Тоалетна хартија наместо Мицубиши Пајеро- неверојатна пренамена на фабриката - Канал 5

Автомобилизам

Тоалетна хартија наместо Мицубиши Пајеро- неверојатна пренамена на фабриката

Mitsubishi се согласи да продаде една од своите фабрики.

Тоалетна хартија наместо Мицубиши Пајеро- неверојатна пренамена на фабриката

Mitsubishi одлучи да ја продаде својата фабрика во централна Јапонија за околу 34 милиони долари. Станува збор за фабрика во која се произведуваше Mitsubishi Pajero, а затворена во 2020 година. Тоа е првата фабрика од 2001 година што се затвора во Јапонија.

Познат е и новиот сопственик на фабриката. Како што дознава Nikkei Asia, станува збор за Daio Paper, производител на хартиени марамчиња и тоалетна хартија. Фабриката ќе премине во рацете на новиот сопственик до крајот на месецот, а се уште не се знае дали и кога ќе започне производството.

Да потсетиме, фабриката во своите најдобри години произведуваше до 170.000 возила, додека во 2019 година произведе само 63.000 возила. Истовремено, падна и производството на Mitsubishi, кое минатата година ја заврши со произведени околу 400.000 возила, што е намалување за околу 30% во однос на периодот пред пандемијата.

Mitsubishi со продажбата на фабриката се обидува да ги намали фиксните трошоци, но и да обезбеди средства за отпремнини за околу 650 непроизводствени работници. Кога станува збор за работниците во фабриката, третина се преместени на позиции во компанијата, третина нашле друга работа, а останатите работници се пензионирале предвреме или ќе бидат вработени кај нов сопственик.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два инциденти за помалку од 24 часа: Уште еден воз излета од шините во Англија

Патнички воз во Есекс, источна Англија, излета од шините денес, помалку од 24 часа откако во сличен инцидент во воз на релација Лондон-Истборн беа повредени 20 лица.

Два инциденти за помалку од 24 часа: Уште еден воз излета од шините во Англија

Според фотографиите од местото на настанот, возот со девет вагони излетал од шините и удрил во надземна жичана греда кога застанал, објавува Телеграф.

Излетувањето од шините се случило само неколку часа откако лидерите во индустријата инсистирале дека железниците се безбедни за употреба во топло време.

Инцидентот се случил на најжешкиот ден во годината, кога температурите достигнале 38 степени Целзиусови.

Сликите од местото на несреќата покажуваат дека возот тргнувал од Саутенд Викторија кон Лондон Ливерпул Стрит во 13:51 часот.

Засега нема информации дали има повредени во инцидентот.

Тагови: Англија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Прекини на електричната енергија во четири азиски земји

Казахстан, Киргистан, Таџикистан и Узбекистан денес известија за прекини на електричната енергија, кои се случија „поради ненадејна промена во протокот на енергија“ од централноазиската мрежа, објави Министерството за енергетика на Казахстан.

Прекини на електричната енергија во четири азиски земји

Министерствата за енергија на сите четири земји, чии мрежи се меѓусебно поврзани, потврдија прекини на електричната енергија. Тие изјавија дека се работи на враќање на снабдувањето со електрична енергија.

Репортерите на Ројтерс во Алмати, најголемиот град во Казахстан, и Бишкек, главниот град на Киргистан, известија за прекини на електричната енергија. Локалните медиуми во Таџикистан известија за прекини во главниот град Душанбе и вториот по големина град Хуџанд.

Прекините на електричната енергија се чести во Централна Азија

Узбекистанските власти известија за прекини на електричната енергија во некои јужни делови од земјата, главно во близина на границата со Таџикистан.

Недостатокот на електрична енергија е честа појава во Централна Азија, каде што традиционалното потпирање на хидроенергија предизвикува проблеми бидејќи климатските промени ги прават хидроцентралите ранливи на недостиг на вода.

Фото: ВИ

Тагови: Азија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Грција во пламен: Пожарникарите се обидуваат да го спречат ширењето на пожарот

Денес во регионите Варда и Илија во западен Пелопонез, Грција, избувна пожар, кој зафати ниска вегетација.

Грција во пламен: Пожарникарите се обидуваат да го спречат ширењето на пожарот

Според првичните информации, 20 пожарникари, седум возила и три авиони се вклучени во гаснењето на пожарот, објавува „Катимерини“.

Локалните самоуправи исто така даваат помош во гаснењето на пожарот, а на лице место се наоѓаат цистерни за вода и градежна механизација.

Западен Пелопонез моментално е под висока пожарна тревога.

Извор: Б92

Тагови: грција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер