Тинејџерот, кој лани во училиште во САД уби четворица ученици, призна вина (ВИДЕО) - Канал 5

Живот

Тинејџерот, кој лани во училиште во САД уби четворица ученици, призна вина (ВИДЕО)

Американскиот тинејџер Итан Крамбли (16) се изјасни за виновен за тероризам и убиство од прв степен за пукањето во училиште во Мичиген.

Тинејџерот, кој лани во училиште во САД уби четворица ученици, призна вина (ВИДЕО)

Во престрелката што се случи во декември 2021 година, беа убиени четворица ученици.

Тинејџерот може да биде повикан да сведочи против неговите родители, кои се во затвор под обвинение за убиство од небрежност за нивната наводна улога во трагедијата.

Крамбли во судницата изјавил дека се чувствува виновен и потврдно одговорил на прашањето дали свесно, доброволно и намерно одлучил да пука во другите ученици, пишува АП.

Осудата за убиство од прв степен обично носи автоматска доживотна казна затвор во Мичиген, но тинејџерите имаат право на сослушување каде што нивниот адвокат може да расправа за пократка казна и шанса за условно ослободување.

„Не ни е познат ниту еден друг случај, никаде, во земјата каде што масовен убиец е осуден за тероризам по државни обвиненија“, рече окружниот обвинител на округот Оукланд, Карен Мекдоналд.

Тинејџерот се откажал од намерата да се брани поради лудило, а на распитот кај судијата неколку пати рекол дека ги разбира потенцијалните казни.

Родителите на тинејџерот, Џејмс и Џенифер Крамбли, се обвинети дека на својот син му дале пристап до пиштол и дека ја занемариле неговата потреба од третман за ментално здравје.

Адвокатката на Итан Крамбли рече дека е можно нејзиниот клиент да биде повикан да сведочи против нив. Таа рекла дека тие се под забрана и дека тој не разговарал со своите родители.

Џенифер Крамбли на социјалните мрежи го нарече пиштолот „божиќен подарок“ за нејзиниот син. Итан Крамбли на вчерашното сослушување признал дека тој и неговиот татко купиле пиштол неколку дена пред пукањето. Тој рече дека пиштолот не бил заклучен во сефот утрото кога го однел на училиште.

YouTube video

Кога неколку дена пред пукањето, наставникот видел дека Итан истражува разни видови муниција за време на часовите, неговите родители биле повикани во училиштето. Сепак, тие не се појавиле ниту одговориле на повикот. Всушност, Џенифер Крамбли му испратила порака на синот велејќи дека „не му е лута нему, туку тој требало да научи како да не биде фатен“.

Мекдоналд рече дека утрото на пукањето, наставникот видел вознемирувачка белешка на бирото на момчето. Тоа било цртеж на пиштол вперен во текстот: „Не можам да престанам да размислувам за тоа, помогнете ми“. На другиот дел од пораката бил нацртан испукан куршум, а над него пишувало дека „насекаде има крв“. Итан бил испратен надвор од часовите, а неговите родители биле повикани во училиштето.

„На состанокот, на неговите родители им беше покажан цртежот и им беше препорачано да го одведат својот син на советување во рок од 48 часа. Џејмс и Џенифер Крамбли потоа не го прашале нивниот син дали има пиштол со него или каде се наоѓа огненото оружје, ниту пак тие му го пребарале ранецот“, рече Мекдоналд.

По првата вест за пукањето во училиштето, Џенифер Крамбли му испратила порака на синот: „Итан, немој да го правиш тоа“. Џејмс Крамбли повикал полиција, рекол дека му недостасува пиштолот и дека стрелецот во училиштето би можел да биде неговиот син.

Крамбли уби четворица ученици: Тејт Мајр (16), Медисин Болдвин (17), Хана Сент Јулијан (14) и Џастин Шилинг (17).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер