Свет

Турските акции и обврзници во слободен пад- причината е ескалација на протестите

Турските акции и обврзници паднаа трет ден по ред по апсењето на градоначалникот на Истанбул и опозициски политичар Екрем Имамоглу, главен ривал на турскиот претседател Реџеп Таип Ердоган, што предизвика протести во земјата.

Каматите на кредитите преку ноќ се зголемени на 46 отсто, а лирата продолжи да паѓа во однос на доларот, пренесува Ројтерс.

Трошоците за осигурување на долгот на Турција од неисполнување на обврските се зголемија за 18 базични поени (bps) на 322 bps и сега се највисоки од март 2024 година, покажуваат податоците на S&P Global.

Централната банка на Турција (TCMB) вети дека ќе ја заостри монетарната политика во случај на значително и постојано влошување на инфлацијата, за да може да ја прекине сегашната политика на намалување на каматните стапки.

Актуелните случувања во Турција практично ги уништија надежите дека ТЦМБ ќе ги намали каматните стапки на следниот состанок за монетарната политика на 17 април, предупредуваат експертите.

Централната банка на Турција (TCMB) на 6 март одлучи да ја намали референтната каматна стапка за 250 базични поени на 42,5 отсто, надоврзувајќи се на намалувањата во декември и јануари.

Неодамна објавените податоци покажаа дека годишната стапка на инфлација во Турција паднала на 39 отсто во февруари, што е најниско ниво во последните 20 месеци.

Фудбал

Франциско нов тренер на Реал Сосиедад од новата сезона

Шпанскиот фудбалски прволигаш Реал Сосиедад го назначи тренерот на резервниот тим, Серхио Франциско, за главен тренер од следната сезона, на местото на Иманол Алгуасил, кој ја напушта позицијата на крајот од тековната сезона.

Алгуасил, кој седна на клупата на Сосиедад во 2018 година, го освои Купот на кралот во 2020 година и го предводеше Реал на европската сцена пет сезони по ред. Во четврток, тој го информираше клубот дека ќе ја напушти тренерската должност на крајот од сезоната, кога ќе му истече договорот.

Неговиот наследник Франциско (45) потпиша договор до 2027 година.

Реал Сосиедад е десеттопласиран на табелата во Ла Лига со 42 бодови и сè уште има шанси повторно да се квалификува за европските натпреварувања. /МИА

Тагови: Реал Мадрид Серхио Франциско

НБА

НБА плејоф: Минесота поведе, први победи за Орландо и Милвоки

Кошаркарите на Минесота поведоа во серијата до четири победи во плејофот на Западната конференција во НБА лигата со триумф над Лос Анџелес Лејкерс, додека Орландо и Милвоки ја намалија негативата на 1-2 во плејофот на Источната конференција.

Минесота поведе во серијата со 2-1, откако синоќа во Минеаполис го победи ЛА Лејкерс со 116-104 во третиот натпревар од плејофот на Западната конференција. Џејден Мек Дениелс постигна 30 поени, а Ентони Едвардс го заврши натпреварот со поен помалку.

Леброн Џејмс беше најефикасен во редовите на Лејкерс со 38 поени, а Лука Дончиќ додаде 17 поени со осум асистенции и седум скокови.

Орландо намали на 1-2 во серијата по победата над Бостон со 95-93 во третиот натпревар од првото коло од плејофот во Источната конференција. Франц Вагнер беше најдобар стрелец на Орландо со 32 поени.

Милвоки, исто така. го намали дефицитот на 1-2 во серијата до четири победи откако на домашен терен беше поуспешен од Индијана со 117-101.

Гари Трент Јуниор и Јанис Антетокунмпо постигнаа по 37 поени за Милвоки, а Трент постигна девет тројки во 12 обиди и со тоа го израмни рекордот во плејофот на франшизата поставен од Реј Ален во финалето на Источната конференција во 2001 година. /МИА

Тагови: НБА плејоф

Регион

Нафтена индустрија на Србија доби трето одложување на воведување санкции од САД

Нафтена индустрија на Србија (НИС) доби трето одложување на воведување санкции од САД поради мнозинскиот руски капитал во таа компанија.

Овојпат, воведувањето на санкции беше одложено за дури два месеца, односно до 27 јуни. Рокот на претходно одложените санкции изминува в понеделник - 28 април.

„Добри вести за граѓаните на Србија. Србија успеа да добие ново одложување на санкциите за НИС, овојпат за два месеца, до 27 јуни. Благодарност до нашите американски партнери за разбирањето на ставот на Србија“, напиша Вучиќ на својот Инстаграм профил buducnostsrbijeav.

Во средата, компанијата НИС поднесе ново барање до Министерството за финансии на САД за издавање посебна лиценца со која се одложува целосното спроведување на санкциите, а целта е да се овозможи компанијата непречено да работи и по 28 април.

Тагови: НИС санкции