Укинувањето дискреционото право на директорите при вработување медицински кадар помина на Комисијата за здравство - Канал 5

Македонија

Укинувањето дискреционото право на директорите при вработување медицински кадар помина на Комисијата за здравство

Укинувањето на дискреционото право на директорите на избор при вработување медицински кадар во јавното здравство, помина на денешната 12. седница на собраниската Комисија за здравство. 

Укинувањето дискреционото право на директорите при вработување медицински кадар помина на Комисијата за здравство

Предлог законот за дополнување на Законот за здравствена заштита по скратена постапка, се проследува на пленарна седница на парламентот.

Пратеничката Јована Мојсоска од Левица рече дека станува збор за измена на Законот за здравствена заштита. Таа истакна дека во минатото имало негативна пракса при што се користело правото на директорите на здравствените установи, при вработување на медицински кадар.

- Ова дискреционо право се покажа како погубно, а беше критикувано и од медиумите, дека не се вработуваат најдобро рангираните кандидати од медицинскиот кадар, туку се вработуваат пониско рангирани кандидати. Со тоа се доведува во прашање и квалитетот на здравствениот систем. А квалитетот и интегритетот на кадарот мора да бидат највисока вредност. Сметаме дека со укинување на ова дискреционо право на директорите, за што има и автентично толкување дека претставува еден вид на дискриминација, конечно ќе биде исправена една неправда. Со тоа значително ќе се подобри здравствениот систем, што, особено во јавното здравство е на стаклени нозе, за што покажуваат и податоците, додаде Мојсоска.

Таа сподели дека државава во 2024 година изгубила над две илјади медицински сестри, секоја година се губеле над двеста лекари.

- Нормално дека причината за тоа сигурно не е само во дискреционото право на директорите, туку се работи за еден системски проблем поради што врвни медицински кадри наместо тука, лечат во странство. Сметаме дека сепак укинувањето на ова дискреционо право на директорите, е еден мал чекор кон подобрување на јавното здравство и задржување на најквалитетниот медицински кадар, подвлече Мојсоска.

Александра Николовска, пратеничка од ВМРО-ДПМНЕ, изрази задоволство што нејзиното прво обраќање пред оваа комисија е токму на тема од нејзината стручна област. Затоа што, како што истакна, здравството, како клучен показател за развојот и благосостојбата на една држава, не смее да зависи од поединечна волја, туку мора да биде засновано врз јасни и еднакви правила за сите.

- Овој предлог-закон навлегува директно во суштината на довербата - и во јавното здравство, и во институциите. Начинот на вработување на здравствените работници не е техничко прашање, туку суштинска системска корекција што воведува транспарентни, објективни и мерливи критериуми. Ова го зборувам и од лично искуство. Како доктор, кој од неодамна го помина целиот процес за вработување, добро знам колку е важно оценувањето да се темели исклучиво на знаење, стручност и резултати, а не на субјективни одлуки, нагласи Николовска.

Таа подвлече дека тоа е особено значајно за младите лекари, кои вложуваат години труд и очекуваат фер и правичен третман.

- Поддршката на ВМРО-ДПМНЕ за овој закон е дел од нашите пошироки заложби за поедноставување на процедурите и за воспоставување систем на транспарентност, отчетност и одговорност во јавниот сектор. Ние веруваме во држава што подеднакво го вреднува трудот и квалитетот на секој еден граѓанин, додаде Николовска.

Според неа, со усвојувањето на овој закон, се испраќа јасна порака дека јавниот интерес е над индивидуалните и партиските интереси и дека квалитетот мора да биде единствениот критериум што одлучува.

- Дополнително, ми претставува чест што сум дел од пратеничката група што неуморно работи за темелна реформа и подобрување на целокупниот здравствен систем, и што паралелно подготвува и нови закони во оваа област што ќе бидат прикачени на ENER. Со ова, ќе ги регулираме прашањата поврзани со вработувањата како начин за поддршка за најдобрите студенти, како и начинот на селекција на специјализантите, и многу други суштински реформи што ќе изградат квалитетен и одржлив здравствен систем. Затоа, го поддржуваме овој предлог-закон и повикуваме на негова поддршка, во интерес на здравствените работници и на граѓаните, нагласи Николовска.

Како предлагачи на предлог-законот се потпишани пратениците Амар Мециновиќ, Борислав Крмов, Димитар Апасиев, Јована Мојсоска, Реџеп Исмаил и Сашко Јанчев.

Тагови: Комисија за здравство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Снимен е моментот кога украински дрон се забива во зграда во Русија (ВИДЕО)

Едно лице загина, а четворица се повредени во рускиот Пермски регион откако украинскиот напад со дрон оштети станбена зграда, соопштија руските власти.

Снимен е моментот кога украински дрон се забива во зграда во Русија (ВИДЕО)

Дмитриј Махонин, гувернерот на рускиот регион, во соопштението што го пренесе РИА Новости изјави дека силите за воздушна одбрана и мобилните противпожарни групи одбиле „масовен напад од непријателски беспилотни летала“.

„Нападот оштетил станбена зграда. За жал, едно лице починало. Според прелиминарните информации, уште четири лица се повредени и добиваат сета потребна медицинска помош“, напиша Махонин.

Погледнете го видеото:

Зеленски: Нападнавме три рафинерии

Украинскиот претседател Володимир Зеленски објави дека украинските беспилотни летала со долг дострел нападнале три рафинерии за нафта низ Русија.

„Нашите војници продолжуваат праведно да одговараат на руските напади врз Украина. Рафинерија за нафта беше погодена во Рјазанскиот регион. Нашите сили со долг дострел нападнаа рафинерии за нафта во Пермскиот регион и Татарстан“, рече Зеленски во објава на социјалните медиуми.

Тој додаде дека украинските беспилотни летала, исто така, погодиле место за лансирање и складирање на терористичките беспилотни летала во рускиот Курски регион и „една цел“ во Црното Море, но не даде дополнителни детали.

Објавата на Зеленски дојде по извештаите на Телеграм, од кои некои содржеа податоци за геолокација, дека украинските беспилотни летала ја погодиле рафинеријата ЛУКОИЛ-Пермнефтеоргсинтез, една од најголемите руски рафинерии за нафта во Перм, на повеќе од 1.500 километри од Украина.

Снимките објавени од украинскиот канал Егзиленова+ на Телеграм наводно прикажуваат украински беспилотни летала со долг дострел како летаат над Перм и чад што се издига од рафинеријата поради експлозиите.

Тагови: дрон русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

НАТО со порака по погребот на Младиќ: Нема да дозволиме безбедносен вакуум

Пресудата на Хашкиот суд против Ратко Младиќ помогна во зачувувањето на владеењето на правото и казнувањето на одговорните за воени злосторства, изјави денеска функционер на НАТО. 

НАТО со порака по погребот на Младиќ: Нема да дозволиме безбедносен вакуум

Тој додаде дека Алијансата нема да дозволи повторно да се појави безбедносен вакуум во Западен Балкан.

„Пресудата на Кривичниот суд на ОН против Ратко Младиќ помогна во одржувањето на владеењето на правото и во изведувањето пред лицето на правдата на одговорните за воени злосторства. Генералот Младиќ беше одговорен за ужасни злосторства против цивили, вклучително и убиствата на илјадници босански мажи и момчиња во Сребреница во 1995 година“, изјави функционер на НАТО.

Осудениот воен злосторник Ратко Младиќ беше погребан денес во семејната гробница на гробиштата Топчидер во Белград, со црковни обреди и воени почести. Меѓу илјадниците луѓе на парадата и погребната поворка беа и некои министри на српската влада и функционери на Република Српска.

Ставот на НАТО за стабилноста на Западен Балкан

Функционерот на НАТО, кој сакаше да остане анонимен, не коментираше директно за погребот на Младиќ, но истакна дека „НАТО помогна да се заврши едно од најтемните поглавја во историјата на Европа и повеќе од дваесет години придонесува за градење трајна безбедност на Западен Балкан“.

„Западен Балкан е регион од стратешко значење за нашата Алијанса. Нашата посветеност на регионалната стабилност е цврста и нема да дозволиме повторно да се појави безбедносен вакуум“, рече функционерот.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Италијанската полиција доби моќен Ламборџини со 920 КС и со многу важна задача (ВИДЕО)

Италијанската национална полиција доби нов службен автомобил кој е сосема различен од вообичаените полициски возила. 

Италијанската полиција доби моќен Ламборџини со 920 КС и со многу важна задача (ВИДЕО)

Ламборџини ѝ го предаде новиот Темерарио Полиција, супер спортски автомобил со 920 КС кој ќе се користи во ситуации каде што секоја секунда е важна.

Негова главна задача нема да биде лов на возачи кои возат со пребрзо возење. Новиот Темерарио ќе се користи за итен транспорт на органи и медицински материјали и ќе им се придружи на Ламборџиниите што веќе се во полициската флота.

Автомобилот беше претставен во седиштето на Ламборџини во Сант'Агата Болоњезе, а на предавањето присуствуваа италијанскиот министер за внатрешни работи Матео Пјантедози, шефот на Ламборџини Стефан Винкелман и претставници на италијанската полиција.

Соработката трае од 2004 година.

Ламборџини и италијанската државна полиција работат заедно повеќе од две децении. Сè започна во 2004 година со Гаљардо, кој веќе го изврши својот прв транспорт на органи во септември истата година.

Подоцна, на полицијата ѝ беа ставени на располагање Gallardo LP 560-4 и Huracán, кои се користеа на главните италијански автопати, додека во 2023 година, во возниот парк беше додаден Urus Performante.

Вкупно, во текот на повеќе од 20 години, шест Lamborghini пристигнаа во возниот парк на италијанската државна полиција. Тие учествуваа во повеќе од 200 мисии за транспорт на органи низ цела Италија, а Lamborghini наведува дека во неколку случаи директно придонеле за спасување човечки животи.

Покрај тоа, полициските Lamborghini учествуваа во повеќе од 1.500 настани посветени на едукација за безбедност во сообраќајот и промоција на безбедно возење.

Карактеристични полициски бои

Новиот Temerario доби препознатлива сино-бела полициска графика со натпис Polizia на вратата, полициски светла на покривот и детали во боите на италијанското знаме.

Објавените снимки ја прикажуваат и внатрешноста на автомобилот, која не се разликува значително од онаа на стандардниот Temerario.

V8, три електрични мотори и 920 КС

Под сето тоа е погонскиот склоп што му овозможува на Темерарио многу брзо да стигне до својата дестинација. Хибридниот систем со приклучок комбинира нов 4,0-литарски V8 со два турбополначи и три електрични мотори, развивајќи вкупно 920 КС.

Темерарио има осумстепен менувач со две спојки и батерија со капацитет од 3,8 kWh. Забрзува од 0 до 100 км/ч за 2,7 секунди, додека максималната брзина е 343 км/ч.

Ваквите перформанси во полициската служба имаат сосема поинаква намена отколку кај приватните сопственици. Ламборџини истакнува дека комбинацијата од перформанси и ефикасност ѝ овозможува на полицијата да стигне до својата дестинација што е можно побрзо во најчувствителните мисии.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер