Македонија

Васил Јованов призна вина за прегазувањето на Фросина Кулакова

21 годишниот Васил Јованов призна вина, се извини и изрази каење со наведната глава и не гледајќи ги во очи родителите и најблиските на 22 годишната Фросина Кулакова која смртно ја прегази на Партизанска.

Судењето за случајот заврши во едно рочиште со оглед дека тој призна вина.

„Носам голема грижа на совест за тоа што го сторив. Нема ден да не се помолам за душата на Фросина и за здравјето на нејзиното семејство. Ова ќе ме прогонува до крајот на мојот живот. Уште еднаш да им изразам најдлабоко сочувство и да им се извинам.“

Обвинителот Александар Маркоски претходно рече дека сообраќајката е последица на низа сообраќајни пропусти и затоа возачот се гони за најтешката квалификација на кривичното дело. Семејството на Фросина побара највисока казна.

Денеска беа изведени само доказите кои се однесуваат на висината на казната. Според одбраната на Јованов која презентираше и снимка во судницата од местото на несреќата, судот треба да го земе предвид неговото каење и тоа дека не избегал но и психијатриското вештачење според кое чувството на вина било изразено. За застапникот на семејството највисоката казна согласно закон би била единствено праведна.

Обвинителството утврди дека Јованов немал возачка дозвола и возел под дејство на алкохол. Возел со брзина од 91 км на час. Поминал на црвено светло и и удрил во Фросина Кулакова која поминувала на пешачкиот премин.

Васил јованов се товари за кривично дело тешки дела против безбедноста на луѓето и имотот во сообраќајот за кое е предвидена затворска казна до 20 години. Пресудата ќе биде изречена во вторник на 13 мај.

Тагови: Фросина Кулакова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Огромна ајкула кружи околу капачите во Калифорнија, меѓу кои и деца (ВИДЕО)

Дрон снимил голема бела ајкула долга три метри како плива на само неколку метри од пливачите на плажата Капистрано во Калифорнија.

Видеото ја прикажува ајкулата како се приближува кон група луѓе, вклучувајќи деца, кои не биле свесни за нејзиното присуство. Сцената ја снимил фотографот Мет Ларманд, пишува Surfer.

Ларманд, кој редовно снима ајкули, рекол дека никогаш не видел ајкула да се приближи толку блиску до луѓето без тие да забележат. Се обидел да ги предупреди од блискиот пристаниште, но тие не го слушнале. Животното си заминало по некое време без инциденти.

Снимка од воздух

Ваквите средби се вообичаени во Јужна Калифорнија, особено во лето. Крис Лоу, директор на Лабораторијата за истражување на ајкули во Калифорнија Стејт Лонг Бич, објаснува дека областа служи како еден вид „детска градинка“ за млади големи бели ајкули. Тие учат да ловат таму и често се движат околу луѓето.

View this post on Instagram

A post shared by Carlos Gauna 🦈🐳🌌 (@themalibuartist)

Лоу истакнува дека ајкулите генерално не се заинтересирани за луѓето. „Во повеќето случаи, ајкулите едноставно ги игнорираат луѓето. Тие пливаат веднаш до нив, а луѓето дури и не знаат дека се таму. Имаме многу докази што покажуваат дека тие не се вистинска закана, туку само си ја вршат својата работа“, рече тој.

Додаде дека однесувањето на животното не треба да се толкува како демнење. „Не е како ајкулата да ги следи или да ги лови. Само ги проверува. Како да шетате по улицата, да гледате нешто ново во соседството и да одите и да го проверувате. Тоа е она што го прават овие ајкули“, објасни Лоу. И покрај честите блиски средби, нападите се исклучително ретки и повеќето ситуации завршуваат мирно.

Тагови: ајкула Калифорнија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лукровски со апел до карпошани: Да делуваме локално

Градоначалникот на Карпош, Сотир Лукровски со апел да излезат граѓаните на своите улици да ги поттргнат гранките и она што е полесно, а потоа службите ќе ги подигнат.

Лукровски рече дека добил повици за паднати дрвја и кровови и дека засега нема повреднео. Вели дека делуваат организирано на ниво на град и дека се на терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Невремето го оштети и објектот на Македонската опера и балет (ВИДЕО)

Силното невреме што попладнево го зафати Скопје, предизвика оштетување и на објектот на Македонската опера и балет.

Според фотографиите и видеата , скршени со прозорците на влезот од објектот, а водата од силниот дожд навлегла во фоајато.

Вработените во МОБ веднаш по невремето почнаа со расчистување на скршените стакла.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.