Вангел Неделковски на средовечна возраст почнал хоби – изработка на украсни предмети - Канал 5

Живот

Вангел Неделковски на средовечна возраст почнал хоби – изработка на украсни предмети

Тетовецот Вангел Неделковски на средовечна возраст почнал хоби – изработка на украсни предмети од метал.

Вангел Неделковски на средовечна возраст почнал хоби – изработка на украсни предмети

Педесетина изработени украсни предмети од метал, камен и стиродур се резултат на тригодишното хоби, што дури на 54-годишна возраст почнал да го практикува тетовецот Вангел Неделковски. Тој поради здравствен проблем, почнал да работи само половина работно време. Така тој имал нешто повеќе слободно време, па решил неколку часа во текот на денот да ги минува во креативна и практична работа.

Сега веќе 57-годишниот Вангел, вели дека од порано го интересирало како се создаваат рачно изработени предмети од метал и слични материјали, па пред три години решил и самиот да се обиде. Како за се на денешницата и тој за ова почнал да пребарува на интернет за да дознае како да направи некој предмет од метал.

– Откако имав здравствен проблем, почнав скратено време да работам и ми остана нешто повеќе време. Металот, да речам некако ме привлекуваше од порано во смисол да изработиш од ништо нешто. Употребувам метал, но и камен, стиродур, некои бои, во принцип се што е отпаден материјал да му дадам некој нов живот, ни раскажа Вангел кога го посетивме во неговиот дом.

Гаражно-подрумските простории во неговата куќа се местото каде тој ги поминува часовите со ова креативно хоби. Вели од порано имал неколку алатки како што има секое семејство, за да се поправи или направи нешто за дома. Потоа со тек на времето набавил уште некоја алатка.

– Јас имав сосема друга професија. Немам познавања и од некој занает, туку само голема желба за да направам нешто од металот и други материјали. Алати користев од почеток од она што имав дома, од татко ми што работел домашни работи. Потоа дополнително ако ми требаше нешто што се покажало како важно и корисно за работа, како некоја помала машинка или алат, си купував, вели Неделковски.

Изработките што ги прави претежно се во неговиот дом. Се наоѓаат насекаде каде што има можност. Предметите се наоѓаат и го разбуваат неговиот двор, а се поставени и во собите и ходниците.

Дворот наликува на мини-музејска постановка со изработки на метални предмети, куќички, цркви, фонтани, но и реплики на познати македонски знаменитости и локалитети. Потоа разни фигури има поставено на скалите што водат од приземјето до првиот кат од куќата во која живее.

Секако и во внатрешноста на куќата ги има делата од неговото хоби, поставени на полиците во дневната соба, некои од нив се закачени на ѕидовите во собите и ходниците, дел од нив поради конфигурацијата се поставени на под или на некој елемент од мебелот.

– Инспирацијата ја црпам од секојдневието. Разни прилики, разни состојби ми даваат идеја што и како да направам. Секако го користам интернетот, од таму гледам за многу работи како да ги направам. Поминувам по два-три часа во текот на денот, не смеам повеќе и да сакам поради здравствениот проблем мора да внимавам и да не се заморувам. Од друга страна ми помага да се фокусирам и да се се опуштам, на квалитетен и креативен начин ми помага да го поминам времето, ни вели Вангел.

Овие изработки ги прави претежно за дома, направил и неколку за подароци. Како бизнис идеја вели дека не размислил многу, но може да прави по неколку предмети кои би биле за продажба, внимавајќи и да не го загрози здравјето со премногу часови во работа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран објави снимка на воените тунели (ВИДЕО)

Државните медиуми на Иран објавија снимки за кои тврдат дека ги прикажуваат подземните тунели на морнарицата на Исламската револуционерна гарда (ИРГЦ) на југот од земјата. 

Иран објави снимка на воените тунели (ВИДЕО)

Камиони со лансери и ракетни тенкови може да се видат во ходниците. Ирански извори наведуваат дека во комплексот се складирани противбродски ракети и моторни чамци.

Снимката, исто така, го прикажува Абдолах Хаџи-Садеги, претставникот на иранскиот врховен лидер во ИРГЦ, како го обиколува комплексот со воени претставници. Лансирање ракета беше прикажано во посебни кадри, но не е потврдено дека овие сцени се снимени за време на обиколката.

Точната локација на тунелот и датумот на снимањето не се независно потврдени.

Видеото објавено по американските напади

Видеото е објавено еден ден откако САД извршија ограничени напади на иранскиот остров Кешм во Ормутскиот теснец. Американски функционер ги опиша како одбранбени напади и рече дека тие не значат враќање на големи борбени операции против Иран.

Не е потврдено дека објавувањето на снимките е поврзано со нападите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Судот му нанесе уште еден удар на Трамп- блокирана е изградбата на неговата Триумфална капија во Вашингтон

Федералната судијка на САД, Тања Чуткан, издаде привремена забрана за изградба на Триумфалната капија на претседателот Доналд Трамп во областа на Вашингтон.

Судот му нанесе уште еден удар на Трамп- блокирана е изградбата на неговата Триумфална капија во Вашингтон

Федералната судијка на САД, Тања Чуткан, издаде привремена забрана за изградба на Триумфалната капија на претседателот Доналд Трамп во областа на Вашингтон, кратко откако комисија за планирање предводена од членови на Комисијата за планирање на Трамп ја одобри нејзината изградба.

Привремената забрана ѝ забранува на администрацијата да „започне, изврши или на друг начин да изврши каква било изградба, ископ или други чекори“ во проектот Триумфална капија во период од 14 дена, објави NBC News.

Наредбата на судијата дојде еден час откако Националната комисија за планирање на капиталот го одобри огромниот и контроверзен проект за лакови, кој ќе биде сместен во Меморијалниот круг помеѓу Споменикот на Линколн и Националните гробишта Арлингтон.

Дистриктот Колумбија и американската држава Вирџинија поднесоа тужба со која бараат привремена забрана за Триумфалната капија.

Демократскиот конгресмен Дон Бејер од Вирџинија ја поздрави пресудата и го обвини Трамп дека се обидува да ги заобиколи законските пречки.

„Оваа борба не е завршена. Иако оваа одлука го спречува Доналд Трамп веднаш да ги спроведе своите планови за создавање споменик на неговото его, судовите и Конгресот мора да воспостават трајни заштитни мерки за да ја спречат администрацијата на Трамп да го прекрши законот и да продолжи со овој проект“, се вели во соопштението на Баер.

Администрацијата на Трамп ја пофали одлуката на комисијата да ја одобри Триумфалната капија и ја критикуваше пресудата со која беше блокирана.

„Белата куќа ја поздравува одлуката на Националната комисија за планирање на капиталот целосно да ја одобри историската визија на претседателот Трамп за многу потребната Триумфална капија во Вашингтон. Активистичкиот Окружен суд потоа го блокираше проектот“, изјави портпаролот на Белата куќа, Дејвис Ингл, во соопштението на платформата X.

Тој рече дека администрацијата е уверена дека барањата за Триумфалната капија ќе бидат „целосно оправдани додека продолжува овој судски спор“.

Тагови: Доналд Трамп Триумфална капија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

НБА шампион реши да ја прекине кариерата- објави загрижувачка порака

Кристапс Порзингис (31), латвиски кошаркар и центар на Голден Стејт Вориорс, објави дека се повлекува од кошарката за да се фокусира на здравјето. 

НБА шампион реши да ја прекине кариерата- објави загрижувачка порака

Веста ја објави вчера на социјалната мрежа X, без да открие какви здравствени проблеми имал. Исто така, не прецизираше дали планира да се врати на професионално играње во иднина.

„Оваа сезона навистина се радував повторно да играм со оваа група играчи, но како што постепено го зголемував интензитетот на тренингот, моето тело не реагираше онака како што очекував“, напиша Порзингис, четвртиот избор на драфтот во 2015 година и играч кој беше познат во НБА како Еднорогот поради неговата тогаш ретко видена способност да создава акции и да погодува тројки на 218 сантиметри висина.

„Добро сум, но знам што е потребно и во моментов не сум таму каде што сакам да бидам за да играм на нивото што го очекувам од себе. Во овој момент решив да го ставам здравјето на прво место и да се оддалечам од играта што ја сакам“, додаде латвискиот кошаркар.

Поради здравствени проблеми, тој ги пропушти подготовките за сезоната

Статусот на Порзингис е неизвесен од крајот на септември, кога Вориорс објавија дека ќе биде надвор од терените на неодредено време поради здравствени проблеми. Потоа беше потврдено дека нема да патува со тимот на Хаваи, каде што Голден Стејт се подготвуваше за новата НБА сезона.

Латвискиот центар не играше ниту еден натпревар оваа сезона, а сега одлучи да ги прекине кошаркарските активности за да се посвети на закрепнување. Во својата објава, тој истакна дека има намера да соработува со Вориорс за да најде решение кое ќе им одговара на двете страни.

Тој беше четвртиот избор на НБА драфтот и освои титула со Бостон

Порзингис пристигна во НБА во 2015 година, кога Њујорк Никс го избраа за четврти играч на драфтот. Во текот на 11 сезони, тој промени шест клубови. Покрај Њујорк, тој играше за Далас Маверикс, Вашингтон Визардс, Бостон Селтикс и Атланта Хокс, пред да се приклучи на Голден Стејт Вориорс.

Тој го постигна својот најголем успех во 2024 година, кога ја освои титулата во НБА со Бостон Селтикс.

За време на својата кариера, тој се профилираше како еден од најпознатите европски високи играчи во НБА, благодарение на неговата комбинација од висина, шут за три поени и способност да ја брани обрачот. Иако неговата објава го поставува прашањето за продолжување на кариерата, Порзингис сè уште официјално не потврди дека трајно завршил со професионалната кошарка.

Во својата кариера, тој одигра повеќе од 530 натпревари во регуларната сезона со просек од 19,5 поени и 7,6 скока.

Тагови: НБА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер