Свет

СЗО: Короната се шири побргу, отколку дистрибуцијата на вакцините

Светската здравствена организација (СЗО) повикува на поголема солидарност за да се запре пандемијата, предупредувајќи дека вирусот се шири побрзо отколку што се дистрибуираат вакцините и дека ветувањата од Г7 се недоволни.

На самитот минатиот викенд во Англија, лидерите на Г7 најавија дека ќе донираат една милијарда дози вакцини или 870 милиони дози, покрај преземените обврски во февруари - или во натура или во форма на финансиска помош на меѓународниот систем за дистрибуција на вакцини Ковакс. .

„Потребни ни се повеќе вакцини и што е можно побрзо. Повеќе од 10 000 луѓе умираат секој ден. На овие заедници им е потребна вакцината, им треба сега, а не следната година!“ предупреди генералниот директор на СЗО Тедрос Аданом Гебреизус на прес-конференција.

„Во моментов, вирусот се шири побрзо отколку што се дистрибуира вакцината низ целиот свет“, се пожали тој.

Додека дел од популацијата на богатите земји продолжува да живее нормален живот благодарение на вакцинацијата, таа напредува бавно во посиромашните земји, кои во голема мерка останаа без вакцини. До 14 јуни Ковакс испратил повеќе од 85 милиони дози во 131 земја низ светот, значително помалку од планираното. Загриженост изразиле и невладините организации и партнерите на СЗО.

„Треба да бидеме појасни за реалниот број на донирани дози и точно колку време е потребно за да ги исполнат своите ветувања“, изјави за Франс Прес Јуангионг Ху од „Лекари без граници“. СЗО сака најмалку 70 проценти од светската популација да бидат вакцинирани до следниот состанок на Г7 во Германија следната година.

„За да успееме во тоа, потребни ни се 11 милијарди дози“, истакнал Тедрос.

Хелен Кларк, копретседавач на експертскиот панел за проценка на глобалното управување со пандемијата, рече дека богатите земји издвоиле 4,3 милијарди дози.

„Дури и ако сметаме на две дози по лице, остануваат уште 2 милијарди дози да бидат распределени“, рече поранешната премиерка на Нов Зеланд пред самитот на Г7.

Забава

Фото: Сексипилната сопруга на поранешниот втор пик на НБА драфт, контроверзниот Миличиќ

Најдобро рангираниот кошаркар од овие простори на некој НБА драфт, српскиот центар Дарко Миличиќ пред скоро две децении беше избран од Детроит од втората позиција.

Иако сите очекуваа тој да направи завидна кариера во најсилната лига сепак тоа не се случи. Контроверзниот Дарко наместо по игрите во дресот на Детроит на кошаркарскиот терен беше запаметен по неговите екцеси и испади.

Поранешниот центар на Детроит сега живее мирен живот на огромниот имот во близина на Нови Сад во Србија и многу често се појавува во балканските медиуми каде раскажува за своите инциденти. За како што тој самиот вели „глупостите што ги правел и за трошењето пари на скапи автомобили“.

„Лудиот “ Дарко дури влезе во во рингот за да се проба и во боксот???.

Но на јавноста и е интересна и сопругата на Дарко, атрактивната Зорана Миличиќ.

Сопругата на Дарко Миличиќ, кој неодамна во големо интервју зборуваше за „глупостите што ги правел“ и трошењето пари на скапи автомобили „за да биде забележан“, објави серија предизвикувачки фотографии на Инстаграм.

Зорана која на Дарко му роди два сина и една ќерка, е вистинска спортистка и многу активно се занимава со фитнес и екстремни спортови, поради што има истакнати стомачни мускули и тело на кое би позавиделе двојно помладите девојки.

На Инстаграм ја следат повеќе од 100 000 следбеници кои се воодушевени од нејзиниот изглед и од нејзиното совршено тело.

Дарко заработи милиони настапувајќи за НБА екипите на Детроит, Минесота и Бостон иако не ги достигна височините кои од него се очекуваа, кои сега му обезбедија мирен и луксузен живот заедно со една од најубавите и најатрактивни соприуги на некој спортист од Балканот, велат воодушевените следбеници на Зорана.

Македонија

Скопје одржа свечена празнична поворка по повод празникот на Лазаревото Воскресение

Сите случајни минувачи со воодушевување и се приклучуваа на поворката.

Голем број деца, заедно со своите родители ја започнаа својата музичка обиколка од Плоштад „Македонија“, продолжувајќи кон Градскиот Трговски Центар па се до Diamond Mall. Со пеење, свирење на традиционални инструменти и весели гранчиња во рацете, ги ослободија срцата на секој случаен минувач.

Ова музичко патување, воедно и вистинско празнично изкуство, не само што означи почетокот на Воскресението Христово, туку ги исполни сите со радост и веселие, истакнувајќи го духот на православните празници.

Пеењето на најрадосните каланди, што се одржа во Скопје, Кичево и Реканскиот крај, во најсоодветен дух го најави најголемиот православен празник - Воскресението Христово.

Забава

Видео: Новак Ѓоковиќ ќе биде новиот Џејмс Бонд?

Најдобриот и најтрофејниот светски тенисер во историјата, мегапопуларниот Новак Ѓоковиќ, неодамна по петти пат во кариерата ја освои престижната награда Лауреус наменета за најдобриот светски спортист.

По тој повод Новак доби интересно прашање.

Имено, на изјавата дека „многу се зборува за тоа дека тој ќе биде новиот Џејмс Бонд“, односно по конкретното прашање „Дали си ти следниот Џејмс Бонд?“, славниот Ноле изјави:

- Дали сум јас? Зарем не е очигледно? Не знам зошто им требаше толку време, но ако ова е официјална понуда - подготвен сум! Го сакам мојот лик на Новак Ѓоковиќ, мислам дека уживам во него, се забавуваме, но веројатно би го оставил Новак за Џејмс Бонд. Мислам дека е време да ја подигнам мојата актерска кариера на повисоко ниво – изјавил Ноле со насмевка на лицето.