Вардар поразен од полскиот шампион Киелце - Канал 5

Ракомет

Вардар поразен од полскиот шампион Киелце

Ракометарите на Вардар не успеаја да остварат победа на првиот четвртфинален натпревар од Лигата на шампионите откако вечерва во СЦ „Јане Сандански“ загубија од полскиот шампион Киелце со 22:20. Киелце оваа сезона во Лигата на шампионите на седум натпревари на гости постигна седум победи.

Вардар поразен од полскиот шампион Киелце
Првиот дел мина во изедначена игра. Ракометарите на Вардар во неколку натпревари имаа два гола предност, а гостите од Полска успеаја од негативата 8:6 со серија од 3:0 да дојдат до водство од 9:8. На полувремето беше 11:11.

Предводени од извонредниот голман Арпад Штербик Вардар во 44.минута поведе со 15:12, но полскиот шампион брзо врати со серија од 4:0 и поведе со 16:15. Во 57.минута Киелце имаше и два гола разлика 20:18.

Головите кај Вардар ги постигнаа: Сергеј Горбок 5, Стојанче Стоилов и Игор Карачиќ по 4, Филип Лазаров 3, Алекс Душебаев 2, Матјаж Брумен и Тимур Дибиров по 1. Арпад Штербик имаше 13 одбрани.

Кај победничката екипа на Киелце голманот Марин Шего имаше 11 одбрани, а најефикасен беше Мануел Штрлек со 5 голови (сите во вториот дел).

Реванш натпреварот се игра на 19.април во Полска./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026: Канада прв осминафиналист

Ко-домаќинот на 23 светски фудбалски шампионат Канада е во осминафиналето!

СП2026: Канада прв осминафиналист

Канадските фудбалери се првите учесници во осминафиналето на Светското првенство, откако на отворањето на нокаут фазата на Мундијалот ја елиминираа Јужна Африка со резултат 1:0 (0:0).

Еден од домаќините на Светското првенство оствари историски успех со гол во судиското продолжение, постигнат од Стивен Јусташи.

YouTube video

Во битката за четвртфиналето, екипата на Џеси Марч ќе игра против подобриот тим од дуелот Холандија-Мароко, кој ќе се игра ноќта помеѓу понеделник и вторник од 03:00 часот.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Литванскиот министер за надоврешни работи во посета на Македонија

Министерот за надворешни работи, Тимчо Муцунски денеска во министерството ќе има средба со министерот за надворешни работи Литванија Кестутис Будрис.

Литванскиот министер за надоврешни работи во посета на Македонија

Во фокусот на разговорите ќе бидат унапредувањето на билатералните односи меѓу двете земји, соработката во рамките на НАТО, како и поддршката од Литванија за европската интеграција на Македонија.

Во рамките на посетата е предвидена тет-а-тет средба со министерот Муцунски, по што ќе следи заедничка прес-конференција..

Тагови: МНР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Пожар на островот Вис во Хрватска

Голем пожар на отворено избувна на островот Вис синоќа околу 22:30 часот. 

Видео: Пожар на островот Вис во Хрватска

Огнот зафати борова шума и ниска вегетација во областа на Комижа, долж патот кон Подхумље, објави веб-страницата „Firefighters 193“.

Сите расположиви противпожарни сили од оперативното подрачје Вис веднаш биле испратени на местото на настанот. Во интервенцијата учествуваат пожарникари од противпожарните одделенија на Комижа и Вис.

Противпожарната одделенија на Комижа распореди девет возила и 35 пожарникари, а противпожарната одделенија на Вис распореди шест возила и исто така 35 пожарникари, со што вкупно на местото на настанот се наоѓаат 15 возила и 70 пожарникари.

Пожарот е сè уште активен, а неговото гаснење го отежнуваат сувата вегетација и ширењето на пожарот на отворен простор.

Иако немаше силен ветер во текот на ноќта, пожарот се прошири брзо во првите часови поради екстремно сувата почва.

Од утрово на терен се и три авиони канадари, додека четвртиот авион пристигнува и ќе биде вклучен во гаснењето на пожарот.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер