Трамп: САД веднаш ќе забрани влез и излез во теснецот на секој брод што му платил на Иран - Канал 5

Свет

Трамп: САД веднаш ќе забрани влез и излез во теснецот на секој брод што му платил на Иран

Маратонските 21-часовни преговори помеѓу делегациите на САД и Иран завршија без договор. 

Трамп: САД веднаш ќе забрани влез и излез во теснецот на секој брод што му платил на Иран

Американската делегација на чело со Потпретседателот Џ.Д. Венс пред да го напушти Исламабад потврди дека не успеале да постигнат договор.

„Имавме голем број суштински разговори со Иранците, тоа е добрата вест. Лошата вест е дека не постигнавме договор. И тоа мислам дека повеќе е лоша вест за Иран, отколку за САД. Значи, се враќаме на тоа дека САД не постигнаа договор. Ставивме до знаење за тоа кои се нашите црвени линии, за кои сме подготвени да се прилагодиме, а за кои не. Истото го ставиме до знаење колку е можно појасно, но тие одбија да ги прифатат нашите барања.“-потпретседателот Џ.Д. Венс.

Иранското министерство за надворешни ги оцени разговорите како „интензивни“ и го повика Вашингтон да се воздржи од „прекумерни и незаконски барања“. По неуспешните преговори со Иран во Пакистан, Американскиот Претседател Доналд Трамп на truth social најави дека САД почнува со блокада на бродовите во Ормутскиот теснец. „Никој што плаќа нелегален данок нема да има безбеден премин на отворено море. Исто така, ќе почнеме да ги уништуваме мините што ги поставиле Иранците во теснецот.“ се вели во објавата на Американскиот претседател.

Останува неизвесно како ќе се одвива кревкото двонеделно примирје, каде очигледно клучен е бродскиот транспорт на нафта низ Ормутскиот теснец. Претходно , Иранската револуционерна гарда соопшти дека Ормутскиот теснец е во нивни раце, а секој обид воени бродови да минат низ него ќе биде строго казнет. Техеран најави дека за преминот низ овој стратешки воден пат ќе се наплаќа во иранска валута, Ријал.

Сепак, дел од аналитичарите сметаат дека со оглед на маратонските преговори, можно за некои одредени работи да има и приближување на ставовите..

„Очигледно е дека двете страни се обвинуваат меѓу себе за пропаѓањето на преговорите. Но, тешко е да се очекува лесна разврска на проблемите кои траат 47 години наназад и истите да се решат за десетина часа директни преговори - тоа е преголемо очекување. Очигледно е дека сме каде што сме и сегашната загриженост е дали војната ќе продолжи, особено што Орумтскиот теснес во Иран ќе станува ќе биде точка на жариште.“- - Касра Наџи, Аналитичар за ББС.

Целосно отворање на Ормутскиот теснец за меѓународен поморски сообраќај и влијанието на Иран врз оваа стратешка рута за транспорт на нафта, производството на нукклеарно оружје и замрзнатите ирански средства од околу 27 милијарди долари во банките низ светот, се меѓу најклучните точки за неусшешните преговори меѓу САД и Иран, во Пакистан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Улица и патишта го чистат каналот што е причина за поплавените гробишта во Бутел

По налог на Град Скоопје односно секторот за комунални работи денес ЈП „Улица и патишта“ со координарни активности за рачно и машинско чистење на обраснатата вегетација улицата “Александар Урдаревски“ кај градските гробишта Бутел.

Улица и патишта го чистат каналот што е причина за поплавените гробишта во Бутел

Со расчистување на овој дел ќе подобри пристап на механизацијата за чистење и евакуација на натрупаниот материјал во дренажниот канал покрај самата сообраќајница, велат од Улица и патишта.

Обраснатото зеленило е проблем и за истек на водата која се собра во каналот и водата ги поплавува гробните места...

Канал 5 вчера објави сторија каде се гледа дека без разлика дали имало дожд или бил сушен период водата е присутна и тешко може да се стигне до гробните места.

Од ЈП „Улица и патишта“ објаснуваат дека зеленилото е проблем и за одржување на безбедноста на улицата кога се движат пешаци и исто така е проблем за прегледност на возачите.

Од ЈП „Улица и патишта“ апелираат граѓаните во одводните канали да не фрлаат отпад и шут бидејќи штетите пред се по големи дождови се огромни..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис по нападот во Солун: Ќе ве најдеме и ќе ве предадеме на правдата

Премиерот на Грција, Киријакос Мицотакис, изјави дека сторителите на нападот во Солун ќе бидат пронајдени и изведени пред лицето на правдата, по смртта на жената која претрпе најтешки изгореници во намерно подметнат пожар .

Мицотакис по нападот во Солун: Ќе ве најдеме и ќе ве предадеме на правдата

Премиерот на Грција, Киријакос Мицотакис, изјави дека сторителите на нападот во Солун ќе бидат пронајдени и изведени пред лицето на правдата, по смртта на жената која претрпе најтешки изгореници во намерно подметнат пожар врз објект поврзан со функционери на владејачката партија Нова демократија..

72-годишната жена, инаку мајка на партиската кандидатка Афродити Нестора, починала на одделението за интензивна нега во Солун.

Мицотакис изрази сочувство до семејството и предупреди дека не може да има толеранција за крвопролевање. Тероризмот мора да биде протеран таму каде што му е местото, на маргините“, изјави грчкиот премиер.

Нападот врз домот на нестора бил еден од три координирани инциденти вчера рано утрината, во кој биле повредени уште четири лица, меѓу кои и самата кандидатка и нејзиниот татко..

Тагови: Киријакос Мицотакис солун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русија го нападна Киев, најмалку 13 луѓе се убиени

Руските сили извршија голем напад со дронови и ракети врз украинската престолнина Киев, при што загинале 13 лица, а десетици се повредени.

Русија го нападна Киев, најмалку 13 луѓе се убиени

Неколку населби биле евакуирани додека нападите ги потресувале зградите низ целиот град, Само неколку часа откако украинскиот претседател Володимир Зеленски предупреди дека Русија се подготвува за нов напад.. Меѓу жртвите има и деца, изјави Тимур Ткаченко, шеф на воената администрација на Киев..

„Непријателот повторно намерно ги гаѓа станбените области и убива цивили“, изјави тој.

Воздухопловните сили на Украина соопштија дека Русија лансирала 74 ракети и 496 дронови преку ноќ. Ова е прв голем руски напад со ракети и дронови врз украина во последните повеќе од две недели. Руското министерство за одбрана соопшти дека биле погодени и воени бази во централна и источна Украина..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер