Свет

Трамп од авион испрати порака што очекува од Путин: Тој се обидува да ја постави сцената

Американскиот претседател Доналд Трамп, кој замина за Алјаска околу 14 часот по локално време, разговараше со новинарите во авионот „Ер Форс Уан“.

Трамп рече дека Путин е „паметен човек“ и дека тие „добро се сложуваат“ со „меѓусебно почитување од двете страни“, додавајќи дека мисли дека „нешто ќе произлезе од тоа“, осврнувајќи се на нивниот состанок во Анкориџ вечерва.

„Забележав дека тој носи многу бизнисмени од Русија и тоа е добро. Ми се допаѓа тоа, бидејќи тие сакаат да работат, но ние нема да работиме додека не престане војната“, рече Трамп.

Во врска со континуираните напади на Русија врз Украина, Трамп рече дека мисли дека Путин „се обидува да ја постави сцената“ и дека „во неговиот ум тоа му помага да добие подобар договор“.

„Мислам дека тоа всушност му штети и ќе разговарам со него за тоа“, додаде Путин.

На прашањето дали средбата со Путин ќе вклучува територијални прашања, Трамп рече дека ќе има дискусии за тоа.

„Но, морам да ја оставам Украина да ја донесе таа одлука и мислам дека ќе ја донесат вистинската одлука, но јас не сум тука да преговарам во име на Украина. Јас сум тука да ги доведам на маса. И мислам дека имате две страни. Погледнете, Владимир Путин сакаше да ја земе цела Украина. Да не бев претседател, тој сега ќе ја земеше цела Украина, но нема да го стори тоа“, рече Трамп.

Претседателот на САД не ја исклучи можноста САД да понудат безбедносни гаранции за Украина.

„Можеби, заедно со Европа и други земји. Не во форма на НАТО, бидејќи тоа нема да се случи, знаете, има одредени работи што нема да се случат. Но да, заедно со Европа, постои можност...“, рече Трамп.

Тој ја повтори својата претходна закана за „сериозни последици за Русија“ ако не покаже подготвеност сериозно да разговара за прекин на војната во Украина.

„Економски сериозно. Ќе биде многу сериозно. Не го правам ова за моето здравје, во ред, не ми треба. Би сакал да се фокусирам на нашата земја, но го правам ова за да спасам многу животи“, додаде Трамп.

Тагови: Владимир Путин Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Албански „Топ ченел“: Двајца државјани на Македонија прогласени за „персона нон грата“ во Албанија

Министерството за внатрешни работи на Албанија прогласи за „персона нон грата“ двајца Албанци од Македонија, поради сомневања дека вршеле активности спротивни на интересите на албанската држава.

Станува збор за имамот Бекир Халими и Ваљон Белја. Според информациите објавени од албански Топ ченел, одлуката за нивното прогласување за „нон грата“ следувала по информации на антитерористичките служби дека тие претставуваат закана за безбедноста на земјата и граѓаните на албанија. Наредбата на министерот за внатрешни работи, Бесфорт Ламалари, била испратена до државната полиција и граничните структури за спроведување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Нов случај на Западнонилска треска, тројца пациенти се во критична состојба

Нов сомнителен случај на западно-нилска треска е пријавен на Клиниката за инфективни болести во Скопје.

Во моментов на инфективна се хоспитализирани десет пациенти кај кои е потврдено присуство на вирусот западен нил, и уште седум пациенти кои се водат како клинички суспектни иако резултатите од ПСР тестовите се негативни, информира директорот на Инфективна, Фадил Цана.

Инкубацијата на болеста, како што информира инфектологот Цана трае до 14 дена, и тешко е да се предвиди како ќе се одвива болеста. Но според досегашното искуство помладите и здрави луѓе каснувањето од комарецот го поминуваат без никакви симптоми.

Тројцата пациенти се уште се во критична состојба, со воспаление на мозокот и се приклучени на машина за механичка вентилација. Најголем дел од нив се на возраст околу 60 години и не патувале надвор од државата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Евростат: Со минимална плата во Македонија може да се купи повеќе отколку во Србија, Црна Гора, Албанија

Според статистиката, во јули годинава минималната плата во земјава изнесувала околу 423 евра нето или 624 евра бруто.

Мерено според куповната моќ вредноста на бруто минималната плата во Македонија во јули годинава била повисока споредбено со седум земји членки на ЕУ, како и повисока од онаа во Србија, Црна Гора, Албанија и Турција – покажуваат податоците на Евростат за минималните бруто заработки на земјите членки и кандидатки.

Според статистиката, во јули годинава минималната плата во земјава изнесувала околу 423 евра нето или 624 евра бруто, додека истиот месец во 2016 таа била 236 евра, што претставува зголемување од 388 евра.

ОД сојузот на синдикати велат иако според пресметките за куповната моќ Македонија е рангирана повисоко на листата, тоа не значи дека работниците живеат подобро. Според нив земјава и натаму е на дното во Европа според висината на минималната плата.

„Куповната моќ не значи дека работниците живеат подобро, туку само ја споредува вредноста на платите во однос на цените. Реалноста е дека македонските работници и понатаму примаат една од најниските минимални плати во Европа, а секојдневно се соочуваат со високи трошоци за храна, домување, енергенси и други основни животни трошоци.“ - велат од ССМ

Од синдикатот и денеска укажаа на неопходноста од континуирано зголемување на минималната и сите останати плати, затоа што велат Македонија не смее да остане земја на евтина работна сила, а работниците велат заслужуваат плата со која ќе живеат достоинствено а не само да преживуваат.

Статистиката покажува дека на ниво на ЕУ Луксембург е со највисока минимална плата од 2 771 евро додека најниска е во Бугарија или 620 евра. Според куповната моќ пак живетлите на Германија имаат највисок стандард додека најнизок е во Албанија.

Инаку од 27 земји членки на ЕУ 22 имаат минимлана плата, додека во Данска, Италија, Австрија, Финска и Шведска нема минимална плата. Додека на ниво на земји кандидатки и потенцијални кандидатки Црна Гора, Македонија, Молдавија, Албанија, Србија, Турција и Украина имаат, додека Босна, Грузија и Косово немаат минимлна плата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.