Трамп отпушти четворица службеници во првата објава на својата социјална мрежа - Канал 5

Свет

Трамп отпушти четворица службеници во првата објава на својата социјална мрежа

 Американскиот претседател Доналд Трамп денеска отпушти четворица високи владини функционери назначени од неговиот претходник .

Трамп отпушти четворица службеници во првата објава на својата социјална мрежа

Американскиот претседател Доналд Трамп денеска отпушти четворица високи владини функционери назначени од неговиот претходник и предупреди дека „уште илјада“ ќе се соочат со неизбежно отпуштање во првата објава на Truth Social по неговата инаугурација.

„Мојата претседателска канцеларија за персонал е активно во процес на идентификување и отстранување на над илјада претседателски лица именувани од претходната администрација, кои не се усогласени со нашата визија да ја направиме Америка повторно голема“, објави Трамп на платформата.

Разрешени се - Хозе Андрес од Претседателскиот совет за спорт, фитнес и исхрана, Марк Мили од Националниот советодавен совет за инфраструктура, Брајан Хук од Центарот Вилсон и Кеиша Ленс Ботомс од Претседателскиот совет за извоз.

Претседателот на САД, Доналд Трамп на првиот ден од неговиот нов мандат потпиша повеќе извршни наредби – од климата до имиграцијата, заедно со голем број помилувања за оние кои упаднаа во Капитол на 6 јануари 2021 година.

Дел од извршните наредни се ветувањата што ги даде за време на кампањата во 2024 година. Други, како повлекување од Светската здравствена организација (СЗО), не се очекуваа, јавија американските медиуми.

Трамп потпиша различни наредби насочени кон преобликување на начинот на кој САД управуваат со имиграцијата и државјанството.

Тој прогласи национална вонредна состојба на јужната граница. Трамп, исто така, вети операција за масовна депортација во која ќе биде вклучена армијата, за која истакна дека ќе биде насочена кон оние што ги нарече „криминални вонземјани“.

Трамп во Овалната соба потпиша наредба за одземање на државјанството по право на раѓање. Но, автоматското американско државјанство на луѓето родени во земјата е запишано во Уставот, а акцијата на Трамп сигурно ќе се соочи со правен предизвик.

Трамп потпиша помилување за околу 1.500 учесници во нападот на Капитол на 6 јануари 2021 година од страна на неговите приврзаници, кои се обидоа да ги поништат изборите во 2020 година. Тој повторно ги нарече „заложници“ оние кои беа осудени или се изјаснија за виновни за немирите.

Тој укина различни извршни наредби за промовирање на програми за различност и ЛГБТК. Тој ги поништи декретите кои промовираат различност и еднаквост во владата, бизнисите и здравството, како и правата на ЛГБТК Американците. Трамп поаочи дека американската влада ќе признае само „два пола – машки и женски“.

Претседателот веднаш ги повлече САД од Парискиот климатски договор, повторувајќи ја акцијата што ја презеде за време на неговиот прв мандат. Наредбата го продолжува пркосното отфрлање на Трамп на глобалните напори за борба против планетарното затоплување, бидејќи катастрофалните временски настани се интензивираат ширум светот. Ќе биде потребна една година за да се напушти Договорот по поднесувањето на формално известување до рамката на ОН што ги заснова глобалните климатски преговори.

Трамп потпиша наредба за прогласување „национална енергетска вонредна состојба“ со цел значително да се прошири експлоатацијата во најголемиот светски производител на нафта и гас.

Друга наредба бара од федералните работници да се вратат во канцеларијата со полно работно време, при што Трамп се обидува да ги врати поголемиот дел од надоместоците за работа од дома што беа воведени за време на пандемијата Ковид-19.

Трамп потпиша наредба за повлекување на САД од Светската здравствена организација, инсистирајќи на тоа дека Вашингтон неправедно плаќа повеќе од Кина во телото на ОН.

Претседателот нареди 75-дневна пауза за спроведување на законот со кој ефективно ќе се забрани TикТок. Трамп истакна дека кинеската матична компанија на апликацијата мора да се согласи да продаде 50 отсто од акциите на САД.

Трамп ги отповика санкциите против насилните израелски доселеници на окупираниот Западен Брег обвинети за злоупотреби против Палестинците, поништувајќи ја наредбата без преседан преземена од администрацијата на Џо Бајден.

Прекинувајќи уште еден од поновите потези на Бајден, Трамп ја врати Куба на црната листа на држави спонзори на тероризмот. Бајден ја отстрани Куба од списокот само неколку дена порано како дел од договорот за ослободување на затвореници.

Извршната наредба е писмена наредба издадена од претседателот до федералната влада за која не е потребно одобрение од Конгресот. Тоа е еден начин на кој претседателите можат да спроведат промени во политиките без да мораат законодавците да гласаат за нив. Сепак, извршните наредби мора да бидат во согласност со законот и може да бидат предмет на правен преглед.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер