Фудбал

УЕФА ја засилува борбата против нелегални преноси на натпревари: Тоа е глобален проблем

„Пиратите стануваат сè поподмолни. Фудбалската пиратерија не е проблем што ја засега само Шпанија. Тоа е глобален проблем.“ Ова се зборовите на Хавиер Тебас, претседателот на шпанската Ла Лига.

„Пиратите стануваат сè поподмолни. Фудбалската пиратерија не е проблем што ја засега само Шпанија. Тоа е глобален проблем.“ Ова се зборовите на Хавиер Тебас, претседателот на шпанската Ла Лига, кој се залага за користење на сите законски средства во борбата против нелегалните преноси на фудбалски натпревари. Дека проблемот е глобален е потврден со податоци од Велика Британија, каде што пиратеријата предизвикува главоболки дури и за најсилната лига во светот, Премиер лигата, пишува AS.

Истражувањето на YouGov Sport за The Athletic покажало дека девет проценти од возрасната популација на Велика Британија, околу 4,7 милиони луѓе, гледале спортски настани преку нелегални стримови во шесте месеци до октомври 2025 година. Дополнителни 9,7 проценти, или пет милиони луѓе, рекле дека не знаат или одбиле да одговорат на прашањето, а студијата не вклучувала лица под 18 години.

Се смета дека порастот на пиратеријата во Велика Британија во голема мера се должи на забраната за пренос во живо на почетокот на натпреварите во сабота во 15 часот. Мерката, која го опфаќа периодот од 14:45 до 17:15 часот, беше воведена уште во 1960-тите за да се заштити присуството на натпревари од пониските лиги. Денес, 57 проценти од анкетираните навивачи сакаат да се укине забраната.

УЕФА ја засилува борбата

УЕФА одлучи да преземе конкретни чекори за да го запре овој тренд. Откако претходно објави партнерство со Алијансата за креативност и забава (ACE), чадор-телото на европскиот фудбал сега се придружи на уште две организации со цел да ја зајакне својата програма за заштита на содржините.

Првата е Коалицијата против пиратерија (CAP), дел од Азиската асоцијација на видео индустрија (AVIA), со која УЕФА ќе ги заштити своите содржински и медиумски партнери во Азиско-пацифичкиот регион. Оваа алијанса ќе се бори против дигиталното пиратство преку координирано спроведување на законот, иницијативи за блокирање веб-страници и стратешка соработка со владите.

Дополнително, УЕФА се приклучува и на германската независна организација против пиратерија CUII. Оваа организација го олеснува и координира ефикасното спроведување на наредбите за блокирање веб-страници во Германија и промовира промени во законската рамка што овозможуваат побрзо дејствување. Со овој потег, УЕФА ја зајакнува својата посветеност на заштитата на содржините во Германија.

Како и Ла Лига, УЕФА максимално се вклучи во борбата против пиратеријата. „Овие соработки се дел од сеопфатната стратегија на УЕФА за спроведување водечка програма против пиратеријата во секторот, која придонесува за заштита на комерцијалните интереси на УЕФА и UC3, како и интересите на нејзините емитувачки партнери низ целиот свет, во сите клупски и национални натпреварувања на УЕФА“, соопшти управното тело на европскиот фудбал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски го претстави стариот кабинет со нови фотелји

Шефот на организираната криминална група- Христијан Мицкоски го претстави стариот кабинет со нови фотелји.

Нема резултати – има театар со реконструкција. Ова не е реформа на владата туку козметичка промена на истата криминална структура.

Некои министри се преместуваат, некои нови имиња доаѓаат на сцена, а клучните луѓе и клучните ресори остануваат исти“, велат од опозициската СДСМ.

Според нив „внатрешни работи, одбрана, финансии, надворешни работи, образование – сè во исти раце. Само се вртат столчиња за да се создаде впечаток дека нешто се менува. Ова е тактиката на Мицкоски: кога економијата е во колапс, кога буџетот е празен, кога нема пари ни за пензии, кога европскиот пат е блокиран – тогаш се прави „реконструкција“ за да се одвлече вниманието велат од опозициската партија.

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Судењето за пожарот во „Пулс“ продолжува со презентација на докази за државниот пазарен инспекторат

Судењето за пожарот во „Пулс“ продолжува со презентација на материјални докази од Обвинителството кои се однесуваат на Државниот пазарен инспекторат.

Судењето за трагедијата во кочанската дискотека „се одвива во судницата во „Идризово“.

Обвинителството презентира материјални докази, вклучувајќи документи и снимки кои откриваат пропусти во безбедноста и контролите од институциите. “, во пожарот загинаа 63 лица, а над 200 беа повредени.

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѕвездено небо и „Некогаш и негде“ пред платото на „Борис Трајковски“ – последен поздрав за Владо Јаневски

Денеска на градските гробишта во Бутел ќе биде погребан македонскиот пејач и автор, Владо Јаневски.

Сите кои ќе сакаат да се збогуваат со Јаневски за последен пат, ќе можат тоа да го направат во капелата на градските гробишта во бутел во периодот од 10 до 11 часот.

Синоќа пред платото на Спортскиот центар „Борис Трајковски“ во Скопје граѓаните се собраа за да му оддадат последна почит на легендарниот македонски пејач, кој почина во неделата на 66-годишна возраст.

Со минута молк и со неговите најубави песни фановите се простија од својот омилен пејач.

Со вклучени светилки на телефоните стотиците присутни направија „ѕвездено небо“ додека заедно го пееја најголемиот хит на Јаневски, „некогаш и негде“.

Присуствува и повеќе негови колеги и пријатели, меѓу кои Силви и Влатко Плевнеш, Слаткар, Антониа Гиговска и Роберт, Спасеновски, Лара Иванова, Пајак, Валентино Скендеровски, Стево Чепишевски, Стефан Филиповски, Ѓорѓе Давид…

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.