Уловиле рекордно голема женка питон, тешка 100 килограми, ги изненадило што проголтала (ВИДЕО)

Биолозите уловиле женка на бурмански питон на Флорида долга 5,5 метри и тешка 100 килограми.

Тоа е најголемиот примерок од овој вид кој некогаш бил уловен во оваа област. Станува збор за женка која снела 122 јајца.

Животното е фатено во шумата Picayune Strand во округот Колиер, Флорида. Иако научниците не сакаат да шпекулираат, биологот Иан Бартошек вели дека постои голема веројатност огромниот питон да е домашно милениче кое било пуштено во дивина пред неколку децении.

Во последниве години, питоните ја преплавија областа и избркаа и уништија бројни автохтони видови. „Можно е да имаме повеќе бурмански питони во Јужна Флорида отколку што има моментално во Југоисточна Азија“, изјавил Бартошек за американските медиуми.

Оваа џиновска женка питон е уловена пред половина година, но научниците дури сега ја претставиле на јавноста. Била евтаназирана набргу откако била фатена, а научниците ќе се обидат да откријат што е можно повеќе за овој вид врз основа на овој примерок.

Инаку, и биолозите биле изненадени од она што го пронашле во стомакот на огромната змија. „Последниот оброк на ова животно бил елен со бела опашка, со кој обично се хранат пантерите“, откриле тие.

ФИФА ја полни касата со пари што ќе им ги одзема на криминалците

Меѓународната фудбалска асоцијација (ФИФА) ќе добие дополнителни 92 милиони долари како компензација за загубите предизвикани од корупциски скандали во последните години, одлучи американското Министерство за правда.

Во август минатата година, судот веќе донесе одлука да ѝ плати 201 милион долари на ФИФА, а тие пари ќе бидат земени од луѓе кои биле вмешани во корупциски скандали, од кои повеќе од 50, меѓу кои и поранешни челници на Северноамериканската фудбалска асоцијација. (КОНКАКАФ) и Јужноамериканската фудбалска конфедерација (КОНМЕБОЛ).

„Во таа корупциска шема во игра беа големи суми пари. Парите што ќе им бидат одземени на криминалците ќе бидат наменети за развој на женскиот фудбал“, најави помошникот директор на ФБИ во Њујорк, Мајкл Дрискол.

Остин: Војната на Путин е најголемата закана за Европа по Втората светска војна

Американскиот секретар за одбрана Лојд Остин попладнево ја опиша руската војна во Украина како „најголемата закана за европската безбедност од крајот на Втората светска војна“.

„Војната што ја започна Владимир Путин без никаква причина го загрозува не само суверенитетот на Украина“, додаде американскиот министер за одбрана.

Тејлор Свифт се верила во тајност, објавија британските таблоиди

Пејачката Тејлор Свифт наводно е тајно свршена со своето момче Џо Алвин, со кого е повеќе од пет години во врска.

Како што пишува The Sun, пејачката носи голем веренички прстен „зад затворени врати“, а славниот пар за свршувачката само го известиле семејството и најблиските пријатели. Свифт и Алвин почнале да се забавуваат кон крајот на 2016 година, откако наводно се сретнале на Мет Гала во Њујорк.

„Тејлор и Џо се неверојатно среќни и многу, многу заљубени. Тие всушност се свршени веќе неколку месеци, но им кажале само на својот најблизок круг на луѓе - буквално само на семејството и старите доверливи пријатели. Сите се заколнале на тајност“, рекол извор близок на парот и додал дека сакаат да ја држат својата љубов подалеку од очите на јавноста и од папарацо камерите.

„Ако и кога ќе ги разменат своите завети, сигурно нема да има никакво списание „Вог“, „Ролинг Стоун“ или „Хело!“. Ќе биде едноставно и елегантно - исто како нив“, вели изворот. Пред нејзината врска со Алвин, Тејлор Свифт се забавуваше со Том Хидлстон, Хари Стајлс и Калвин Харис, врски што беа доста јавни.

притисни ентер