Фудбал

Трансферите на Кутињо и Гризман во Барселона - најлоши зделки во историјата на фудбалот ?!

Престижниот спортски портал „Give me Sport“ направи рангирање на најлошите трансфери во историјата на фудбалот.

Врвните места ги заземаат два трансфера поврзани со Барселона - трансферот на Филипе Кутињо од Ливерпул во 2018 година е на првото место, а на втората позиција е трансферот на Антоан Гризман од Атлетико Мадрид во 2019 година.

Авторите на рејтингот на третото место го ставија трансферот на Еден Азар од Челзи во Реал Мадрид во летото 2019 година.

Топ 10 најлоши трансфери според „Give me Sport“:

1.Филипе Кутињо од Ливерпул во Барселона (2018)

2.Антоан Гризман од Атлетико Мадрид во Барселона (2019)

3.Еден Азар од Челзи во Реал Мадрид (2019)

4.Ромелу Лукаку од Интер во Челзи (2021)

5.Алексис Санчез од Арсенал во Манчестер јунајтед (2018)

6.Андреј Шевченко од Милан во Челзи (2006)

7.Џонатан Вудгејт од Њукасл во Реал Мадрид (2004)

8.Анхел Ди Марија од Реал Мадрид во Манчестер јунајтед (2014)

9.Енди Керол од Њукасл во Ливерпул (2011)

10.Фернандо Торес од Ливерпул во Челзи (2011). /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Падна снег на Пелистер

Првиот ден од есента освен пониски темепратури донесе и вистинска зимска слика на Пелистер.

Денеска на повисоките делови од планината заврна снег и врвовите за кратко време биле покриени со тенка снежна покривка.

Фотогграфиите беа објавени на официјалната страница на Националниот парк „Пелистер“ на фејсбук со појаснување дека на првиот ден на есента паднал снег на повисоките планински врвови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Трамп го прекина говорот поради Меланија – погледнете ја нејзината реакција!

Претседателот на САД, Доналд Трамп го прекина говорот пред генералното собрание на ОН поради сопругата Меланија – погледнете ја нејзината реакција!

Ги изненади сите на Генералното собрание на ОН, по што следуваше аплауз.

За време на вчерашниот говор пред Генералното собрание на ОН, американскиот претседател Доналд Трамп направи кратка пауза и јавно ѝ се заблагодари на првата дама на САД, Меланија Трамп, за нејзината хуманитарна работа, а потоа низ шега праша каде таа седи.

Трамп погледна низ салата и праша: „Каде е нашата прва дама? Таа е некаде овде.“ Откако накратко ја побара со поглед, американскиот претседател ѝ се заблагодари на првата дама и рече дека таа „напорно работела“, што беше проследено со аплауз и насмевки од присутните.

🇺🇸 Trump briefly lost track of Melania 😂 “𝘞𝘩𝘦𝘳𝘦 𝘪𝘴 𝘰𝘶𝘳 𝘍𝘪𝘳𝘴𝘵 𝘓𝘢𝘥𝘺? 𝘚𝘩𝘦’𝘴 𝘢𝘳𝘰𝘶𝘯𝘥 𝘩𝘦𝘳𝘦 𝘴𝘰𝘮𝘦𝘱𝘭𝘢𝘤𝘦.” Melania: 👋 Nothing like looking for your wife in front of the entire United Nations. Writer: Lynn https://t.co/R7Tf6vWQP2
— Mario Nawfal (@MarioNawfal) September 22, 2026

На видео објавено на социјалните мрежи, може да се види како Меланија се смешка и мавта. Американскиот претседател ја пофали првата дама на САД за нејзината улога во глобалната дипломатија, истакнувајќи го нејзиниот настап претходно оваа година пред Советот за безбедност на ОН.

Трамп изјави дека таа станала првата прва дама на САД што претседавала со седница на Советот за безбедност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Поранешниот припадник на ОВК Фадиљ Пушкољи приведен во Македонија

Поранешниот припадник на ОВК Фадиљ Пушкољи, синоќа бил приведен на Граничниот премин Блаце при влез од Косово во Македонија, а по разговор и испрашување од полицијата бил пуштен на слобода.

Пушкољи бил приведен врз основа на потерница издадена од Србија, а за приведувањето информираше и самиот Пушкољи преку својот профил на фејсбук. Тој тврдеше дека постапката против него била поврзана со неговото поранешно членство во ОВК и побара реакција и помош од институциите во Косово.

Неколку часа подоцна Пушкољи повторно се огласи на социјалните мрежи и соопшти дека е пуштен на слобода по извршениот разговор и испрашувањето од македонската полиција.засега нема јавно објавено официјално соопштение од македонските надлежни институции со повеќе детали за правната основа за неговото приведување и причините поради кои потоа бил пуштен на слобода.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.