувањата на грчкиот воздушен простор се регистрирани во последните три дена, но вчерашниот ден беше првата симулирана воздушна борба меѓу грчки и турски пилоти од 10 јули, а осма вкупно од почетокот на оваа година.

Извор: Б92

Тагови: воздушен простор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Субвенции во Германија: Повеќе од 100.000 апликации за електрични автомобили

Германската држава доделува до 6.000 евра за купување ново електрично возило.

Субвенции во Германија: Повеќе од 100.000 апликации за електрични автомобили

На 19 мај, германската влада објави дека ќе ја субвенционира продажбата на нови електрични автомобили. Повеќе од 100.000 граѓани аплицирале за субвенција помеѓу тогаш и 5 август, соопшти Министерството за економија во среда.

Повеќе од 90 проценти од апликациите се однесуваат на купување чисто електрични автомобили (BEV), додека останатите се за купување хибриди или возила што го користат бензинскиот мотор главно за полнење на батеријата, објави ДПА.

Околу половина од апликантите се во категоријата со оданочлив приход до 45.000 евра годишно, а околу една четвртина заработуваат помеѓу 45.000 и 60.000 евра.

Три четвртини од апликациите се поднесени од луѓе од домаќинства со годишен оданочлив приход до 60.000 евра.

Само членови на домаќинството со приход не поголем од 80.000 евра можат да побараат субвенција, освен ако немаат најмалку две деца - во тој случај, ограничувањето е 90.000.

Државата субвенционира нов автомобил, купен не порано од 1 јануари оваа година, со максимум 6.000 евра.

Владата издвои три милијарди евра за оваа програма и смета на субвенционирање на 800.000 возила.

Извор: Б92

Фото: ВИ

Тагови: Германија електрични автомобили

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер