Тејлор Свифт се појави на стадион, сите негодуваат поради односот на телохранителите (ВИДЕО) - Канал 5

Шоу биз

Тејлор Свифт се појави на стадион, сите негодуваат поради односот на телохранителите (ВИДЕО)

На интернет стана вирално видео од Тејлор Свифт, создадено за време на нејзиното пристигнување на натпреварот помеѓу Канзас Сити Чифс, за кој игра нејзиното момче Тревис Келче и Денвер Бронкос.

Тејлор Свифт се појави на стадион, сите негодуваат поради односот на телохранителите (ВИДЕО)

34-годишната пејачка пристигнала во карирано здолниште и јакна, кои ги искомбинирала со маица налик на корсет и црни чизми. Тејлор на стадионот беше пречекана од бројни фотографи.

Некои фотографи скршнале додека ја фотографирале пејачката, по што нејзините обезбедувачи почнале да викаат да станат. Тејлор дури и застанала во еден момент, а обожавателите шпекулираа дека таа самата чекала фотографите да станат. "Нејзините чувари им викаат на фотографите за да не ја сликаат под здолништето. Браво", гласи еден од коментарите под видеото кое е прегледано 18,8 милиони пати на X.

Сепак, некои сметаат дека однесувањето на обезбедувањето било непримерно.

"Фотографите сакаат да се спуштат за да добијат подобри фотографии. Веројатно не им текнало да ја фотографираат под здолништето", напишал еден корисник на X.

„Обезбедувањето не треба никому да кажува вакви работи. Тејлор можеше да се облече поинаку“, „Можеа учтиво да ги замолат фотографите да станат, немаат право да викаат“, „Можеше да облече подолго здолниште, но не, светот мора да се врти околу неа“, остануваат уште некои од коментарите. Индипендент пишува дека Тејлор на крајот ги предупредила своите чувари да бидат учтиви.

Инаку, Тејлор Свифт често доаѓа на натпреварите со мајката на Тревис, Дона Келче, која неодамна за странските медиуми изјави дека ужива да навива за својот син во друштво на неговата девојка. „Забавно е, но сето тоа е сè уште ново...“ - вели Дона, која неколку пати била забележана со Свифт на натпреварите.

За потсетување, Тревис и Тејлор ја потврдија врската во октомври минатата година, кога беа фотографирани како се држат за рака. Во јануари, Свифт ја прослави победата во Супербоул со Тревис, а тој беше снимен како ѝ кажува дека ја сака. Тој продолжи да ја придружува на концертите во Австралија, Азија и Европа, а во еден момент дури и се појави на сцената со неа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Тешка несреќа во Турција: Се преврте автобус – има загинати, 40 повредени

Еден повозрасен патник им подлегна на повредите откако автобус полн со патници се преврте во Турција. 

Тешка несреќа во Турција: Се преврте автобус – има загинати, 40 повредени

Во болниците продолжува лекувањето на уште 40 повредени лица.

Несреќата се случила на автопатот Каман-Анкара, во близина на Кирикале, кога возачот изгубил контрола над возилото, по што автобусот се превртел, јавува Анадолија. Повредените со возила на брза помош биле пренесени во градските болници.

На терен се екипите на Дирекцијата за управување со катастрофи и вонредни состојби, противпожарната служба, здравствената служба, жандармеријата и полицијата.

„Теренот стана лизгав поради првиот утрински мраз. Незгодата беше предизвикана од лизгавиот пат. Уште еднаш гледаме дека сите патници во нашите автобуси мора да носат сигурносни појаси“, рече Сарибрахим. Како што наведе тој, возачот на автобусот е задржан во притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: За коалицијата СДС-Левица важен е само интересот на Венко Заев и Апасиев

За коалицијата СДС-Левица важен е само интересот на Венко Заев и Апасиев, затоа на штета на државата и дијаспората го блокираат Изборниот закон.

ВМРО-ДПМНЕ: За коалицијата СДС-Левица важен е само интересот на Венко Заев и Апасиев

Некогаш заткулисната и тајна коалиција, СДС и Левица веќе не се крие. За оваа коалиција нема државен и национален интерес, за неа еден и единствен е личниот интерес на Венко Заев и Димитар Апасиев.

Така, коалицијата СДС-Левица заеднички го блокираат донесувањето на новиот Изборен законик, во кој се вметнати забелешките на ОБСЕ и ОДИХР, како и барањата двете политички партии кои со месеци беа усогласувани на работните средби за овој закон.

Венко Заев и СДС, од страв од длабок пораз, се спротивставуваат на решението македонската дијаспора да гласа во што поголем број. Предлогот на ВМРО-ДПМНЕ е дијаспората да може да го искористи своето право на глас по електронски пат или по пошта.

Но, од СДС и Венко Заев ваквиот предлог беше одбиен, затоа што голем е стравот и паниката кај нив, за тоа дека македонските граѓани кои ја напуштија државата во периодот на нивно владеење, кое не е така одамна, нема да ја поддржат нивната политика, а со тоа ќе доживеат уште поголем пораз на следните претседателски избори.

Апасиев и Левица, пак, и покрај тоа што добија прифаќање на своите предлози во делот на финансирањето на изборните кампањи, тие не го потпишуваат договорот кој беше граден со месеци, во работната група меѓу сите политички партии.

Целта им е да се претстават пред јавноста како партија која со која нема преговори и која не прави компромиси. Жално е што на ваков начин, на штета на македонските граѓани кои од мака заминале од државата, се обидуваат да добијат политички поен повеќе.

Со ваквата блокада, не и се наштетува само на дијаспората, туку се доведува во прашање и исполнувањето на реформските обврски на државата и поради тоа Европската Унија повика на консензус и на навремено донесување на Изборниот законик.

Едноцифрените рејтинзи на СДС и Левица во континуитет од неколку години, ги доведе до стадиум на избезуменост и спроведување на политики со негативни последици по двете партии, но и на државата и граѓаните.

ВМРО-ДПМНЕ останува на ставот и повикува Изборниот законик треба да биде донесен со широк политички консензус, во интерес на државата, реформите и обезбедувањето можност македонската дијаспора по електронски пат да го оствари своето право на глас.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски и ВМРО не се откажуваат од намерата за манипулација со 200 илјади гласови од дијаспората

Мицкоски и ВМРО не се откажуваат од обидите за изборен инженеринг и манипулација со над 200.000 гласови од дијаспората. 

СДСМ: Мицкоски и ВМРО не се откажуваат од намерата за манипулација со 200 илјади гласови од дијаспората

Откако им пропадна шверцерскиот обид за електронско гласање, без било каква контрола, сега се обидуваат да наметнат гласање по пошта, повторно без никаква контрола и безбедносни гаранции за слободната волја на граѓаните.

На Мицкоски не му е важна реформската агенда, тоа му е само параван за изборен грабеж.

Лага е дека СДСМ е против гласањето на дијаспората, бидејќи иселениците гласаат и сега. Ние сме против модел кој отвора врата за изборен грабеж и манипулација со гласовите на 200 илјади граѓани од дијаспората.

Власта категорично одбива ДИК со консензус да ги регулира овие процедури. Ако целта им е фер избори, зошто бегаат од механизми за контрола и доверба во процесот?

СДСМ нема да дозволи изборен грабеж, власта треба да се повлече од овие намери и да достави нов предлог каде ДИК со консензус би да го регулира гласањето на дијаспората.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер