Свет

Украинците за прв пат во војната имаат предност со тенкови

Украинците користат беспилотни летала за да ги држат руските тенкови подалеку од линиите на фронтот, додека украинските тенкови можат многу послободно да се движат. 

По 35 месеци војна, можно е Украинците да имаат предност кога станува збор за бројот на тенкови. Сепак, ова важи само за некои делови од фронтот долг 1.300 километри, пишува Форбс.

„Можеме да користиме тенкови само од тајни позиции“, се жали еден руски блогер во долгиот пост преведен од естонски аналитичар кој го користи прекарот WarTranslated.

Сведени на криење во камуфлирани позиции на милји подалеку од линијата на фронтот, руските тенкови функционираат практично како непрецизни хаубици, наместо борбени возила кои го водат нападот. За разлика од руските тенкови, украинските тенкови се движат „послободно“, тврди блогерот.

Сè се сведува на дронови, како што често се случува во оваа војна. „Непријателот постигна значително ниво на развој и разновидност на своите беспилотни летала и практикуваше тактики за нивна употреба“, објасни блогерот.

Во оние делови од фронтот каде што Украинците успеаја да распоредат две единици за беспилотни летала, руските тенкови „едноставно не можат да стигнат до фронтот за да започнат напад“, додава тој. Дроновите ги прелетуваат километри подалеку од линијата на контакт.

Украинските тенкови имаат послободен простор, пишува блогерот. „Нашите пилоти на беспилотни летала се многу послаби“ поради украинското електронско заглавување и лошата контрола на квалитетот во производството на самите летала, за што се одговорни корумпираните бирократи од Кремљ.

Поради ова, украинските тенкови можат да стигнат до линијата на контакт и директно да ги нападнат руските сили со топови и митралези. Единствениот спас за Русите е нивната голема залиха на противтенковски ракети, објаснува блогерот.

Предноста на Украина кога станува збор за тенковите претставува прилично промена од 2022 година. Во тоа време, украинските бригади „ретко користеа тенкови директно“ затоа што Русија имаше огромна предност во однос на артилериската и воздушната моќ. Малите беспилотни летала и заглавувачи сè уште не го трансформираа бојното поле и ѝ дадоа предност на Украина во тој момент.

Исклучок овде е регионот Курск во западна Русија, каде што украинските сили се борат да одржат контрола врз дел од регионот што го окупираа во август. Кремљ им ги испрати на своите одреди и бригади во Курск најдобрите беспилотни летала со оптички влакна кои е невозможно да се заглават со традиционални средства.

Овие руски беспилотни летала помогнаа да се запре украинскиот напад на тој дел од фронтот на 5 јануари. Голема снимка покажува нови беспилотни летала како уништуваат украински тенкови, вклучувајќи ги и најдобрите американски М-1 Абрамс и германскиот Леопард 2С.

Сепак, Кремљ испраќа нови беспилотни летала само во „приоритетните сектори“, вклучувајќи го и Курск, објаснува блогерот. Тоа значи дека единиците во другите делови на фронтот треба да се справат со беспилотни летала кои често не функционираат, а кога работат, украинската одбрана брзо ги соборува.

Предноста на Украина во беспилотните летала стана предност во тенковите. Руските противтенковски ракети можат донекаде да ја ублажат таа предност, но главната причина зошто Украинците не можат да го искористат својот нов адут и да го поништат неодамнешниот руски напредок е постојаниот недостаток на војници.

„Иако немаат доволно пешадија за да ја задржат контролата врз големи области... тие се сепак импресивен противник“, предупреди рускиот блогер.

Култура

Во март во Скопје концерт на Пласидо Доминго за прв пат во Македонија

Светски познатиот тенор Пласидо Доминго, во март за прв пат доаѓа во Македонија. 

Ќе одржи концерт на 14-ти следниот месец, во салата Борис Трајковски, а настанот ќе биде вистински спектакл, вели директорот на Националната опера и балет, Оливер Арсовски.

Вели, со голема посветеност ќе се работи на пробите, со цел концертот да помине одлично.

Организаторите велат дека иако Димонго е светска ѕвезда, сепак имал многу скромни барање, во однос на некои нови ѕвезди кои не се понзати надвор од границите на Балканот.. Очекуваат овој настан да биде одлична можност за земјава да го развие и ваквиот вид туризам, со оглед големиот интерес и во соседните држави

Билетите за концертот се пуштени во продажба од претходно и се движат од 2.000 до 5.000 денари. Доминго во својата богата кариера која трае пет децении има над 150 оперски улоги на италијански, француски, германски, шпански, англиски и руски јазик во најпрестижните оперски куќи во светот.

Тој има освоено 12 Греми награди. Имал повеќе од 4.400 настапи како тенор и повеќе од 600 настапи како диригент. Бил генерален директор на Операта во Лос Анџелес и на Националната опера во Вашингтон.

Здравје

Барбов: Не знаев дека ќе бидам распореден на друг оддел

„Јас не знаев дека ќе бидам распореден на друг оддел во клиниката за неврологија. .

„Јас не знаев дека ќе бидам распореден на друг оддел во клиниката за неврологија. Никој не ме повика да ми ја објасни причината зошто сум на друг оддел кога две деценија работам со пациенти со невромускулни заболувања“, изјави за Канал 5 професорот од Клиниката за неврологија Иван Барбов. Тој моментално е на боледување и се уште го нема потпишано решението. Но и дека и претходно имало одредени дисциплински постапки за него.

За директорот на Клиниката за неврологија Фатмир Меџити нема проблем преместувањето на Барбов од еден на друг оддел и дека промената е направена со стручни и организациски критериуми.

„Новиот раководител има докажано знаење и искуство во областа, како и ангажман во Комисијата за ретки болести што овозможува подобра координација на здравствените политики и третманите за оваа категорија пациенти“.-Клиника за неврологија.

Од Здруженијата на пациенти со реакција дека внатрешните недоразбирања во клиниката да не бидат на товар на пациентите. Не може некој што со децении лекувал пациенти да не ги лекува. Сепак тие пациенти во секое време имале контакт со професорот Барбов и бил достапен за нив, велат од здружението за ретки болести. Пациентите бараат професорот Барабов да се врати на претходниот оддел. Досега нема никаков одговор од министерството за здравство за промената на раководни места на доктори од клиниката за неврологија каде што доктор е и министерот за здравство Арбен Таравари.

Македонија

Јаневска: Од септември средношколците ќе добијат образовни асистенти, законот е во Собрание

Иако на средношколците им беше ветено дека на почетокот на второто полугодие, со измени на Законот за средно образование ќе добијат образовни асистенти, дел од родителите се пожалија дека тоа се уште не е случај.

Министерката за образование Весна Јаневска откако законот вчера помина на Влада и е во собраниска процедура, овојпат уверува дека со сигурност образовни асистенти низ средните училишта ќе има од септември , а во моментов ќе се обезбедат онаму каде би имало сериозна потреба.

- Претходниот Закон не предвидуваше образовни асистенти во средните училишта. Овој закон го предвидува тоа. Она што е сигурно дека тие од септември оваа година ќе имаат образовни асистенти, а во моментов доколку има сериозна потреба и непополнето место за образовен асистен ќе се потрудиме да обезбедиме и за овие ученици.

Јаневска на прес конферецнијата кажа дека околу 400 студенти што се финансирани од државата за да студираат на топ рангираните универзитети на Шангајската листа, од сега ќе имаат обврска да се пријават на новиот регистар на МОН преку кој ќе се следи текот на нивните студии и работниот статус.

Оние студенти кои во рок од три месеци по дипломирањето ќе се вработат во странска компанија ќе можат да останат во странство најмногу до три години, но по враќањето во државата имаат обврска да работат двојно повеќе од времето на студирање. Оние студенти пак кои ќе одлучат да не се вратат во државата, ќе мораат да ги вратат средствата од стипендијата, најдоцна две години од завршувањето на студиите.

- По враќањето стипендистите треба да се пријават во МОН и за прв пат, да се регистрираат на посебен дигитален регистар (e- registar.mon.gov.mk), што го воведуваме оваа година, а кој ќе биде споделен со државните органи, универзитетите и стопанските комори, во насока на полесно наоѓање соодветен работен ангажман. Ако на студентот не му биде понуден ангажман во рок од шест месеци, не му престанува обврската да работи во државата.

Истите услови ќе важат и за новите студенти, за кои во тек е и конкурсот за финансирање на додипломски,постдипломски и докторски студии за учебната 2025/26 година. Финансирањето на студентите чини и до 40.000 долари само за уписнината, објаснува Јаневска, па целта е инвестицијата во образованието на студентите да се врати во државата.

притисни ентер