Македонија

Тошковски: Македонските граѓани заслужуваат полиција која што ќе ги штити

МВР неселективно и бескомпромисно се бори против криминалците во своите редови, изјави министерот Тошковски, околу случајот СО уапсениот член на обезбедувањето на премиерот Мицкоски, кој е осомничен за кривично дело „оддавање службена тајна“.

Одделот за внатрешна контрола, по добиени информации, го известил надлежниот јавен обвинител кој што ја одобрил акцијата и дал наредба за преземање на мерки истата вечер, а по спроведувањето на акцијата, извршени биле претреси кај полициски службеници и биле пронајдени докази кои го потврдиле стореното кривично дело“, изјави Тошковски, без да открие допопкнителни детали детали од истрагата, но најави дека кога ќе имаат ќе ги споделат со јавноста

-Сакам да им порачам на сите оние недобронамерници и предавници на својот род, имајќи предвид на криминалците во МВР дека неселективно и бескомпромисно ќе се бориме против истите. Македонските граѓани заслужуваат полиција која што ќе ги штити, а не која што ќе ги рекетира, изјави министерот Тошковски.

Тошковски учествуваше на дебатата посветена на безбедноста на пешаците во сообраќајот на која учествуиваа и експерти по сообраќај и безбедност статистиките, покажуваат дека годишно во земјава животот го губат од 20 до 25 пешаци, што се загрижувачки, бројки прашање кое бара промовирање на одговорно однесување на сите учесници во сообраќајот.

Поради неопочитување на прописите во сообраќајот само во првите два дена од овој месец полицијата изрекла санкции на 1296 лица, од кои 199 биле пешаци.

Живот

Серена Вилијамс: Доколку јас бев на местото на Синер ќе ме казнеа 20 години

„Го сакам тој човек, ја сакам оваа игра“, изјави за магазинот Тајм легендарната Вилијамс.

Легендарната американска тенисерка Серена Вилијамс рече дека сигурно би добила 20 годишна суспензија и одземање на сите освоени грен слем титули доколку би била позитивна на допинг тест како во случајот со светскиот рекет број еден Јаник Синер минатата година.

Синер прифати тримесечна забрана во февруари по договорот со Светската антидопинг агенција, која ја оспори одлуката на независен суд да го ослободи од вината по двата позитивни теста за анаболниот агенс клостебол.

„Го сакам тој човек, ја сакам оваа игра“, изјави за магазинот Тајм легендарната Вилијамс, која се пензионираше во 2022 година откако освои 23 грен слем трофеи.

„Синер е одличен за овој спорт, потребен му е на машкиот тенис. Но, да го направев тоа јас, ќе добиев 20-годишна казна“, додаде таа.

Синер, чија забрана истекува на 4 мај, отсекогаш тврди дека е виновен, иако неговиот случај иницира прашања за тоа дали добил повластен третман од спортските федерации./МИА

Тагови: Серена Вилијамс

Фудбал

Медиуми: Анчелоти го напушта Реал, ќе биде селектор на Бразил

Се очекува тренерот на Реал Мадрид, Карло Анчелоти да ја напушти клупата на шпанскиот гигант по финалето на Купот на кралот, што ќе се одигра на 26 април против Барселона во Севиља, дознава „Скај Спорт“.

Анчелоти дополнително ги подгреа сомнежите околу неговата иднина во Реал вчерашната елиминација од Арсенал во четвртфиналето во Лигата на шампиони.

Според „Скај Спорт“, 65-годишниот италијански стратег ќе остане на клупата на Реал до финалето на домашниот Куп, но се очекува потоа да го напушти клубот.

Анчелоти сè почесто се споменува и како најсериозен кандидат за нов селектор на Бразил, а оваа вест би можела и официјално да биде потврдена пред крајот на сезоната.

Фото: ЕПА

Тагови: Бразил Карло Анчелоти Реал Мадрид

Свет

Нетанјаху: Израел нема да дозволи Иран да развие нуклеарно оружје

Израелскиот премиер Бенјамин Нетанјаху денеска изјави дека Израел нема да дозволи Иран да развие нуклеарно оружје, прецизирајќи дека извршил безброј „отворени и прикриени“ акции кои ја уназадиле иранската нуклеарна програма за „речиси една деценија“.

Ова е прва изјава на Нетанјаху за Иран откако администрацијата на американскиот претседател Доналд Трамп ги почна преговорите со Техеран во обид да склучи нов ирански нуклеарен договор.

- Како што многупати изјави премиерот – Израел нема да дозволи Иран да се здобие со нуклеарно оружје, се вели во соопштението од кабинетот на Нетанјаху.

- Премиерот предводеше безброј акции, отворени и прикриени, во борбата против иранската нуклеарна програма, без која Иран денес би имал нуклеарен арсенал. Тие акции ја вратија иранската нуклеарна програма речиси една деценија назад, се додава во соопштението.

Западните земји, предводени од САД, се сомневаат дека Иран сака да се здобие со нуклеарно оружје. Техеран ги отфрла тие обвинувања и го брани правото на нуклеарна енергија за цивилни цели, особено за енергија.

Иран и САД, кои немаат дипломатски односи од 1980 година, минатата сабота ги одржаа првите разговори, со посредство на властите во Оман, за иранската нуклеарна програма.

Втората средба на официјалните претставници на двете земји е закажана за в сабота во Рим./МИА

Тагови: Бенјамин Нетанјаху Иран