УЕФА има нов план за продолжување на натпреварите

Европската фудбалска федерација (УЕФА) утре ќе одржи видеоконференција во Нион за да се обиде да најде ново решение со федерациите за продолжување на европските лиги, како и Лигата на шампиони и Лигата на Европа.

„УЕФА ги покани генералните секретари од сите свои 55 членки на видео конференција на 1 април за да разговараат за можноста за промена на датумите на натпреварите. Ќе има и разговори за договорите за играчи и за трансфери“, објави УЕФА.

Во меѓувреме, „Тутоспорт“ од Торино објави една од можностите што УЕФА ќе им ја претстави на федерациите. Опцијата е фудбалските лиги да се играат во август, со цел да се избегне сценариото во кое постојната состојба е прогласена за завршена или поништена за целата сезона.

 До крајот на првенството останаа околу десет кола, па останува да се види како во Нион замислиле сите натпревари да се одиграат за еден месец.

Се разбира, не ги сметале Лигата на шампионите и Лигата на Европа, што во овој случај треба да се донесат до финале, а тоа го покренува и прашањето за следната сезона.

УЕФА , инаку, го пресели финалето на Лигата на Европа во Гдањск на 24 јуни, а финалето на Лигата на шампионите во Истанбул на 27 јуни. Меѓутоа, каква што е состојбата во борбата против коронавирусот и ако не се подобрува, толку помалку веројатно ќе стигнат до финалето пред август или септември.

Доколку воопшто се игра.

притисни ентер