Фудбал

Валенсија застана зад својот играч, соочен со сериозни обвиненија за силување

Фудбалерите на Валенсија синоќа претрпеа пораз од 1:0 од Ваљадолид, со што стигнаа на последното, 20. место во поредокот во Ла Лига.

Лилјаците на тој начин ја продолжија серијата од три последователни првенствени порази, додека во последните девет кола остварија само една победа. Заедно со катастрофалните изданија на теренот, најтешките денови ги доживува и нивниот напаѓач Рафа Мир.

27-годишниот фудбалер заврши во притвор на 3 септември, откако жена го обвини за сексуален напад. Наводниот инцидент се случил во домот на Мир по ноќно излегување. Мир бил приведен, а откако бил сослушан пред судија бил пуштен на слобода, но му бил одземен пасошот и му било забрането да се приближува до оштетената.

Во ноќта од саботата кон неделата, по натпреварот помеѓу Валенсија и Виљареал, Рафа Мир бил во друштво на својот пријател Пабло Јара и две жени. Едната го обвини него, а другата неговиот пријател. Во текот на ноќта двете не пријавиле ништо во полиција, туку тоа го направиле во неделата, откако отишле во болница. Двајцата фудбалери се приведени и задржани по 48 часа, додека не се појават пред истражниот судија.

Ниту една од жените, ниту нивните адвокати, не дале јавни изјави, зашто луѓето кои се жалат на сексуален напад имаат право на доживотна анонимност во Шпанија. Мир ги отфрли обвинувањата, а Валенсија објави соопштение во кое ја нагласува „цврстата осуда на сите видови насилство“, но и „презумпцијата на невиност воспоставена од правниот систем“. Сепак, клубот покрена дисциплинска постапка бидејќи неговото однесување во слободното време не било професионално и го суспендирале на два натпревари со парична казна.

„Рафа Мир силно ги негира работите за кои го обвинувате“, рече адвокатот на Мир во изјавата. „Неодамна започнатиот правен процес ќе послужи за расчистување на спорниот настан и ќе се докаже дека обвинувањата се лажни“, се додава. Во изјавата по апсењето, напаѓачот на Валенсија рече дека сака само да ја докаже својата невиност.

„Актот на недисциплина мора да има последици. Не само за него, туку и за соблекувалната. Исто така, мораме да разбереме дека секој може да згреши, може да има ден кога не ги прави работите како што треба, но логично е дека треба да му дадеме втора шанса, му кажав на Рафа дека тоа беше големо разочарување за мене, но се надевам дека тоа му помогна да научи некои работи и да го цени она што го прави и клубот во кој е“, изјави тренерот на Валенсија, Рубен Бараја. .

Мир е шпански напаѓач кој летово се врати во Валенсија на позајмица од Севиља. Тој дојде од младинската академија на Валенсија, а дебитираше за Шишмише во ноември 2015 година кога имаше само 18 години. Во јануари 2018 година беше купен од Вулверхемптон за кого играше само четири пати, а клубот го испрати на бројни позајмици.

Тој освои сребрен медал со Шпанија на Олимписките игри во Токио 2021 година и се приклучи на Севиља тоа лето. По три сезони во Андалусија, Мир побара да се врати во Валенсија, па летово клубовите се договорија за позајмица со опција за откуп на договорот. Во моментов се сослушуваат сведоците и се собира целосна документација, а судењето би можело да започне дури за една година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клековски во Белград: Соработка со референтните институции во Србија и зајакнување на капацитетите дома

Министерот за здравство, Сашо Клековски, денеска, беше во работна посета на Белград. Таму оствари средба со министерот за здравство на Република Србија, д-р Златибор Лончар и го посети Универзитетскиот клинички центар на Србија (УКЦС).

На почеток на средбата со министерот Лончар, Клековски се заблагодари за помошта што Србија ја пружи од првите часови по трагедијата во Кочани. Двајцата министри разговараа за натамошното лекување на повредените од Кочани во српските здравствени установи, според претходната иницијатива.

Во фокусот на средбата беше соработката со референтните институции во Србија за високоспецијализирана здравствена заштита и зајакнувањето на капацитетите во Македонија, преку:

упатување на лекување и високоспецијализирана помош за сложени состојби;

второ мислење и стручни консултации со заеднички стручни тимови за сложени случаи;

партнерства меѓу референтните центри во Србија и клиниките во Македонија — практична обука, стручни престои и менторство на клиничките тимови.

Министрите разговараа и за дигитализацијата и интероперабилноста на здравствените информациски системи, со интеграција на податоците од јавниот и приватниот сектор. Србија го користи и системот „Мој термин“, кој е развиен во Македонија.

Во Универзитетскиот клинички центар на Србија, најголемата здравствена установа во Србија, министерот Клековски се сретна со в.д. директорката, проф. д-р Јелена Друловиќ.

На средбата стана збор за можностите за соработка меѓу УКЦС и универзитетските клиники во Скопје, за упатување на пациенти со сложени состојби, заеднички стручни консултации и стручни престои за македонските клинички тимови. Разговараа и за организациски прашања, а потоа ја посетија Клиниката за неврологија, со фокус на згрижување на лицата со мозочни удари и Центарот за мултипла склероза.

„Целта не е нашите пациенти да патуваат подалеку, туку знаењето да дојде поблиску. Тоа што денес за сложените случаи го бараме надвор, со заеднички тимови, обуки и менторство утре треба да го имаме дома“, изјави министерот Клековски.

Министерот Клековски во текот на посетата беше придружуван од амбасадорот на Македонија во Србија, Никола Тупанчевски

Свет

Американски сенатори од двете партии побараа од Трамп да се откаже од незаконскиот договор за увоз на руски дизел

„Конгресот експлицитно го забрани увозот на руски енергенси во 2022 година за да спречи американските долари да ја финансираат бруталната војна на Путин против Украина“, се вели во соопштението на седумтемина сенатори, од кои четворица републиканци.

Објавата на Трамп доаѓа само два дена откако најави дека се договори со Путин за увоз на руски дизел, но на ова се спротивуваат и републикански и демократски сенатори кои да се откаже од договорот, наведувајќи дека тој е спротивен на американскиот закон со кој се забранува увоз на енергенси од Русија сè додека не ја прекине агресијата врз Украина.

„Конгресот експлицитно го забрани увозот на руски енергенси во 2022 година за да спречи американските долари да ја финансираат бруталната војна на Путин против Украина“, се вели во соопштението на седумтемина сенатори, од кои четворица републиканци.

Тие посочија дека владата не се консултирала со Конгресот и не доставила објаснување за својата одлука, обврска што исто така е предвидена со закон.

Трамп во петокот објави дека русија се согласила да испорачува дизел на светските пазари, а неговата администрација привремено ги укина американските санкции за руското гориво. Цените на дизелот се блиску до рекордно високи нивоа, што би можело да им наштети на републиканците на меѓуизборите во САД следниот месец.

Според Трамп, Путин се согласил веднаш да ослободи 300.000 тони дизел за американскиот и глобалниот пазар, по што би следела испорака на 500.000 тони во ноември и уште еден милион тони потоа. Володимир Зеленски остро го критикуваше договорот и го опиша како подарок за путин и инвестиција во неговата војна против украина.

Македонија

Земјите членки на ЕУ неделава ќе го разгледуваат предлогот на Европската комисија за реформи на процесот на проширување

Во четврток и петок во Европскиот совет ќе се дебатира за предлогот за воведување квалификувано мнозинство наместо едногласност при одлучувањето во текот на пристапните преговори за земјите кандидатки.

Во пресрет на систанокот еврокомесарката за поршпирување Марта Кос порача дека проширувањето ќе биде можно само за земјите кои ја имаат усогалсено безбедносната политика со Унијата.

„Безбедноста станува се поважна за ЕУ и станува се поважна за процесот на проширување. Не можеме да си дозволиме да примиме нови земји членки кои нема да ја зголемат нашата безбедност, затоа стратешкиот правец станува се поважен. Минатата недела кога ги представивме резултатите од предпристапниот извештај, јасно кажавме дека само кандидатите коишто се во стратешка линија со нас, ќе можат да ни се приклучат“– Марта Кос, еврокомесарка за проширување.

Иако идеја за промена во начинот на одлучување од консенсус во квалификувно мнозинство потекнува од Унијата, дел од аналитичарите не се оптимисти дека предлог ќе помине.

Додека се чека конечната одлука на Европскиот совет за замена на едночасноста со квалификувано мнозинство, за пристапувањето на Западен балкан кон Унијата ќе се разговара и на Самитот ЕУ-Западен балкан кој ќе се одржи кон крајот на ноември во Брисел, на кој ќе присуствува и премиерот Христијан Мицкоски кој претходно ќе оствари средба и со еврокомесакраката за порширување Марта Кос. Дали дотогаш ќе има уште една средба со бугарската страна, Мицкоски не прецизираше, но порача дека надминување на блокадата е можно само преку дијалог и прилижување на ставовите меѓу двете земји. Според аналитичарите добор е што дијалогот ќе продолжи, но се скептични дека само преку разговори може да се дојде до решение.

Идната недела премеирот Мицкоски ќе биде дел и од Берлинскиот процес кој ќе се одржи во Црна Гора, која пак денеска затвора три преговарачки поглавја со Европската Унија, наместо претходно најавените две. Според тамошните власти ова дополнително ја приближува Црна Гора до целта да стане членка на Унијата до 2028 година.