Во пресрет на дуелот Вардар одржа и прес конкференција, на која тренерот Сергеј Андреев потенцираше дека подготовките ги почнавме пред еден месец и досега работевме четири недели. - Во овие услови, како што рече, играчите се подготвени околу 85 отсто од тоа што треба да бидат. За 100 проценти подготовка потребни се околу шест недели. Сепак од тоа што го планиравме и го одработивме јас сум задоволен. Апоел е екипа која нема ист стил на игра (дома и гости), а ние ќе одиме на поволен резултат.
Помошникот на Андреев, Александар Васовски се осврна на претстојниот ривал, кога од стручниот штаб на Вардар го следеа на сите подготвителни натпревари.
- Апоел заслужува почит. Сметам дека шансите за пласман во следната рунда се 50-50. Апоел е екипа која има настапи во група од Лигата на шампионите, но и тие имаат свои слабости. Добро ги следевме и сметам иако имаат три порази (подотовки) тие се добар тим. Знаеме дека таму не очекува полн стадион, но сепак се надеваме дека ќе го надминеме резултатот на Вардар во Лигата на шампионите од пред 10 години.
Дел од кипарскиот шампион пред пет сезони беше и сегашниот играч на Вардар, Бобан Грнчаров.
- Апоел тогаш беше силен тим. Сакам да напоменам дека шансите се 50-50 сметам дека имаат мала предност дека играле во група од Лигата на шампионите. Но, очекувам поволен резултат, со даден гол на гости.
Натпреварот Апоел – Вардар се игра во вторник во Никозија со почеток во 19 часот.