За 67 % се зголемиле пријавите за семејно насилство во МВР за само една година. 768 кривични дела поврзани со семејно насилство се регистрирани во периодот од почекокот на оваа година до крајот на мај, наспроти минатата година кога имало 460 пријави, објави министерот за внатрешни работи Панче Тошковски. И врсничкото насилство е во подем. За претходната учебна година евидентирани се 93 пријави на насилства во 64 училишта.

Министерката за образование Весна Јаневска го најави проектот „Прекинување на циклусот на насилство – системска превенција на семејно и врсничко насилство преку образовниот систем“. Министерот за социјална политика Фатмир Лимани истакна дека врсничкото насилство не се појавува изолирано, туку често е последица на нарушени семејни односи.

Од Комората на психолози објаснија дека агресивното однесување доаѓа како последица од доживена болка и насилство. Опасно станува кога не се работи на овој проблем кој може да продолжи со насилство и во следните генерации.

Од следната недела ќе започнат обуки за училишните психолози, педагози и социјални работници во основното образование, со цел да се препознаат децата кои се жртви на насилство и навремено преземање соодветни мерки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бугарскиот премиер Румен Радев гледа омекнување на позициите на европските лидери во однос на Македонија. Според него редица европски лидери се колебаат околу преговарачката рамка, вметнувањето на бугарите во уставот и спроведувањето на втриот протокол од Договорот за добрососедство, па вели одново ќе мора да ги убедува дека Скопје мора да го исполни договореното со консензусот од 2022 година.

„Сега кога отидов на средба во Црна Гора видов видов сериозни отстапувања во позициите на тие лидери. Сега повторно треба да вложам максимални напори да ги убедам каде и како треба да се постави Европа како еден општ сојуз така што ќе ги заштитиме интересите и правата на сите граѓани во тој сојуз. Има колебање во позицијата на редица европски лидери во времето додека ме немаше во ЕУ за тие години. Некој не си ја завршил работата. И сега треба повторно да вложиме напори да ги убедиме лидерите дека консензусот постигнат во јули 2022 година треба да се почитува.“

Изјавата на Радев доаѓа ден откако во Европскиот парламент помина извештајот за напредокот на Македонија. Рече и дека не гледа простор за средба со македонскиот премиер Христијан Мицкоски одговарајќи на прашање во врска со палењето на двата дипломатски автомобили пред бугарската амбасада во Скопје откако претходно тврдеше дека македонското политичко раководство прави се што е можно да го одложи членството на земјава во ЕУ.

Инаку во финалниот текст на извештајот кој беше изгласан со 411 гласа, не помина обидот за целосно бришење на ставот 73 од текстот на резолуцијата, односно во финалната верзија останува Вториот протокол од Договорот со Бугарија, барањето историската комисија да постигне „јасни и опипливи резултати“. Oстануваат и деловите за спроведување на договорот со Бугарија, работата на историската комисија, како и потврдата дека уставните измени остануваат главниот услов за отворање на првиот преговарачки кластер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Зошто Министерството за образование се одлучува за оптимизација, дали ќе има наставници кои ќе станат технолошки вишок- прашуваат од СДСМ на седницата за опозициски пратенички прашања.. Велат дека министерството имало лоша стратегија за кадрите, кои според нив самите стравувале дека ќе останат без потребниот фонд на часови, а со тоа ќе им се намалеле и платите. Министерката Јаневска уверува дека отпуштања од работа нема да има, туку е планирано само прераспределување на часовите.

Од опозициските пратенички групи реагираа, зошто дел од министрите на кои најавиле дека ќе им постават прашања не дошле на седницата или ги испратиле нивните заменици. Од владејачката партија пак одговорија дека се злоупотребувал концептот за опозициски прашања.

Во фокусот на пратеничките прашања беа платите во министерството за одбрана, надворешната политика и културата, но поголемиот дел од пратениците одлучија одговорите на нивните прашања да ги добијат писмено од министрите кои не беа присути.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.