Трипуноски: 640 милиони евра за субвенции за земјоделците - Изберете обнова!

 640 милиони евра за субвенции за земјоделците, покривање на полиси и проекти за наводнување. Изберете обнова!

Драги земјоделци, се наоѓаме пред крстопат и пред нас се две опции. Едната е да останеме во калта заглавени и безперспектива, коja ни ja нуди СДСМ, и втората е одбереме да си ја обновиме државата со над 1000 мерки и проекти на кои се обврзуваме како ВМРО-ДПМНЕ.

Три години зeмјоделците едвај врзуваат крај со крај. Три години земјоделството не само што не оди напред, туку и стагнира. СДСМ ветуваа дека ќе обезбедат сигурен откуп и високи откупни цени, разни финдови,модернизација, ветуваа европско земјоделство, а сега имаме земјоделество како од 19 век.

Голготата на земјоделците мора да заврши.

ВМРО-ДПМНЕ има план и стратегија за обнова на Македонија. Знаеме како, и се обврзуваме заради вас, вашите и наши деца. Македонија мора да ја биде.

За наредните четири години предвидуваме 640 милиони евра за субвенции, кои ќе бидат навремени и ќе се делат правично, не по партиски списоци, како што се прави тоа во моментов.

Се обврзуваме да инвестираме во одржување и изградба на системи за наводнување на земјоделските парцели ширум нашата држава, инвестиција која што ќе биде во висина од 80 милиони евра.

Предвидуваме многу и за младите кои сакаат да се занимаваат со земјоделество.

Неповратни средства ќе им бидат достапни на сите млади кои ќе сакаат нивната основна дејност да биде земјоделство, со кои ќе можат да набават механизација и друг вид на опрема потребна во процесот на обработка на земјиштето.

Се обврзуваме никогаш повеќе земјоделците да не се чудат како ќе го прехранат семејството затоа што родот им го уништиле временски непогоди. Во таа насока ќе ги покриваме полисите за осигурување на земјоделските насади и посеви во висина од 70%.

Имаме стратегија како да го промовираме извозот и да овозможиме поголеми откупни цени на земјоделските производи.

Дајте ја вашата поддршка за луѓе кои знаат да сработат, да го реализираат ветеното и да го вратиме достоинството на македонскиот земјоделец.

СДСМ покажа дека можат единствено повеќе криминал, можат повеќе корупција и можат само порази. Да ставиме крај на виткањето на кичма. Исправи се Македонијо! Одбери обнова! Гласајте за број 14 и за ВМРО-ДПМНЕ и коалицијата.

Цветан Трипуновски, член на ИК на ВМРО-ДПМНЕ

Вилијан нов член на Арсенал

По седум години во северен Лондон во тимот на Челзи, Бразилецот Вилијан ги смени клупските бои и стана член на лондонскиот ривал Арсенал.

Англискиот премиерлигаш Арсенал го потврди трансферот на 32 годишниот Бразилец.

Вилијан на Вембли стигнува како слободен фудбалер откако му истече договорот со Челзи.

Искусниот Бразилец со Арсенал потпишал тригодишен договор вреден 35 500 000 евра. Вилијан во Арсенал ќе игра за неделна плата од 244 000 евра.

Вилијан за Челзи каде стигна во 2013 година одигра 339 средби на кои постигнал 63 голови и остварил 56 асистенции.

Ердоган : Не сакаме ескалација , но Грција би можела скапо да плати

Турскиот претседател Реџеп Таип Ердоган денеска  ја предупреди Грција дека неговата земја ќе одговори на каков било напад врз нивниот истражувачки брод Орус Реис во источниот Медитеран, по расправијата меѓу двете членки на НАТО.

Турција и Грција се расправаат за територијалните води чии морски длабочини се богати со енергенси, а тензиите се зголемија во понеделникот кога Анкара испрати истражувачки брод во спорниот дел на Медитеранот, придружен со воени бродови.

Обраќајќи им се на новинарите во Истанбул, Ердоган денеска рече дека едно од воените бродови што го придружувал Орус Реис - Кемал Реис - „одговори на неопходен начин“ на нападот на грчкиот брод во четвртокот.

„Ако тоа продолжи, тие ќе добијат одговор“, рече тој.

Вчера Ердоган предупреди на „високата цена“ што Грција ќе ја плати доколку Орус Рис биде нападнат.

Претходно во Женева, турскиот министер за надворешни работи рече дека неговата земја не сака ескалација на тензиите со Грција во источниот Медитеран, нагласувајќи дека Анкара ја смета Атина одговорна за тензиите.

„Не сакаме ескалација, но Грција треба да дејствува во согласност со здравиот разум“, рече турскиот министер за надворешни работи Мевлут Чавушоглу на прес-конференција во Женева.

Министрите за надворешни работи на ЕУ ќе разговараат за спорот меѓу Турција и Грција во источниот Медитеран за време на вонредната средба во текот на денот.

Грчкиот министер ќе се состане и со државниот секретар на САД, Мајк Помпео.

Во Србија 235 новозаразени , починале четворица

Според најновите податоци, во последните 24 часа во Србија се регистрирани 235 нови случаи на инфекција со коронавирус, а починаа уште четири лица.

Хоспитализирани се 143 лица, а 78 пациенти се на респиратор, пишува „Блиц“.

притисни ентер