Автомобилизам

Тојота ја менува стратегијата, планираат значително поголемо производство во Кина

Јапонскиот автомобилски гигант Тојота планира да произведува најмалку 2,5 милиони возила годишно во Кина до крајот на деценијата, што означува промена во стратегијата што треба да ја врати изгубената позиција на најголемиот светски пазари.

Во последниве години, Тојота беше заменета во Кина од домашни играчи предводени од BYD, кои во меѓувреме започнаа силни напади на странските пазари. Јапонската компанија сега сака да го зголеми производството во Кина до три милиони возила годишно до крајот на деценијата, велат извори. Но, официјалната цел сè уште не е одредена, велат извори кои сакале да останат анонимни бидејќи планот се уште не е официјален.

Наведената бројка ќе претставува зголемување од 63 отсто во однос на рекордните 1,84 милиони возила произведени во Кина во 2022 година. Во 2023 година тие произвеле 1,75 милиони. Тојота информира некои добавувачи за планираното зголемување за да им испрати порака дека планира да продолжи да работи со азискиот гигант за да обезбеди снабдување, велат изворите.

„Со оглед на интензивната конкуренција на кинескиот пазар, ние постојано разгледуваме различни иницијативи“, сопшти Тојота како одговор на барањето на Ројтерс, истакнувајќи дека имаат намера да продолжат да работат на производство на „подобри автомобили“ за кинескиот пазар.

Јапонскиот гигант, исто така, сака да подготви терен за поблиска соработка меѓу производствените и продажните одделенија на двете компании што ги формираше во соработка со кинеските партнери со цел да се подобри ефикасноста, велат извори.

Тие, исто така, имаат намера да ја пренесат моќта на развојот на технологијата за електрични автомобили на работниците во Кина што е можно повеќе, бидејќи тие подобро ги знаат преференциите на кинеските потрошувачи.

Македонија

Вајц до бугарска новинарка: Треба да се информирате и малку да промислите за тоа што го зборувате

Вајц нагласи дека против него се води „масовна кампања на клевети“ која е апсолутно неоснована и дека тој целосно ги следел правилата на Европскиот парламент.

Треба да се информирате, малку да промислите за тоа што го зборувате и да ги прочитате правилата, одговори известувачот за Македонија во Европскиот парламент Томас Вајц на денешната прес-конференција, на забелешките на бугарска новинарска дека неговиот кредибилитет како известувач е доведен во прашање поради наводните сомнежи дека се среќавал со македонски претставници и бил предмет на лобирање.

Вајц нагласи дека против него се води „масовна кампања на клевети“ која е апсолутно неоснована и дека тој целосно ги следел правилата на Европскиот парламент.

- Знаете дека имавме голема негативна кампања, која траеше и беше апсолутно неоснована. Ова беше извештај на ЕП за Македонија. Како може да биде неподобно да се говори со македонската страна кога јас пишувам извештај за Македонија. Можеби треба малку да промислите за тоа што го зборувате. Ви препорачувам да ги прочитате правилата, а јас се водам од сите правила на ЕП целоснно, па дури и претерувам во тоа, рече Вајца на прес-конферебцнија по по усвојувањето на извештајот за земјава во Европскиот парламент.

Тој и претходно во пишана изјава, истакна дека како известувач на ЕП за земјава неуморно работел за „добро избалансиран и непристрасен извештај за демократскиот напредок на оваа земја“, но оти „некои бугарски ервопратеници го искористиле извештајот за домашни цели“.

Тагови: Томас Вајц

Свет

Зеленски: Само Москва го отфрла предлогот за средба во Ватикан за мир во Украина

Украинскиот претседател Володимир Зеленски денеска изјави дека во моментов само Москва го отфрла предлогот за одржување состаноци на ниво на раководство на двете земји во Ватикан.

Тој, по состанокот со папата Лав Четиринаесетти изјави дека предлогот за средби на ниво на лидери во Ватикан, со цел ставање крај на руската агресија и постигнување стабилен, траен и вистински мир, „останува отворен и апсолутно можен“, пренесува Укринформ.

- Во моментов, само Москва го отфрла овој предлог, како и сите други мировни предлози. Ќе продолжиме да градиме глобална солидарност за дипломатијата и понатаму да функционира, напиша Зеленски на социјалните мрежи.

Тој му се заблагодари на папата за поддршката на украинските деца, вклучувајќи ги и оние вратени од руско заробеништво.

- Украинските деца имаат можност за рехабилитација и одмор во Италија, и таквото гостопримство и искреност се исклучително важни. Денеска разговаравме за понатамошните напори на Ватикан да ги врати украинските деца кои беа киднапирани од Русија, наведе Зеленски.

Украинскиот претседател пристигна во посета на Италија, каде што ќе учествува на дводневната Конференција за обнова на Украина (УРЦ 2025) која почнува утре во Рим.

Тагови: Ватикан зеленски москва

Македонија

Собранието ја заврши општата расправа по дневниот ред од 59. седница, ќе се гласа дополнително

Без дискусија и пријавени за збор во Собранието заврши општата расправа по точките од 59-тата седница.

Како што рече потпретседателката Весна Бендевска, која ја водеше седницата вечерва, пратениците ќе бидат дополнително известени за гласањето по точките од дневниот ред.

Поради тоа што неколку пати во текот на денов беа побарани паузи, дневниот ред на оваа седница беше изгласан попладнево и од него беше отстранета точката за интерпелација на претседателот на Уставен суд, Дарко Костадиновски.

Предлогот беше на пратеникот Бобан Карапејовски од ЗНАМ, со образложение дека „не сакаат да учествуваат во правно насилство врз Уставот“. На тоа со процедурални забелешки реагираа пратеници од опозицискиот Европски фронт кои бараа точката повторно да се врати.

Пред општиот претрес по точките на 59-тата седница, се одржа седница посветена на прашања од опозициските пратеници.

Собранието ќе продолжи со работа утре во 11 часот.

Тагови: собрание