Ужас во Индија: Блогер ја задавил својата вереница, па со нејзиното тело ги ранел кучињата - Канал 5

Живот

Ужас во Индија: Блогер ја задавил својата вереница, па со нејзиното тело ги ранел кучињата

Индискиот блогер за храна, Афаб Пунавала (28) ја задушил својата девојка, ја исекол на парчиња кои ги завиткал во пластика и ги чувал во фрижидер за подоцна да ги нахрани кучињата скитници.

Ужас во Индија: Блогер ја задавил својата вереница, па со нејзиното тело ги ранел кучињата

Инспирација за своите дела пронашол во серијата Декстер, пишува Дејли Мејл.

Полицијата го уапси Пунавала за убиството на Шрада Волкар (27) во саботата. Пунавала на полицијата ѝ рекол дека бил инспириран од телевизиската серија Декстер, која прикажува сериски убиец кој, меѓу другото, ги обвиткува телата на своите жртви во пластика откако ќе ги убие.

-Тој го направи она што го направи главниот лик во серијата, исече делови од телото и се ослободи од нив, изјавил извор од истрагата за The Indian Express. Откако ѝ го исекол телото на 35 помали парчиња, ги спакувал во мали црни полиетиленски кесички кои ги чувал во фрижидер. Копирајќи го ликот од серијата, тој ги купил кесите речиси три недели по убиството.

Мирисот на трупот во Чатарпур Пахади, каде што живеел парот, бил маскиран со освежувачи за воздух и стапчиња темјан што Пунавала ги купил за да ја прикрие смрдеата. Џелова била распарчена во неколку наврати, а убиецот чекал до два часот по полноќ кога ги расфрлал парчињата од телото во џунглата Мехраули во јужен Делхи.

Пунавала, кој тренирал како готвач, нашол многу начини да го отстрани распарчениот труп, хранејќи ги кучињата скитници со делови од својата девојка. – Ни кажаа дека прво ги извадил цревата, бидејќи полесно да се распаѓаат, изјавил извор од истрагата.

Убиецот потоа почнал да комуницира со пријателите на Валкара преку нејзиниот Инстаграм за да ги увери дека таа е се уште жива. Подоцна го фрлил мобилниот во ѓубре заедно со нејзината облека и прогуглал како да исчисти дамки од крв од подот.

- Таа не одговори на ниту една моја порака од август. Телефонот ѝ бил исклучен. Се распрашав за неа кај пријател, а потоа го известив нејзиниот брат, изјавил пријателот на Валкара, Лаксман Надир.

Пунавала и Вокар се запознале пред три години и се вериле пред да се преселат од Мумбаи во Делхи. Вокар била студент на Технолошкиот институт Вива, но се откажала за да работи како менаџер за продажба во продавница за спорт на мало пред да се сретне со Пунавала, дипломиран на менаџмент.

Родителите не ја прифатиле нивната врска, а таткото на Валкара го обвинил Пунавала за семејно насилство. Тој рече дека неговата ќерка ѝ се јавувала на нејзината мајка да ѝ каже дека Афтаб ја претепал. Во 2020 година, Волкар ја изгубила мајка си, се вратила дома да тагува со нејзиниот татко и брат две недели пред да се врати во Пунавали.

Кога повторно почнале да живеат заедно, Волкар почнала да го притиска да се ожени со неа. Првично ѝ ветил дека ќе се ожени со неа, но подоцна се повлекол, што довело до конфликт. -Знаеја да се тепаат и често тоа излегуваше од контрола. На 18 мај ги изгубил нервите и ја задавил, изјавил полицаецот.

Таткото на Валкара дошол да ја посети ќерката, но забележал дека станот е заклучен. Откако не успеал да ја пронајде, поднел пријава за исчезнати лица. Полицијата потоа поврзала низа индиции за потенцијално злосторство и го уапсиле Пунвала за исчезнувањето на девојката.

Пунавала набрзо го признал убиството. Оружјето со кое е извршено убиството, како и сите делови од телото на жртвата се уште не се пронајдени. Таткото барал смртна казна за убиецот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Акциски контроли на возачи на електрични тротинети – 871 прекршок констатиран во септември

При спроведените контроли констатирани се вкупно 871 прекршок, од кои најголем дел, односно 377, се однесуваат на некористење заштитен шлем (кацига).

Акциски контроли на возачи на електрични тротинети – 871 прекршок констатиран во септември

Во текот на септември 2026 година, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли насочени кон откривање и санкционирање на прекршоците што ги прават возачите на лесни електрични возила (електрични тротинети).

При спроведените контроли констатирани се вкупно 871 прекршок, од кои најголем дел, односно 377, се однесуваат на некористење заштитен шлем (кацига).

Најголем број на прекршоци се констатирани на подрачјето на СВР Битола - 290 прекршоци, потоа Мобилната единица за безбедност на сообраќајот на патиштата констатирала 167 прекршоци, СВР Охрид 125 прекршоци, СВР Струмица 113, додека другите прекршоци се констатирани на подрачјето на другите сектори за внатрешни работи.

Во рамки на контролите евидентирани се и осум случаи на кривичното дело „безобѕирно управување со моторно возило“, согласно член 297-а од Кривичниот законик. Исто така, во текот на контролите одземени се 17 електрични тротинети.

Дополнително, констатирани се и 5.362 прекршоци што ги направиле други учесници во сообраќајот.

За сите констатирани прекршоци преземени се соодветни мерки согласно законските прописи.

Министерството за внатрешни работи продолжува со зајакнатите сообраќајни контроли и апелира до возачите на лесни електрични возила задолжително да користат заштитен шлем, да ги почитуваат сообраќајните правила и прописи и да се движат на површините предвидени за нивно безбедно учество во сообраќајот.

Тагови: електрични тротинети

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Универзитетска клиника за психијатрија: Расте бројот на пациенти кои побарале помош поради претрпено семејно насилство

Во пораст е бројот на пациенти кои побарале помош од ЈЗУ Универзитетската клиника за психијатрија поради стрес поврзан со претрпено семејно или партнерско насилство.

Универзитетска клиника за психијатрија: Расте бројот на пациенти кои побарале помош поради претрпено семејно насилство

Психијатри од клиниката ретроспективно ги прегледуваа електронските здравствени записи во системот „Мој Термин“ за периодот од јануари 2025 до јули 2026 година, за дијагнозите F.43 (растројства поврзани со стрес ), со цел идентификување на случаите на семејно или партнерско насилство поврзани со оваа дијагноза.

Податоците покажуваат дека во 2025 година биле евидентирани 79 лица кои имале потешкотии поврзани со трпење семејно или партнерско насилство, а само во првите седум месеци од 2026 година – 101. Ова покажува дека вкупните 101 случај во првите седум месеци од годинава веќе ја надминуваат бројката за целата 2025 година.

Оваа медицинска евиденција ја претстави проф. д-р Славица Арсова на предавањето „Форензички аспекти на семејното насилство: епидемиологија, последици врз менталното здравје и терапевтската и форензичката улога на психијатарот“, во рамки на Меѓународната конференција за форензичка психијатрија 2026 што викендов се одржува во Охрид.

Најголем број случаи во 2026 година биле евидентирани во март - 27, април - 23 и во јуни - 21. Токму овој период се поклопува со трагичниот настан кога мајка заедно со своето дете скокна од балкон во Скопје, како последица на претрпено долготрајно семејство насилство.

Проф. д-р Арсова посочи дека бројките од Клиниката треба да се толкуваат како податоци за евидентирани случаи во медицинската документација и тие сами по себе не мора да покажуваат дека насилството во општеството се зголемило. Промената може да биде поврзана и со подобро препознавање, документирање или упатување на пациентите или со поголема ажурност на институциите кога станува збор за случаите поврзани со семејно насилство.

Анализираната медицинска документација покажува дека психолошките потешкотии поврзани со семејно или интимно-партнерско насилство, во вид на акутен одговор на стрес ,пострауматско растројство или потешкотии во адаптација се евидентирани кај пациенти од различни возрасни групи. Просечната возраст во анализата е 40 години. Евидентирани се 19 пациенти помлади од 18 години и 29 пациенти на возраст од 60 години или повеќе. Во однос на полот, три пати повеќе се застапени жените.

Податоците од Клиниката за психијатрија се надоврзуваат на пошироката слика во државата. Според статистиката на Министерството за внатрешни работи, пријавите за семејно насилство се зголемиле од 4.421 во 2022 година на 5.436 во 2025 година, што е раст од 23 проценти.

Во 2025 година, во категориите на МВР најчесто како жртви биле евидентирани сопруги – 1.438, родители – 1.000 и поранешни брачни партнери – 708. Во истиот период биле регистрирани 1.195 кривични дела поврзани со семејно насилство, наспроти 1.117 во 2022 година..

Во предавањето беше нагласена потребата здравствените професионалци да поставуваат прашања за безбедноста на пациентите, обезбедувајќи сигурен простор, систематски да ги документираат видот и траењето на насилството и да ги следат протоколите за вклучување на сите надлежни институции. Препознавањето на насилството е важно за соодветна психијатриска поддршка, процена на ризикот и поврзување на пациентите со потребната заштита.

Тагови: психијатрија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петмина загинати во поплави во Турција – издадено предупредување за 45 провинции

Пет лица загинаа, а три се водат за исчезнати во поплавите што погодија неколку региони во Турција, како резултата на силните поројни дождови.

Петмина загинати во поплави во Турција – издадено предупредување за 45 провинции

Турската генерална дирекција за метеорологија издаде жолто и портокалово предупредување за 45 провинции, вклучително и за Истанбул, поради најавените обилни врнежи и силен ветер, објавија турските медими. Поради опасноста од ненадејни поплави, свлечишта, удари од гром и град, граѓаните се повикани да бидат внимателни и да ги почитуваат предупредувањата на надлежните служби. Портокалово предупредување е издадено за Истанбул, Бурса, Коџаели, Јалова и Сакарија, додека жолто предупредување важи за уште 40 провинции.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер