Шоу биз

Таа ужива во милиони, а нејзиниот татко живее во сиромаштија

Една од најпознатите и најбогатите водителки, Опра Винфри не е во најдобри односи со своите родители.

Водителката до пубертетот живеела со нејзината мајка, а кога таа се откажала од старателството, Опра преминала да живее со својот татко со кој не комуницира премногу. Набргу почнала да студира и се посветила на кариерата. Со татко и се слуша два пати годишно, за нејзиниот и неговиот роденден.

Нејзиниот татко Вернон, тврди дека го оставила во сиромаштија, а пред десет години ја напишал и книгата „Неизговорени работи“ во која го опиша својот однос со својата ќерка.

Вернон неодамна во едно интервју, откри дека се чувствува многу осамено, бидејќи неговите најблиски пријатели починале. Исто така неговата здравствена ситуација не е најдобра.

„Опра многу малку ми помага, живее во лоши услови. Тешко дека тоа може да се нарече живот“ – тврди изворот кој објаснува дека нејзиниот татко не сака јавно да зборува за својата тешка судбина.

Наводно единствената желба на Вернон е да ја посети својата ќерка во еден од нејзините луксузни домови.

„И реков дека со задоволство би патувал додека се уште сум во можност“ – изјавил Вернон.

Здравје

На пролетен фестивал во Германија, повеќе од 800 луѓе се заразиле со стомачен грип

Повеќе од 800 луѓе се заразиле со норовирус (стомачен грип) на пролетниот фестивал во Штутгарт, град во југозападна Германија, јави Би-Би-Си.

Не е познато како се шири вирусот, но бројот на заразени значително се зголеми во текот на неделата.

Претставниците на властите во Штутгарт веруваат дека изворот на инфекцијата не е храната и пијалоците кои се служат во фестивалскиот шатор, бидејќи анализираните примероци биле негативни.

Тестирани се и персоналот, како и садовите и водата што се користат за миење.

Градскиот здравствен институт смета дека вирусот се пренесувал од човек на човек, преку капки, иако не се знае кој го донел вирусот - посетител или вработен.

Посетителите набрзо се пожалиле на повраќање, дијареа и гадење.

Градските здравствени власти објавија дека до петок, 26 април, биле заразени 815 лица. Пролетниот фестивал на падините на реката Некар започна на 20 април и ќе трае 23 дена.

Живот

Барнли го осуди навивачкото скандирање за трагедијата во Минхен

Раководството на премиерлигашот Барнли го осуди однесувањето на дел од своите навивачи кои за време на саботниот натпревар против Манчестер Јунајтед скандираа навредливи пораки за трагедијата во Минхен во 1958 година.

Раководството на премиерлигашот Барнли го осуди однесувањето на дел од своите навивачи кои за време на саботниот натпревар против Манчестер Јунајтед скандираа навредливи пораки за трагедијата во Минхен во 1958 година, во која, меѓу другите, загинаа осум фудбалери на Јунајтед.

Во саботата Барнли успеа да освои бод против Манчестер Јунајтед на „Олд Трафорд“ (1:1), а на социјалните мрежи се појави видео на кое може да се забележат скандирања и недолични гестови меѓу навивачите на Барнли во врска со трагедијата во Минхен.

„Гестовите и скандирањето во врска со трагедијата е целосно неприфатливо однесување и фудбалскиот клуб Барнли не го толерира. Ќе работиме со полицијата и Манчестер Јунајтед за да помогнеме во идентификувањето и кривичното гонење на одговорните лица“, се вели во соопштението на Барнли, пренесе Би-Би-Си. (ББЦ).

Во авионска несреќа во Минхен во 1958 година, загинаа 23 лица, меѓу кои и осум фудбалери на Манчестер Јунајтед.

Технологија

Сопственикот на Тесла, Илон Маск, во ненајавена посета на Кина

Сопственикот на „Тесла“, „SpaceX“ и на социјалната мрежа „X“ Илон Маск, кој е еден од најбогатите луѓе во светот, пристигна денеска во Кина, соопштија претставници од Пекинг за кинеската централна телевизија.

„Извршниот директор на Тесла, Илон Маск, пристигна во Пекинг попладнево на покана на Кинескиот совет за промоција на меѓународната трговија“, објави кинеската централна телевизија.

Посетата не беше однапред најавена.

Според западни медиуми, Маск ќе се сретне со високи претставници на кинеската влада за да разговара за имплементацијата на софтверот за автоматизирано возење и да побара одобрение за пренос на податоците собрани во земјата за обука на алгоритми за технологии за автономно возење.