Угледен италијански научник бил пронајден распарчен во куфер во Колумбија- бил на одмор - Канал 5

Свет

Угледен италијански научник бил пронајден распарчен во куфер во Колумбија- бил на одмор

Телото на истакнатиот 42-годишен научник од Италија, Алесандро Коати, е пронајдено распарчено во куфер во колумбискиот град Санта Марта, каде што Алесандро бил на одмор.

Угледен италијански научник бил пронајден распарчен во куфер во Колумбија- бил на одмор

Куферот со телото бил фрлен во блискиот поток, а како што пренесува Дејли Мејл, полицијата ги пронашла само главата, рацете и стапалата, додека се уште трагаат по торзото и другите делови.

Инаку, Алесандро е по потекло од Италија, но со години живеел и работел во Лондон. Тој сакал да ја проучува природата.

Ова ужасно откритие дојде откако децата нашле куфер со страшна содржина додека си играле во шумата во Санта Марта, Колумбија.

Коати имал планови да се упати кон националниот парк Тајрона во недела наутро, изјавија за „Ел Еспектадор“ вработените во хотелот во кој престојувал. Во оваа идилична област, на 34 километри од Санта Марта, можело непречено да се проучува разновидната природа која ги привлекува молекуларните биолози. Но, кога Коати не се вратил следниот ден, неговите пријатели ја алармирале полицијата.

Откако дознале дека туристот е мртов, веднаш следела опсежна истрага, а градоначалникот на Санта Марта, Карлос Пинедо Куело, понудил награда од 10.000 евра за информација што ќе доведе до апсење на одговорните за убиството на Алесандро.

„Им наредив на властите да ги здружат силите и да ја решат смртта на италијанскиот државјанин Алесандро Коати. Нудиме награда од 50 милиони колумбиски пезоси за информација. Ова злосторство нема да остане неказнето“, рече градоначалникот.

Инаку, Коати престојувал во хостел во Санта Марта, а последен пат бил виден во петокот. Неговите останки биле пронајдени во неделата покрај патот што води до фудбалскиот стадион во Сиера Невада.

Научникот бил идентификуван со помош на нараквица што ја добил при пријавувањето во хотелот. Била на еден од деловите од телото пронајдени во куферот.

Патем, Коати работел во Кралското здружение за биологија од април 2017 година, прво како службеник за научна политика и во последните шест години како висок службеник.

Тагови: куфер Колумбија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мостар прогласи вонредна состојба поради пожар на депонија (ВИДЕО)

Градоначалникот на Мостар по вонредната седница на градскиот и кантонскиот штаб за цивилна заштита изјави дека пожарот предизвикал огромна штета на полето на депонијата

Мостар прогласи вонредна состојба поради пожар на депонија (ВИДЕО)

Поради големиот пожар што утрово ја зафати депонијата Уборак и предизвика речиси целосна материјална штета на локацијата, Градот Мостар прогласи вонредна состојба со цел да им се овозможи на надлежните служби брзо и ефикасно да дејствуваат во санирањето на последиците.

Градоначалникот на Мостар, Марио Кордиќ, по вонредната седница на градскиот и кантонскиот штаб за цивилна заштита изјави дека пожарот предизвикал огромна штета на полето на депонијата, како и загриженост кај граѓаните поради чадот што се надвиснувал над градот.

„Веднаш по пријавата, сите надлежни служби - пожарникари, полиција, брза помош и други служби - излегоа на местото на настанот. Затекнавме огромен пожар што ги опустоши локациите Буѓевци и Уборак. Изгоре салата за рециклирање со сите свои објекти, опремата на депонијата беше оштетена, а благодарение на напорите на пожарникарите, административната зграда беше спасена“, рече Кордиќ.

Според него, штетата е речиси 100%, а настанатата ситуација претставува голем проблем не само за Мостар, туку и за поширокиот регион.

Кордиќ рече дека прогласувањето вонредна состојба му овозможува на Штабот за цивилна заштита да издаде итни наредби и да спроведе мерки потребни за надминување на кризата, особено кога станува збор за организирање на отстранувањето на отпадот откако депонијата Уборак претрпе голема штета.

Тој ги повика граѓаните да се однесуваат одговорно со отпадот и да се воздржат од фрлање комунален и цврст отпад на јавни површини до понатамошно известување за да не се оптовари дополнително комуналниот систем.

Тагови: Мостар пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Најстарата желка во светот Џонатан, на 194 години, доби награда од Гинисовата книга на рекорди

Џонатан, најстарата желка во светот, доби престижна награда – икона на Гинисовите светски рекорди.  

Најстарата желка во светот Џонатан, на 194 години, доби награда од Гинисовата книга на рекорди

Се смета дека Џонатан е роден пред 1832 година, односно има најмалку 194 години, и со тоа е најстарото живо копнено животно во светот, соопшти организацијата.

Се проценува дека имал најмалку 50 години кога во 1882 година бил донесен од Сејшелите на јужноатлантскиот остров Света Елена, како подарок за идниот гувернер на оваа британска прекуморска територија, и оттогаш живее во рамките на гувернерската резиденција, вилата „Плантејшн Хаус“.

Гинис потсетува дека Џонатан чекорел по планетата уште пред да бидат направени првите фотографии, пред да се воспостават првите телефонски разговори, и пред да биде завршена Ајфеловата кула.

Тагови: Гинисовата книга на рекорди желка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски потпиша потпиша закон за измени на државниот буџет

Украинскиот претседател Володимир Зеленски потпиша закон за измени на државниот буџет за 2026 година, со кој се зголемуваат средствата за безбедносниот и одбранбениот сектор за околу 1,56 милијарди украински гривни, или 30 милијарди евра.

Зеленски потпиша потпиша закон за измени на државниот буџет

Според украинската новинска агенција Укринформ, измените предвидуваат приходите од државниот буџет за 2026 година да се зголемат за околу 44,7 милијарди евра, со што вкупните приходи ќе достигнат приближно 101 милијарда евра.

Зголемувањето на буџетските приходи е предвидено, објаснува Укринформ, првенствено благодарение на финансиската поддршка од Европската Унија (ЕУ), врз основа на спроведувањето на Планот за Украина, односно спроведувањето на иницијативата на ЕУ за Украина, и зголемените приходи од даноци на доход на граѓаните поради растот на готовинските приходи на воениот персонал.

Како што потсетува Укринформ, на 10 јуни Врховната рада на Украина ги усвои во второ читање и во целост измените на државниот буџет за 2026 година, кои првенствено се насочени кон зголемување на средствата за безбедносниот и одбранбениот сектор.

Извор: Б92

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер