Светска недела на доењето - Канал 5

Живот

Светска недела на доењето

Под слоганот „Заложи се за доењето“, годинава, Светската недела на доењето е насочена кон развој и зголемување на капацитетите на здравствениот систем и на општеството за поддршка на доењето. 

Светска недела на доењето

Здружението за грижа и едукација на бремени жени, мајки и деца Лулка од Скопје, Универзитетската клиника за гинекологија и акушерство и компанијата Хипомед, оваа година ja одбележуваат Светската недела на доење од 1-ви до 7 август едукација на сите медицински сестри и акушерки за доење, со јавна кампања за промоција на значењето на доењето и со донација на Bempu Tempwatch алки за хипотермија, за предвреме родените бебиња испишани од Одделението за неонатална интензивна нега на Клиниката.

-Под слоганот „Заложи се за доењето“, годинава, Светската недела на доењето е насочена кон развој и зголемување на капацитетите на здравствениот систем и на општеството за поддршка на доењето. Организацијата Лулка ќе организира онлајн обука со стручни предавачи наменета за акушерки, медицински сестри, гинеколози/акушери, педијатри и доктори по семејна доење, за значењето на современата поддршка на доење во духот на Светската недела на доењето 2022. Потоа, ќе дистрибуира флаери за информирање на секоја породена мајка за значењето на доењето, со кратки основни упатства за доење и контакти каде може да добијат соодветни информации и поддршка по доаѓањето дома, се вели во денешното соопштение од Лулка.

Во август и септември, семејствата со предвреме родено бебе кои ќе ја напуштат Клиниката ќе добијат специјален уред (Bempu TempWatch) за контрола на температурата на предвреме роденото бебе, за поттикнување на кенгурирањето и на доењето. Оваа донација, обезбедена од компанијата Хипомед, е наменета за предвреме родените бебиња кои се испишуваат од одделението за неонатална интензивна нега на Универзитетската клиника за гинекологија и акушерство, во соработка со Клиниката и организацијата Лулка.

-Преку едукација и трансформација низ повеќе сектори, може да направиме квалитетна промена и да обезбедиме поддржувачка средина, соодветни навремени информации за младите родители, кои се сѐ повеќе свесни за големите предности на доењето и сакаат да го дојат своето бебе, објаснува д-р Денис Ал Калили, претседател на здружението Лулка и доктор на Универзитетската Клиника за гинекологија и акушерство.

Директорката на Клиниката, д-р. Викторија Јовановска информира дека во рамки на одбележување на Светската недела на доењето, во соработка со организацијата Лулка, ќе спроведат едукација на кадарот за значењето на доењето во современ контекст, вклучително и за потенцијалните можности и мерки за заштита поврзани со КОВИД-19.

-Целта на сите активности е да ги поставиме мајките и бебињата во фокусот и на породените мајки да им обезбедиме основни информации за доењето, како и каде да се обратат за поддршка за доење по испис од родилиште, нешто што сигурно многу ќе им значи. Преземаме и активности да го поттикнеме доењето на предвреме родените бебиња и поврзување на мајките и бебињата, како продолжение на претходно воведените посети во единицата за неонатална интензивна нега, што беше поздравено од семејствата со предвреме родени бебиња. Овие активности се во согласност со препораките на УНИЦЕФ и СЗО и во духот на неделата на доење. И ние како клиника се заложуваме за доењето и посакуваме квалитетен развој на сите бебиња кои се раѓаат на Клиниката, вели Јовановска.

Лулка бара здравствените власти и локалната заедница да се вклучат во заштита, промоција и поддршка на доењето и преку нивно информирање и едукација да се овозможи позитивна околина за доење за семејството. Затоа што, како што нагласуваат, мајчиното млеко е перфектно создадено за да ги задоволи нутритивните и имунолошки потреби на бебето.

-Доењето во првите неколку години од животот ги штити децата од инфекција, обезбедува идеален извор на хранливи материи, исто така е економично и безбедно. И покрај овие исклучително значајни придобивки, практиките за доење не се оптимални во многу делови на светот. Голем број од децата не започнуваат со доење доволно рано, не се ексклузивно доени во текот на препорачаните шест месеци или прерано престанува доењето. Мајките често се соочуваат со притисоци да преминат на хранење со формула за бебиња, што може да придонесе кон побавен раст и недоволно внесување на микро-прехранбени состојки. УНИЦЕФ и СЗО препорачуваат новороденчињата да бидат задоени во рок од еден час по раѓањето; исклучиво подојувани во првите шест месеци од животот и да се подојуваат до возраст од 2 години и понатаму, нагласуваат од здружението Лулка.

Светската алијанса за доење (WABA) секоја година ја одбележува Светската недела на доењето од 1-7. Август. Организацијата Лулка е застапник (endorser) на WABA во земјава и работи на промоција, заштита и поддршка на доењето во изминатите 13 години. Доењето има многу предности за бебето, за мајката и секако, за општеството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Германија на нозе- Србин изведе филмско бегство од затвор, станува збор за опасен крадец

Германската полиција бара Србин кој извел бегство од затвор како од филм!

Германија на нозе- Србин изведе филмско бегство од затвор, станува збор за опасен крадец

35-годишен маж извел бегство во холивудски стил од затвор во Дуизбург-Хамборн рано утрово, објави Министерството за правда на Северна Рајна-Вестфалија, пренесе Телеграф.

Србинот наводно ги отстранил решетките од прозорецот на својата ќелија. Според портпаролот на министерството, можеби ги исекол со пила. Како ги набавил алатките е непознато.

Потоа Саша Д. се провлекол низ многу тесен отвор, се искачил на фасадата и го совладал чуварот на работ на покривот. На крајот избегал на слобода преку покривот на затворот во Дуизбург, Северна Рајна-Вестфалија.

Бегалецот е сериски крадец

Министерот за правда на Северна Рајна-Вестфалија, Бенџамин Лимбах, изјави дека „денешното бегство е апсолутно неприфатливо“ и дека главен приоритет сега е брзо апсење на избеганиот притвореник.

Инцидентот треба детално да се истражи. Експерт за безбедност од министерството спроведува истрага на лице место.

„Детално ќе утврдиме како можело да се случи ова безбедносно пропустување, за да можеме веднаш да ги преземеме потребните мерки врз основа на резултатите“, рече Линбах.

Затвореникот е во притвор од 10 февруари под сомнение за кражба и се смета за таканаречен „патувачки престапник“. Станува збор за криминалци без постојан престој во Германија кои доаѓаат во земјата само за да извршат кривични дела.

Ваквите групи најчесто извршуваат серија кражби на станови или кражби на автомобили.

Бегалецот е познат на полицијата, а според информациите од БИЛД, тој бил осуден на шест години затвор на 20 мај 2026 година за две кражби на станови во Оберхаузен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Патнички брод со над 250 туристи се преврте во близина на Кипар (ВИДЕО)

Патнички брод на компанијата „Фило Џет“, кој превезувал повеќе од 250 патници, се превртел кратко по отпловувањето од пристаништето Гирне (Киренија) во северен Кипар, објавија локалните и турските медиуми.

Патнички брод со над 250 туристи се преврте во близина на Кипар (ВИДЕО)

Министерот за транспорт и јавни работи на Северен Кипар, Ерхан Арикли, изјави дека на фериботот имало вкупно 267 лица - 259 патници и осум членови на екипажот. Градоначалникот на Киренија Гирне, историски пристанишен град кој се наоѓа на северниот брег на островот Кипар, Мурат Сенкул, за CNN Turk изјави дека се спасени 159 патници.

Бродот го напуштил пристаништето Гирне околу 12:30 часот по локално време кон турското пристаниште Ташуч во јужната покраина Мерсин, но кратко по напуштањето на пристаништето, од причини кои сè уште не се утврдени, одеднаш се нашол во вода само два до три километри од брегот.

Дел од патниците скокнале во морето, другиот дел чека спасување на превртениот труп

Откако бродот почнал да тоне, капетанот упатил повик за помош, а очевидци наведуваат дека некои патници скокнале директно во морето во паника. Голем дел од жртвите успеале да се искачат на превртениот труп на бродот каде што чекале да пристигнат спасувачите.

На местото на несреќата е во тек обемна спасувачка операција во која учествуваат бродови на крајбрежната стража, хеликоптери, приватни бродови и локални рибарски бродови кои веднаш дошле на помош.

Голем број амбулантни возила се во готовност на брегот за да им пружат медицинска помош на жртвите штом ќе бидат префрлени на копно. Турските медиуми јавуваат дека има повредени патници, но властите сè уште не ја потврдиле точната бројка на жртви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Историски пресврт: Венецуела им дозволи на Американците да ги користат 25 години нивните нафтени полиња

Привремената претседателка на Венецуела, Делси Родригез, денес изјави дека енергетскиот договор со САД ќе биде во сила следните 25 години.

Историски пресврт: Венецуела им дозволи на Американците да ги користат 25 години нивните нафтени полиња

Привремената претседателка на Венецуела, Делси Родригез, денес изјави дека енергетскиот договор со САД ќе биде во сила во следните 25 години, со кој е договорено зголемување на производството на сурова нафта и задржување на суверенитетот на земјата над природните ресурси, истакна таа.

„Историски договор“

Родригез вели дека ова е историски договор што ќе помогне во оживувањето на економијата и зголемувањето на владините приходи.

Овој 25-годишен билатерален проект вклучува развој на 17 стратешки нафтени полиња, со цел да се има производство од повеќе од 1,5 милиони барели дневно. Таа бројка се однесува исклучиво на билатералниот договор меѓу Венецуела и САД“, рече Родригез на државната телевизија.

Трамп: Обезбедивме мнозинска контрола врз нафтените резерви на Венецуела

Американскиот претседател Доналд Трамп во петокот изјави дека САД, преку партнерства со приватни компании, обезбедиле мнозинска контрола врз нафтените резерви на Венецуела, кои надминуваат 65 милијарди барели. САД на тој начин ќе ја рестартираат мртвата енергетска индустрија на таа јужноамериканска земја, рече тој, а новиот извор на сурова нафта ќе помогне и во намалувањето на цените на горивата во САД.

Венецуела е земјата со најголеми резерви на нафта во светот. Сепак, по години недоволно инвестирање, лошо управување и санкции, нејзиното производство е 1,25 милиони барели дневно, под нејзиниот потенцијал.

Родригез истакнува дека договорот со САД би можел да ѝ донесе на земјата 209 милијарди долари приходи, според пресметка во која цената на барелот била 65 долари.

Протести против Американците

Дополнително, тој забележува дека Венецуела го задржала сопствеништвото и суверенитетот над своите природни ресурси, а во исто време „користи капитал, технологија и оперативна експертиза за да ја обнови стратешката индустрија која е силно погодена од санкциите“. Претходно, неколку провладини групи се собраа во главниот град Каракас за да протестираат против присуството на САД во Венецуела.

Венецуелските власти планираат да потпишат договор следната недела со кој ќе им се дадат на неколку компании, вклучително и на американските, права за истражување и производство на нафта.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер