Тесла првпат во квартл заработи една милијарда долари

 Производителот на електрични автомобили Тесла заработи повеќе од една милијарда долари првпат во еден квартал.

Во вториот квартал од годината, компанијата испорача 201.250 автомобили и покрај недостигот на електронски чипови и проблеми со снабдувањето што го зафатија автомобилскиот сектор од почетокот на годината. Нето добивката на компанијата се зголеми за десетпати во текот на изминатиот квартал на 1,14 милијарди долари. Прометот на Тесла скоро двојно се зголеми на 11,96 милијарди долари.

Сепак, приходите на Тесла од продажба на кредити за јаглерод на други компании почнаа да се намалуваат, достигнувајќи 354 милиони долари во вториот квартал од 518 милиони долари во претходното тримесечје.

Тесла долго време доминираше на пазарот на електрични автомобили, но со појавата на моделите на Фолксваген и Форд, се соочува со зголемена конкуренција. На Тесла сега отпаѓаат 64 проценти од продажбата на електрични возила во САД во вториот квартал, наспроти 71 процент во претходниот квартал и 83 проценти за истиот период минатата година.

По повод резултатите за вториот квартал, првиот човек на Тесла Илон Маск истакна дека ситуацијата со полупроводниците останува сериозна и дека е непознато до кога ќе трае.

– Но, за остатокот од годината, нашиот раст ќе зависи од најмалиот елемент на нашиот синџир на снабдување, посочи Маск.

Тесла не се откажува од најавите за зголемување на испораките во просек за 50 проценти годишно за неколку години.

Битолскиот театар на меѓународен фестивал во Рума, Србија

Актерите на НУ Народен театар-Битола, Викторија Степановска Јанкуловска и Никола Стефанов вечер во Рума, Србија на тамошниот меѓународен театарски фестивал ќе ја одиграат претставата „Кислород“ во режија на Иван Јерчиќ.

Фестивалот е со натпреварувачки карактер и освен македонските актери во конкуренција се и актери на театри од Унгарија, Романија, Словенија, Хрватска, Босна и Херцеговина и домаќинот Србија.

Театарската претстава „Кислород“ е фокусирана на проблемите во животот, потребата на човекот да живее, или како што велат битолските актери, да се живее живот полн со љубов, среќа, емпатија и солидарност.

Претставата „Кислород“ почнува во 21 часот и ќе се одигра на сцената на Градски театар во Рума. /МИА

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

притисни ентер