УЕФА поведе истрага за скандирањето „Косово е Србија“- на Романија ѝ се заканува висока казна - Канал 5

Фудбал

УЕФА поведе истрага за скандирањето „Косово е Србија“- на Романија ѝ се заканува висока казна

Инциденти го одбележа натпреварот помеѓу Романија и Косово кој се одигра во Букурешт за квалификациите за ЕП.

УЕФА поведе истрага за скандирањето „Косово е Србија“- на Романија ѝ се заканува висока казна

Домаќините победија со 2:0, но дури откако натпреварот продолжи по пауза од 45 минути. Тоа се случи бидејќи косовските фудбалери демонстративно го напуштија теренот револтирани од навредите и омаловажувањата од романските навивачи.

Тие закачија транспарент „Косово е Србија“ зад јужниот гол, на трибината на ултрашите, а при интонирањето на химната на гостите, извикуваа „Србија, Србија“. Потоа од почетокот на мечот постојано извикуваа „Косово е Србија“. Во 22. минута на косовските фудбалери им беше доста од тоа, па го напуштија теренот иронично аплаудирајќи им на романските навивачи.

Притоа, официјалниот спикер преку разглас извика: „Ве молам престанете да го скандирате името на нашиот сосед! (Србија, оп.а.) УЕФА не толерира ревизионизам! Ова е последното предупредување!“ Ова го повтори неколку пати, но романските ултраши не го послушаа. Потоа го испроба ова: "Ве молам престанете да го пеете името на нашиот сосед! Вложуваме големи напори да ја одржиме играта. Ако продолжите да пеете, дефинитивно ќе прекине натпреварот!"

Натпреварот продолжи по паузата од 45 минути, но со нов инцидент. Фудбалерите на Романија и Косово се судрија непосредно пред ултрашите на домашната екипа. Секако, тие веднаш продолжија со скандирање „Косово е Србија“. Објавувачот одговори: "Не паѓајте на провокации! Не го пејте тоа што го пеевте пред малку!"

YouTube video

Чадорот на европската фудбалска организација УЕФА сега покрена постапка против Фудбалскиот сојуз на Романија, а на нивната репрезентација ѝ се заканува играње натпревари без публика, додека паричната казна е многу сигурна. Заедно со паролите за Косово, оспорен е и транспарентот „Бесарабија е Романија“, а се работи за историски регион на територијата на Молдавија и Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода арачиновец во Липково, превезувал огревни дрва без документација (ВИДЕО)

Против него ќе следува соодветна пријава.

Лишен од слобода арачиновец во Липково, превезувал огревни дрва без документација (ВИДЕО)

На 05.10.2026 во 18:00 часот, полициски службеници од СВР Куманово го лишија од слобода Џ.А.(65) од село Арачиново. Тој во село Липково управувал товарно возило во кое превезувало дрва без жиг и не застанал на даден знак стоп од полициски службеници и се обидел да побегне.

Џ.А. бил приведен во полициска станица и по целосно документирање на случајот против него ќе следува соодветна пријава.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

По 11 години – Охрид конечно ќе добие затворен базен!

По речиси 11 години застој, затворениот базен во Охрид конечно ќе биде завршен и ставен во функција.

По 11 години – Охрид конечно ќе добие затворен базен!

Владата на Република Македонија на денешната седница ја усвои точката со која се овозможува продолжување и конечно завршување на затворениот базен во Охрид.

Обезбедени се 470 милиони денари за негово целосно завршување.

Ова за мене е многу повеќе од уште еден инфраструктурен проект. Ова е инвестиција во младите, во спортистите, во пливањето. Во иднината на спортот во Охрид и во целата држава.

Со завршувањето на базенот, спортистите ќе добијат современи услови за тренинг, младите категории ќе добијат простор за развој, а Охрид ќе добие услови за организирање натпревари и за понатамошен развој на спортот.

Како Влада и како Министерство за спорт не сакаме капитални спортски објекти да стојат со години и да чекаат. Сакам да ги гледаме завршени и ставени во функција.

Токму затоа ова е еден од проектите на кои сме посебно посветени и драго ми е што денес можеме да кажеме дека по 11 години – конечно се движиме кон неговата реализација.

Голема благодарност до претседателот на Владата, Христијан Мицкоски, и до Владата за поддршката и за јасната определба да инвестираме во спортот и во спортската инфраструктура.

Охрид заслужува затворен базен. Охрид ќе го добие.

Продолжуваме со работа, се наведува во соопштението на Влада на Македонија/Министерство за спорт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерката за енергетика Божиновска во Белград: Се гради посигурен и поврзан енергетски регион

Министерката за енергетика, рударство и минерални суровини Сања Божиновска присуствува на Вториот министерски самит на Србија, Македонија, Грција и Бугарија, кој се одржува во Белград, во организација на Србија.

Министерката за енергетика Божиновска во Белград: Се гради посигурен и поврзан енергетски регион

Во фокусот на самитот се сигурноста на снабдувањето, развојот на Вертикалниот гасен коридор, пристапот до LNG капацитетите преку Александруполи, диверзификацијата на изворите и правците на снабдување, како и унапредувањето на регионалната соработка во електроенергетиката.

Самитот следува по првата министерска средба во Атина во мај и го продолжува дијалогот за заеднички регионален пристап кон енергетската сигурност и отпорноста на системите.

Во македонската делегација се и заменик-генералниот директор на МЕПСО, Александар Пауноски, како и претставници на НОМАГАС.

Во рамки на посетата, министерката Божиновска ќе оствари и билатерална средба со бугарскиот министер за енергетика, со фокус на понатамошното унапредување и проширување на веќе воспоставената соработка..

Министерство за енергетика, рударство и минерални суровини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер