Вели во првите 100 дена од новата Влада влегуваат со амбициозна еконоска агенда, освен позајмицата, Мицкоски во синоќешното гостување во „Само интервју“ најави и три нови странски инвестиции, од кој една во делот на енегретиката, вредна околу 500 милиони евра.

Според него досегашните економски политики не давале позитивни резултати, вели време е да се сврти нов лист.

„Финансиски пакет, соработка Влада со Влада во вредност од 1 милијарда евра, со исклучително поволни услови, со добар грејс период, со исклучително атрактивна каматна стапка...Тоа би било кредит од друга држава... да на основ Влада со Влада..

„Го напуштаме концептот на ФИТР нема веќе да трошиме пари за Кисела вода, иновативен рецепт за пица, ќе има поддршка за стопанството за сите оние кои ќе вложат во производни линии, до 50 % ќе ја поддржуваме инвестицијата со грантови, нешто што ќе ја зголемува продуктивноста и што ќе ја зголемува вреднсот.“ - изјави Христијан Мицкоски – иден мандатар и претседател на ВМРО-ДПМНЕ.

Со синдикатите кои со месеци протестираат и бараат повисоки плати, вели ќе седнеме и ќе разговараме, се што е во рамки на можностите на Буџетот ќе биде анализиарано. Она што е извесно е дека повисоки пензии во првата година од нивниот мандат ќе има..

„Едното нивелирање ќе биде сега во септември така е законот, а второто ќе биде во март. Владата, ако се биде во ред, се формира таму некаде втора половина на јуни, тоа подразбира дека не за 12 месеци туку за 9 ќе биде испорачано тоа ветување за кое што зборувавме а тоа се 5 000 денари линерано покачување на пензиите,- изјави Христијан Мицкоски – иден мандатар и претседател на ВМРО-ДПМНЕ . “

Во втората половина на месец јули се очекува да биде напаравен Ребаланасот на Буџетот, а веќе во септември да започне реализација на најавениот проект за децентрализација на финансиски средства и инвестиции во општините, кој годинава ќе бидат во вредност од 125 милиони евра.

Извори од СДСМ брифираат дека од следната недела ќе биде појасна динамиката за процесите. Прво треба да се свика Извршниот одбор, кој ќе му наложи на Централниот да го закаже партискиот конгрес на кој ќе се реферира за изборните резултати и смена на сите нивоа.

По катастрофалниот пораз, историски најголем на партијата, дел од високите партиски функционери јавно најавија оставки, но извори од партијата појаснуваат дека всушност целото раководство е во оставка се додека не се избере ново.

Со реакција последна се огласи и заменик-претседателката на СДСМ и актуелна директорка на УЈП, Сања Лукаревска, која на социјалните мрежи објави дека ја прифаќа одговорноста за изборниот пораз. Како што напиша, верува во СДСМ и неговата сила што побрзо да се реформира, да се обедини и подготви, бидејќи силен СДСМ и потребен на Македонија. Претходно, повлекување и оставки од потпретседателските места објавија Фатмир Битиќи и Перо Костадинов, а од партиската функција се повлече и претседателката на Форумот на жени, Јованка Тренчевска.

Сепак дел од членовите и функционери на СДСМ сметаат дека раководството треба да поднесе оставки веднаш, а не со одложено дејство и условени. Актуелниот директор на ТИРЗ, Јован Деспотовски, чие име се споменува и како еден од можните кандидат за нов лидер на СДСМ, во изјава за Канал 5 вели дека покрај Ковачевски и целото раководство, очекува оставки и од носителите на листите.

Деспотовски се уште не потврдува дали и официјално ќе влезе во трка за претседателското место на Бихаќка, откако пред две години не доби доволна поддршка од членството за да го замени Заев. Тогаш беше променет статутот на партијата, па сега претседател на партијата избираат сите членови, на непосредни избори.

Тој во вчерашното „Само интервју“ откри дека веќе имало сигнали од поединци од другите коалиции кои има можност да се приклонат кон нив. Потоа, рече, веќе извесно нивни колаициски партнер ќе биде Вреди, со што очекува владино мнозинство од 74-75 пратеници, но најави разговори и со останатите партии за да се обезбеди 2/3 мнозинство неопходно за планиратени системски реформи.

За кадровските прашања и распредлебата на ресорите, Мицкоски кажа дека се уште не разговарале, но беше дециден дека очекува конструктивен дијалог со партнерите, кој ќе соодвествуваат на реалноста, а не на фантазиите.

-За жал неискуството и слабиот СДСМ ги измести работите тежиштето е изместено и н еможе никој да очекува во иднина дека повторно тоа тежиште ќе биде изместено и нашата задача е да го вратиме тежиштето таму каде што му е местото и без да биде тежиштето каде шти му еместото немда да донесеме надеж, Што е целта? Да кадежеме ние што добивме, или да направиме подобро општество за сите.

Досега министрите од ДУИ велеа дека одговарале пред Али Ахмети, а не пред премиерот ?

Таков министер јас нема да имам, нема да имам таков, кој што нема да биде отчетен пред мандатарот туку ќе биде пред друг центар на моќ и на тој начин јас нема да комуницирам со министрите,- Христијан Мицкоски – Претседател на ВМРО-ДПМНЕ.

Мицкоски очекува разбирање од идниот коалиционе партнер и за нивната позиција поврзана со уставните измени.. Повтори дека за нив европската интеграција останува приоритет, но не под сегашните услови..

-Ако Бугарија не е подготвена на отстапки, би се свртеле кон домашната агенда и би чекале нова гарнитура во Софија, Христијан Мицкоски – Претседател на ВМРО-ДПМНЕ.

Мицкоски во интервјуто децидно отфрли било каква можност за идна соработка со ДУИ и актуелното раководство предводено од Али Ахмети. Во однос на неговата порака, дека треба да ги почитува резултатите од изборите за да има мир и стабилност во државата, Мицкоски нагласи дека е подготвен на секакви сценарија од страна на ДУИ.

-Очекуваме се, имаме информации што се таму се збори се планира и т.н. нас не ни преостанува ништо друго освен како идна влада доколку има таков тип на протести насилни да ги обезбедиме инстиутиците и системот да функционира и сме подготвени за тоа и тука не треба да се грижат граѓаните ние сме подготвени да одговриме на секој еден насилник, - Христијан Мицкоски – Претседател на ВМРО-ДПМНЕ.

Мицкоски очекува новата влада да стапи на функција во втората половина на јуни.