Тесла создаде робот што го воодушеви светот: Пере, меси, готви и може уште многу други работи - Канал 5

Технологија

Тесла создаде робот што го воодушеви светот: Пере, меси, готви и може уште многу други работи

Теслиниот робот „Оптимус“ го импресионираше светот со своите способности. Тој покажа дека може да извршува и практични задачи – сè уште не на натчовечко ниво, но со импресивна прецизност за еден робот.

Тесла создаде робот што го воодушеви светот: Пере, меси, готви и може уште многу други работи

Во ново видео објавено на социјалните мрежи, „Тесла бота“ може да се види како извршува секојдневни домашни задачи по добивање инструкции преку природен говор. Роботот фрла ѓубре, чисти остатоци од маса со лопатка и четка, кинe хартиени салфетки, меша храна во тенџере и чисти со правосмукалка, меѓу други задачи.

Иако овие задачи можеби нема да ја променат роботиката во корен, тие покажуваат постојан напредок – движењата и постапките стануваат сè покомплексни и поприродни.

Робот на Тесла и револуционерната технологија на учење

Шефот на тимот „Оптимус“, Милан Ковач, изјави на платформата X:

„Една од нашите цели е Оптимус да учи директно од интернет-видеа на луѓе кои извршуваат задачи.“

Ова не значи дека роботот ќе гледа видеа како човек, туку дека ќе учи од огромната количина податоци во тие видеа – демонстрации, движења, однесување.

Ковач откри дека тимот постигнал „значаен пробив“ кој им овозможува да пренесат голем дел од учењето директно од видеа со човечка перспектива. Ова овозможува побрза примена на нови задачи отколку користењето само на податоци од далечински управуван робот.

Следниот чекор е Оптимус самостојно да вежба задачи – во реалниот свет или симулации – со користење на методата на засилено учење (reinforcement learning), која ги подобрува постапките преку обиди и грешки.

Извршниот директор на Тесла, Илон Маск, кој уште од 2021 година ентузијастички зборува за проектот, тврди дека илјадници вакви роботи еден ден ќе работат заедно со луѓето во Тесла фабриките, извршувајќи „опасни, репетитивни и здодевни“ задачи.

Иако напредокот е значаен, експертите по роботика истакнуваат дека Тесла сè уште ги стигнува конкурентите. Главната пречка не е самата технологија на роботиката, туку способноста роботите да извршуваат корисни задачи безбедно и ефикасно во интеракција со луѓето.

Компанијата, позната по електрични возила, се натпреварува со растечки број технолошки фирми кои се фокусираат на хуманоидни роботи – за работни места, домови или нови екосистеми на човечко-роботска интеракција.

Интересно е што Тесла планира да почне ограничено производство на Оптимус во 2025 година за внатрешна употреба, а веќе во 2026 година може да биде достапен за други компании. Маск најави дека цената ќе биде помеѓу 25.000 и 30.000 долари.

Оптимус е висок 173 см и тежок 57 кг, со можност за интеракција преку раце, дланки и нозе. Го користи истиот AI систем што се развива за автономните возила на Тесла. Со капацитет за носење до 20 кг, предвиден е за задачи кои се „опасни, репетитивни и здодевни“.

Иако прогресот е импресивен, експертите потенцираат дека вистинскиот предизвик останува – безбедна, ефикасна и корисна интеграција на роботите во човечката средина, пренесува Биз портал.

Тагови: Робот тесла

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер